Salsakommúnan er nýstofnuð salsa hljómsveit sem leikur frumsamið efni í bland við kóver efni. Grunnkjarni Salsakommúnunnar samanstendur af ungum og ferskum tónlistarmönnum en annaðslagið leika hinir og þessir salsahundar með bandinu.

Þann 1. desember síðastliðinn á degi íslenskrar tónlistar gaf Salsakommúnan út nýtt lag sem ber heitið „Farfugl“ en í október kom út „Mangó fyrir 10 flær“ en það er samið til heiðurs salsakóngi íslands, Tómasi R. Einarssyni.

Án efa eiga landsmenn eftir að heyra meira frá Salsakommúnunni en lögin bíða spennt eftir að láta gefa sig út. Einnig eru fyrirhugaðir Salsadansleikir svo vissara er að hafa dansskóna klára!

Þriðjudaginn 6. desember næstkomandi mun Salsakommúnan koma fram ásamt Quest og Rythmatik á tónleikum í Studíó sýrlandi kl 20:00 – 22:00. Frítt er inn og allir velkomnir. Tónleikarnir verða einnig sendir út Live í hljóð og mynd á Facebook.

The post SALSAKOMMÚNAN ER NÝ SJÓÐHEIT SALSAHLJÓMSVEIT appeared first on Albumm.

Albumm.is frumsýnir þrælgóðann og skemmtilegann snjóbrettaþátt sem nefnist „Strawberryshakes“ en þetta er fyrsti þátturinn af mörgum. Herlegheitin eru tekin upp í Stubai í Austurríki og í hemavan í Svíþjóð og munum við sjá nýjan þátt í hverjum mánuði út veturinn.

Það eru snjóbrettakapparnir Aron Snorri, Ísarr Edwins, Jökull Elí og Oscar norén sem eiga heiðurinn af þættinum. Tilþrifin eru svakaleg enda engir nýgræðingar þarna á ferðinni og gaman verður að fylgjast með þessum frábæru þáttum mánaðarlega! Skellið á play og komið ykkur í gírinn!

Nú er bara að biðja veðurguðina um snjó!

The post MÁNAÐARLEGUR JARÐABERJASHAKE appeared first on Albumm.

Valdimar Guðmundsson er einn ástsælasti tónlistarmaður landsins en hann hefur svo sannarlega sungið sig inn í hjörtu landsmanna með sinni silkimjúku rödd. Kappinn er meðlimur í hljómsveitinni Valdimar en þeir hafa kokkað upp ófáa hittara í gegnum tíðina!

Valdimar hefur komið víða við á viðburðarríkum ferli en hann er afar upptekinn þessa dagana líkt og alla aðra daga ársins.

„Það er bara nóg að gera í jólagiggunum þessa dagana. Maður verður á flugi um allt land að jóla fólkið í gang! Svo verða tónleikar á Græna Hattinum 28. des og í Hljómahöll 30. des með hljómsveitinni Valdimar.“ – Valdimar Guðmundsson.

Þrátt fyrir mikið annríki sagði Valdimar Albumm.is á hvaða tíu lög hann er að hlusta á um þessar mundir.

The post Á HVAÐ ER VALDIMAR GUÐMUNDSSON AÐ HLUSTA? appeared first on Albumm.

Snjóbrettahetjan Eiki Helgason var að senda frá sér brakandi ferskt snjóbrettamyndband sem ber heitið „Island Born.“ Myndbandið er allt tekið upp á Íslandi en myndinni er skipt upp í þrjá parta, stutta útgáfa (Zine), fulla lengd og svo heimildarmynd.

Eins og fram kemur í byrjun myndarinnar hefur kappinn haft brennandi áhuga á snjóbretti frá unga aldri og var stefnan ávalt sett á atvinnumennskuna. Fáir höfðu trú á honum enda hafði enginn íslendingur farið þá leið áður.

„Island Born“ er hreint út sagt stórkostleg upplifun enda ekki annað hægt þegar einn færasti snjóbrettakappi heims á í hlut! Heimildarmyndin í fullri lengd kemur út 12. Desember næstkomandi og bíðum við spennt eftir henni!

Skellið á play og sjáið geggjuð tilþrif á heimsmælikvarða!

http://island-born.com/

https://www.lobstersnowboards.com/

http://www.helgasons.com/

The post ENGINN TRÚÐI ÞVÍ AÐ HANN GÆTI HAFT SNJÓBRETTI SEM ATVINNU appeared first on Albumm.

Söngkonan Stína Ágústsdóttir fagnar útgáfu sinnar þriðju plötu, Jazz á íslensku, en platan samanstendur af sígildum jazzlögum á íslensku. Stína hefur samið textana sjálf og fengið hjálp við yfirlestur frá einu ástsælasta skáldi þjóðarinnar, Þórarni Eldjárn. Með Stínu á plötunni leikur einvalalið tónlistarmanna, þau Sigurður Flosason saxófónleikari, Anna Gréta Sigurðardóttir píanóleikari, Einar Scheving trommari og Þorgrímur Jónsson bassaleikari.

Stína hefur komið víða við en hún hefur starfað sem söngkona í Reykjavík, Montreal og Stokkhólmi og meðal annars komið fram á Jazzhátíð Reykjavíkur við frábærar undirtektir.

Hugmyndin að plötunni kviknaði í kjölfar tónleikaraðar sem Stína hélt ásamt Önnu Grétu Sigurðardóttur píanóleikara o.fl þar sem sænska söngkonan Monica Zetterlund var heiðruð. Stína hafði í gamni sínu snúið einhverjum texta á dagskránni yfir á íslensku sem sló algjörlega í gegn á tónleikunum.  Það lá því beint við að halda áfram með það verkefni og útkoman er þessi plata, Jazz á íslensku.

Textarnir eru hnyttnir, rómantískir og etv. óhefðbundnir á tíðum en tónlistin er vel áheyrilegur og klassískur jazz.

Útgáfutónleikar verða haldnir í Kaldalóni í Hörpu n.k sunnudag, þann 11. desember kl 20:00. Með Stínu á tónleikunum verða Sigurður Flosason, Anna Gréta, Einar Scheving og Toggi Jóns. Miðaverð er 3.000 kr.

Viðburðinn á facebook má finna hér.

https://www.instagram.com/stina_agustsdottir/

The post RÓMANTÍSKUR OG ÓHEFÐBUNDINN JAZZ Á ÍSLENSKU appeared first on Albumm.

Hljómsveitin Fox Train Safari var að senda frá sér brakandi ferska plötu en hún er samnefnd sveitinni. Platan var að mestu tekin upp yfir þriggja ára tímabil 2013-2016 en sveitin var einnig afar dugleg við tónleikahald á þessum tíma.

Emilsson (gítar), Unnur Karen (Söngur) og Kristjan Hafsteinsson (Bassi) semja flest lögin á plötunni. Kristjan Hafsteinsson mixar flest öll lögin nema eitt sem Hákon Sveinsson mixaði. Hákon lagði líka hönd á Að Láni. Magnús Leifur Sveinsson í Aldingarðinum Masteraði. Eitt tökulag er á plötunni „The Way I feel“ sem er eftir Nigerisku listakonuna Bukola Elemide.

Hér er á ferðinni frábært plata sem ætti svo sannarlega að renna ljúft niður með jólasteikinni!

The post FOX TRAIN SAFARI MEÐ BRAKANDI FERSKA PLÖTU appeared first on Albumm.

Tónlistarmennirnir Mc Bjór og Brr (Ha Why?), hafa leitt saman hesta sína og stofnað hljómsveitina R&B. Kapparnir eru þessa stundina að vinna að plötu sem er vel á veg komin!

Fyrir skömmu kom út glænýtt lag og myndband sem ber heitið „Forvarnarlagið“ og óhætt er að segja að það er virkilega skemmtilegt!

Holy Hrafn sá um gerð myndbandsins og smellpassar það laginu. R&B er spennandi verkefni sem gaman verður að fylgjast með!

The post SYNGUR Í BLÓM OG TALAR VIÐ HUNDA appeared first on Albumm.

GKR

Skipuleggjendur tónlistarhátíðarinnar Secret Solstice hafa nú tilkynnt fyrstu tónlistaratriðin sem koma fram í Laugardalnum 16.-18. júní næstkomandi. Hátíðin var fyrst haldin árið 2014 og hefur hún heldur betur fest sig sem ein af flottustu tónlistarhátíðum Íslands.

Captain Syrup

Nöfnin sem voru tilkynnt eru engin slor en þar er rokksveitin Foo Fighters fremstir á lista, Prodigy snúa aftur en þeir hafa nokkrum sinnum tryllt landann! Einnig mætir britpop goðið  Richard Ashcroft úr hljómsveitinni The Verve en hver man ekki eftir slagaranum bittersweet symphony. Einnig má nefna Foreign Baggers, Klose One og Soul Clap. Íslendingarnir verða að sjálfsögðu á staðnum og má þar t.d. nefna Gkr, Tiny, Shades Of Reykjavík, Högni og Kiasmos svo fátt sé nefnt.

Elli Grill

Í gær var slegið upp heljarinnar tónleikum í verslun 66°Norður á laugavegi en þar komu fram GKR, Soffía Björg og Captain Syrup, en einnig sást í snillinginn Ella Grill úr hljómsveitinni Shades Of Reykjavík.

Hér fyrir neðan má sjá þau tónlistaratriði sem hafa verið kynnt til leiks:

Foo Fighters, The Prodigy, Richard Ashcroft, Dubfire, Pharoahe Monch, Foreign Beggars, Dusky, Kerri, Chandler,Rhye, Högni, Kiasmos,Úlfur Úlfur, Soul Clap, John Acquaviva, Wolf + Lamb, Amabadama Emmsjé Gauti, Tania Vulcano, Droog, Yotto, Novelist, Soffía Björg, Artwork, Klose One, Tiny, BenSol, Shades of Reykjavík, GKR, Aron Can, Dave, Lord Pusswhip, Krysko & Greg Lord [UK], Hildur, KSF, Alvia Islandia, SXSXSX, Fox Train Safari, Kilo, Captain Syrup og Marteinn.

Hafsteinn Snær Þorsteinsson mætti á svæðið og tók hann þessar skemmtilegu ljósmyndir.

http://secretsolstice.is

The post SECRET SOLSTICE KYNNTI FYRSTU TÓNLISTARATRIÐIN MEÐ STÆL appeared first on Albumm.

Þýski tónlistarmaðurinn Peter Piek var að senda frá sér brakandi fersk lag og myndband en það ber heitið „1St Song.“ Lagið er tekið af væntanlegri plötu kappans sem ber heitið + en hún kemur út 9. Desember næstkomandi. Myndbandið er allt tekið upp á Íslandi en hann kom hingað til lands til að spila á Melodica Festival.

„Mér hefur alltaf langað að koma til Íslands og þegar mér var boðið yfir til að spila varð ég mjög glaður.“ – Peter Piek

Hér má sjá plötuumslagið á plötunni +

Platan var um tvö ár í vinnslu en Peter segir ástæðuna vera sú að hann spilar gríðarlega mikið og það hafi tekið tíma frá upptökuferlinu. Eins og sjá má í myndbandinu er Peter iðulega í lausu lofti en hann þurfti að hoppa um fimm þúsund sinnum til að ná því fram sem hann vildi.

„Íslendingar virðast vera mjög vinalegir og voru allir til í að hjálpa okkur,  þá sérstaklega tónlistarfólkið sem fram kom á Melodica Festival.“ – Peter Piek

Hægt er að fylgjast nánar með Peter á heimasíðu hanns: www.peterpiek.com

Marcus Grysczok er góðvinur Peters en hann kom einnig til Íslands og á hann heiðurinn af myndbandinu.

Hér fyrir neðan má sjá myndbandið og forkaupa óútkomna plötu hanns á Bandcamp.

http://www.peterpiek.com/

The post ÞURFTI AÐ HOPPA UM FIMM ÞÚSUND SINNUM TIL AÐ NÁ ÞVÍ FRAM SEM HANN VILDI appeared first on Albumm.

Tónlistarmaðurinn Steinar sendi fyrir skömmu frá sér glænýtt lag en það ber heitið „Play With Hearts.“ Steinar kom fyrst fram á sjónarsviðið með lagið „Up“ en það náði gríðarlegum vinsældum! Nýja lagið er alls ekkert síðra og á það klárlega eftir að ná miklum vinsældum en Steinar er afar lúnkinn við að semja flottar og grípandi laglínur.

Silkimjúk rödd hanns fær hvert mannsbarn til að rísa á fætur og dilla sér í takt við glaðværa tóna hanns, alls ekki slæmur eiginleki það!

„Play With Hearts“ er grípandi og flott popplag sem á eflaust eftir að hljóma í ófáum eyrum um ókomna tíð.

The post STEINAR SENDIR FRÁ SÉR LAGIÐ „PLAY WITH HEARTS“ appeared first on Albumm.

Reggae hljómsveitin Hjálmar er ein ástsælasta hljómsveit landsins en hún hefur sungið sig inn í hjörtu landsmanna um árabil. Drengirnir voru að senda frá sér brakandi ferskt lag en það ber heitið Allt Er Eitt. Kapparnir vinna nú að plötu en að þeirra sögn verður hún lífrænni en fyrri verk og minna verður um rafræna tóna.

Ekki hefur borið mikið á sveitinni að undanförnu en Steini og Kiddi hafa verið á stanslausu flakki með tónlistarmanninum Ásgeiri Trausta og Siggi bjó í Noregi.

Allir eru komnir á klakann og mikil stemming er í hópnum! Allt Er Eitt er afar ljúft lag sem rennur niður eins heitt hunang að næturlagi, gott er að skella því á fóninn með rjúkandi kaffibolla við hönd.

The post MEIRA LÍFRÆNT OG MINNA UM RAFRÆNA TÓNA appeared first on Albumm.

Í bakrými Harbinger opnar bókabúðin „Bækur á bakvið“ þar sem fáanleg verða íslensk og erlend bókverk ásamt ritum frá sjálfstæðum útgáfum.  Helstu þemu eru myndlist, hönnun og ljósmyndun ásamt konseptbókum. Markmið starfseminnar er að auðvelda aðgengi að einstökum, tilraunakenndum, og jafnvel sérviskulegum bókverkum þar sem markaðsjónarmið koma lítið við sögu í undirbúningi og frágangi. Þar að auki er markmiðið að veita sjálfstæðri útgáfu brautargengi með því að útbúa vettvang þar sem listamenn geta komið verkum sínum á framfæri og gert þeim kleift að rata til viðtakenda.

Vonir standa til þess að með tilkomu þessa vettvangs og auknum sýnileika bókarinnar sem sjónræns listforms, verði sjálfstæð útgáfa hér á landi enn fjölbreyttari og öflugri.

Í framrýminu verður áfram starfrækt sýningarýmið Harbinger en á miðvikudaginn opnaði þar sýning Leifs Ýmis Eyjólfssonar og Sigurðar Atla Sigurðssonar, „Prent og vinir.“

Opið verður mán-fös frá 16 – 20 og lau-sun frá 14 – 18 fram að jólum. Opnunartímar á nýju ári verða auglýstir síðar.

Harbinger ásamt Bókum á bakvið, er til húsa að Freyjugötu 1, RVK.

The post BÆKUR Í BAKRÝMI appeared first on Albumm.

Ljósmyndarinn og Youtube stjarnan Sorelle Amore kemur frá Ástralíu en er um þessar mundir búsett á Íslandi. Sorelle byrjaði að setja myndbönd á Youtube í Ágúst 2016 og í dag fær hún mörg hundruð þúsund áhorf á myndböndin sín. Myndböndin geta verið allt frá því að raka af sér hárið yfir í að vera upp á jökli í bikiní, bráð skemmtilegt!

Sorelle er hnittin, skemmtileg og opin um líf sitt og svo skartar hún ómótstæðilegu brosi sem bræðir hvert mannsbarn!

Albumm.is náði tali að þessari skemmtilegu stelpu og spurðum við hana spjörunum úr!

Hvernig kom það til að þú varðst youtube stjarna?

Hahaha! Ég lít ekki á mig sem Youtube stjörnu. Áhorfin fóru fjölgandi eftir því sem ég gerði fleiri myndbönd en einnig er vinur minn einskonar Youtube stjarna og hann hjálpaði mér töluvert.

Hvernig kviknaði sú hugmynd að taka upp myndbönd og skella þeim á Youtube?

Um leið og ég sá öll þessi myndbönd á netinu varð ég strax mjög spennt! Mig langaði að gera mín eigin myndbönd og deila þeim með heiminum. Ég byrjaði að fikta við þetta fyrir um sex árum síðan en hætti mjög oft. Í ágúst 2016 ákvað ég að hætta að láta mig dreyma og ákvað að framkvæma! Það getur verið mikið stress sem fylgir þessu en þetta er vel þess virði. Það eru mjög margir sem skilja þetta ekki alveg en ég sé endalausa möguleika í þessu. Ég hef ekkert plan B og er mjög ánægð að hafa kýlt á þetta.

Komu vinsældirnar þér á óvart?

Já og nei. Vinsældirnar komu frekar fljótt en ég er ekki búin að vera mjög lengi í þessu þannig þetta er bara rétt að byrja. Ég vinn mjög mikið og legg mikinn metnað í þetta og vona svo innilega að þetta eigi bara eftir að stækka.

Hvernig verður fólk vinsælt á Youtube, áttu einhver ráð fyrir fólk sem er að byrja?

Það getur verið flókið að byrja og vita hvað maður vill gera. Um leið og maður er komin af stað og farin að fá ágætis áhorf fer þetta að vera gaman og þá er erfitt að hætta! Einnig er mjög mikilvægt að vinna með öðru fólki og tengjast fleiri sem eru á sömu braut og maður sjálfur.

Fylgist þú með einhverju Youtube stjörnum?

Já ég verð að gera það. En það eru allskonar myndbönd, algjört bland í poka!

Eitthvað að lokum?

Takk fyrir að hafa mig á Albumm.is, þetta er æði!

Hér fyrir neðan má sjá nýjasta myndband Sorelle Amore á youtube.

Hér fyrir neðan er hægt að fylgjast nánar með Sorelle Amore:

https://www.youtube.com/user/SorelleIAm

http://www.sorelleamore.com/

https://www.instagram.com/sorelleamore/

https://twitter.com/SorelleAmore

The post YOUTUBE STJARNA Á NOKKRUM MÁNUÐUM appeared first on Albumm.

Kraumsverðlaunin, árleg plötuverðlaun tónlistarsjóðsins Kraums sem starfræktur er á vegum Auroru velgerðarsjóðs, verða afhent í níunda sinn í ár. Venju samkvæmt þá birtir Kraumur úrvalslista verðlaunanna, Kraumslistann, nú í byrjun desember yfir þau verk sem þykja hafa skarað framúr í íslenskri tónlist á árinu. Kraumsverðlaunin sjálf verða svo afhent síðar í mánuðinum.

Kraumslistanum og Kraumsverðlaununum er ætlað að kynna og styðja við útgáfustarfsemi íslenskra tónlistarmanna og hljómsveita með því að verðlauna og vekja sérstaka athygli á því sem er nýtt og spennandi – og þeim verkum sem þykja skara fram úr í gæðum, metnaði og frumleika. Verðlaunin eru ekki bundinn ákveðinni tónlistarstefnu og þeim fylgja engir undirflokkar.

Allar íslenskar plötur sem komið hafa út á árinu eiga möguleika á að komast á Kraumslistann og hreppa þar með Kraumsverðlaunin. Bæði plötur sem eru gefnar út á geisladisk og vínyl, sem og útgáfur á netinu. Útgáfustarfsemi á netinu hefur færst mikið í vöxt síðustu ár og er stór hluti þeirra verka sem íslenskir listamenn og hljómsveitir hafa gefið út það sem af eru ári aðeins fáanleg með þeim hætti. Stór hluti verka Kraumslistans eru þó einnig fáanleg á geisladisk og/eða vinyl , eða í formi morgunkornspakka eins og plata GKR – og vill dómnefnd Kraumverðlaunanna minna á að íslensk tónlist er fyrirtaks jólagjöf.

Það er von aðstandenda Kraumsverðlaunanna að Kraumslistinn og verðlaunin sjálf veki athygli á þeirri grósku og fjölbreytni sem einkennir íslenskt tónlistarlíf og plötuútgáfu. Alls voru 176 hljómplötur til hlustunar og umfjöllunar hjá dómnefnd og því ljóst að mikið er að gerast í útgáfustarsemi íslenskra tónlistarmanna og hljómsveita. Kraumslistinn 2016 iðar af fjölbreytni þar sem má finna verk af ýmsum toga, en hip hop og rapp tónlist er óvenju áberandi á listanum í ár með verkum Alvia Islandia, Aron Can, Cyber is Crab og Reykjavíkurdætra.

Kraumslistinn 2016, úrvalslisti Kraumsverðlaunanna, er eftirfarandi:

Alvia Islandia – Bubblegum Bitch, Amiina – Fantomas, Andi – Andi, Aron Can – Þekkir stráginn, Arve Henriksen, Hilmar Jensson, Skúli Sverrisson – Saumur, asdfhg – Kliður, Bára Gísla – Brimslóð, CYBER is CRAP – EP, EVA808 – Psycho Sushi, GKR – GKR, Glerakur – Can’t You Wait, Gyða Valtýsdóttir – Epicycle, Indriði – Makril, Kef LAVÍK – Vesæl í kuldanum, Kuldaboli – Vafasamur lífstíll, Kælan mikla – Kælan mikla, Naðra – Allir vegir til glötunar, Pascal Pinon – Sundur, Páll Ívan frá Eiðum – This is my shit, Reykjavíkurdætur – RVK DTR, Samaris – Black Lights, Sigrún Jónsdóttir – Hringsjá, Snorri Helgason – Vittu til, Suð – Meira Suð og Tófa – Teeth Richards.

Kraumslistinn og Kraumsverðlaunin eru valin af fjórtán manna dómnefnd sem skipað er fólki sem hefur margvíslega reynslu af því að fjalla um, spila og vinna með íslenska tónlist í fjölmiðlum og á öðrum vettvangi. Dómnefndina í ár skipa; Árni Matthíasson (formaður), Andrea Jónsdóttir, Anna Ásthildur Thorsteinsson, Alexandra Kjeld, Arnar Eggert Thoroddsen, Benedikt Reynisson, Berglind Sunna Stefánsdóttir, Heiða Eiríksdóttir, Helga Þórey Jónsdóttir, Hildur Maral Hamíðsdóttir, Jóhann Ágúst Jóhannsson, Tanya Pollock, Trausti Júlíusson og Óli Dóri.

Dómnefndin hefur hlustað á og tekið til umfjöllunar 176 hljómplötur og útgáfur íslenskra listamanna og hljómsveita sem komu út á árinu við val sitt á Kraumslistanum 2016. Nefndin vinnur nú að því að velja sex hljómplötur sem hljóta munu Kraumsverðlaunin 2016.

Kraumsverðlaunin hafa verið afhent árlega frá árinu 2008 og hafa alls 39 íslenskar hljómsveitir og listamenn hlotið þau fyrir verk sín. Má þar nefna; Ásgeir, Mammút, Anna Þorvaldsdóttir, Hjaltalín, Retro Stefson, Hildur Guðnadóttir, Daníel Bjarnason, Cell 7, Sóley, Lay Low, ADHD, Ojba Rasta, FM Belfast, Hugi Guðmundsson, Agent Fresco, Samaris, Moses Hightower, Grísalappalísa, Helgi Hrafn Jónsson, Anna Guðný Guðmundsdóttir, Gunnar Andreas Kristinsson, Sin Fang, Ísafold kammersveit og Ólöf Arnalds. Í fyrra hlutu Teitur Magnússon (27), Misþyrming (Söngvar elds og óreiðu), Mr. Silla (Mr. Silla), asdfhg (Steingervingur), Tonik Ensamble (Snapshots) og Dj Flugvél og geimskip (Nótt á hafsbotni) verðlaunin.

Kraumsverðlaununum og úrvalslista þeirra, Kraumslistanum, er ætlað að kynna og styðja við plötuútgáfu íslenskra listamanna og hljómsveita með því að verðlauna og vekja sérstaka athygli á því sem er nýtt og spennandi – og þeim verkum sem þykja skara fram úr í gæðum, metnaði og frumleika. Allar íslenskar plötur sem koma út á hvert eiga möguleika á að komast á Kraumslistann og hreppa Kraumsverðlaunin. Bæði plötur sem eru gefnar út á geisladisk og/eða vínyl, sem og útgáfur á netinu.

Kraumsverðlaunin snúast ekki um eina ákveðna verðlaunaplötu heldur að beina kastljósinu að Kraumslistanum í heild og síðan að velja og verðlauna sérstaklega sex hljómplötur sem hljóta Kraumsverðlaunin. Tímasetning tilnefninga og úthlutunar Kraumsverðlaunanna er miðuð við jólagjafaflóðið, þegar tónistarlistamenn reiða sig hvað mest á plötusölu og ætla má að sóknarfæri séu fyrir íslenska tónlist að rata í fleiri jólapakka enda er tónlist góð og sígild jólagjöf.

Aðstandandi Kraumslistans er tónlistarsjóðurinn Kraumur sem starfræktur er á vegum Auroru velgerðarsjóðs. Kraumur hefur það að meginhlutverki að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan.

www.Kraumur.is

http://www.aurorafund.is/

The post KRAUMSVERÐLAUNIN TILKYNNT appeared first on Albumm.

Akureyringurinn Halldór Helgason er einn fremsti snjóbrettakappi heims en hann var að senda frá sér brakandi ferskt snjóbrettamyndband. „Dayumm!“ nefnist myndbandið og óhætt er að segja að það er vægast sagt klikkað!

Halldór hefur verið eitt stærsta nafnið í bransanum eða allt frá því hann vann X Games árið 2010. Líf hanns hefur snúist um snjóbretti frá blautu barnsbeini og er hann hvergi að slá slöku við.

„Dayumm!“ sannar það enn og aftur að hann er fremstur á meðal jafningja og segja má að hann nái nýjum hæðum í umræddu myndbandi!

The post SNJÓBRETTAKAPPINN HALLDÓR HELGASON NÆR NÝJUM HÆÐUM Í NÝJU MYNDBANDI appeared first on Albumm.

Hlynur Jónsson eða Mr. Ice eins og hann kallar sig er þrjátíu og fimm ára Akureyringur en hann var að senda frá sér brakandi ferskt jólalag! Lagið ber heitið Okkar Jólanótt og fjallar það um jólastressið og hvernig það getur tekið öll völd.

Mr. Ice í öllu sínu veldi.

Við eigum að vera við sjálf og njóta nærveru hvors annars.  Lagið er samið til að fá fólk til að hugsa um það fallega sem er í kringum okkur – Mr. Ice.

Lagið er í nettum hip hop gír en einnig má heyra í barnakór, alls ekki slæm blanda það! Skellið á play og komið ykkur í gírinn.

The post VIÐ EIGUM AÐ VERA VIÐ SJÁLF OG NJÓTA NÆRVERU HVORS ANNARS appeared first on Albumm.

Hljómsveitin Kaleo heldur áfram að sigra heiminn! Enn og aftur nær sveitin að toppa sig en lagið Way Down We Go hampaði þriðja sætinu á Billboard Alternative Songs chart. Þetta telst vera vægast sagt glæsilegur árangur og í ljósi þess að ekki hefur ný sveit með fyrstu útgáfu náð svona hátt síðan árið 2010. Þá var það lagið „Somebody That I Used to Know“ með Gotye sem náði fyrsta sætinu þannig það má með sanni segja að Íslensku drengirnir séu komnir í ansi góðan félagsskap.

Einnig er lagið „No Good“ í 42 sæti en lagið náði hæðst í 9 sæti í júlí 2016. Strákarnir frá Mosfellsbæ eru búnir að meika það eins og sagt er og á velgengnin eingöngu eftir að halda áfram!

Billboard listann má skoða hér.

Hér fyrir neðan má hlýða á lögin “Way Down We Go“ og „No Good“

http://www.officialkaleo.com/

The post WAY DOWN WE GO MEÐ KALEO Í ÞRIÐJA SÆTI YFIR BESTU LÖG 2016 AÐ MATI BILLBOARD appeared first on Albumm.

Íslenska hópfjármögnunarfyrirtækið Karolina Fund hefur fengið tilnefningu sem Best Social Enterprise hjá alþjóðlegu frumkvöðlaverðlaununum Global Startup Awards sem fram fer í dag í Kuala Lumpur í Malasíu þann 9. desember.

Tilnefningin kemur í framhaldi af því að Karolina Fund vann til verðlauna sem best Social Tech Startup á Íslandi og svo á Norðurlöndunum. Karolina Fund er tilnefnt í flokknum fyrir hönd Norðurlandanna. Styrktaraðilar keppninnar eru m.a. Facebook, Amazon, Google og Microsoft

Ástæða tilnefningarinnar er meðal annars þau miklu áhrif sem verkefni á vefnum hafa haft á samfélagið á Íslandi, auk þess að nú rekur Karolina Fund sambærilega vefi víða um heim. Til að mynda hefur Karolina Fund stofnað fyrirtækið Funde.no í Noregi þar sem Karolina Fund á helming í því félagi til móts við norska aðila. Nú þegar hefur Funde haft töluverð áhrif á norskt samfélag þar sem málshöfðun gegn Norska ríkinu vegna olíuborana í Norðursjó var fjármögnuð á Funde og hristi hressilega upp í norsku samfélagi. Þau lönd sem Karolina er með starfsemi í eru í dag Noregur, Danmörk, Finnland og Slóvenía.

Nokkrir af stofnendum Karolina Fund eru núna í Malasíu til þess að vera viðstaddir verðlaunaafhendinguna sem eins og áður sagði fer fram þann 9. desember í Kuala Lumpor.

https://www.karolinafund.com/

http://www.globalstartupawards.com/global-awards-finale

The post KAROLINA FUND TILNEFND TIL GLOBAL STARTUP AWARDS appeared first on Albumm.

Söngkonan Sjana Rut sem slegið hefur í gegn í The Voice að undanförnu og bróðir hennar Alex Jóhannsson eða NumerusX eins og hann kallar sig voru að senda frá sér brakandi ferskt lag sem nefnist Lost. Sjana Rut vann sitt „battle“ í The Voice og er því komin áfram en nóg er um að vera hjá söngkonunni.

Sjönu Rut er margt til lista lagt en hún er einnig hæfileikaríkur myndlistarmaður og er hún um þessar mundir með sýningu á  Café Meskí. Sjana og Alex koma fram á Café Meskí á hverjum sunnudegi til 8.jan, Meðal annars næstkomandi sunnudag. Gaman verður að fylgjast með Sjönu og bróður hennar á næstkomandi misserum!

The post SYSTKINI Á BLÚSSANDI SIGLINGU appeared first on Albumm.

Kronika

Í dag laugardaginn 10. desember halda hljómsveitirnar Kronika, Major Pink og Cryptochrome heljarinnar tónleika á Hard Rock Cafe.

Fyrsta plata Kroniku Tinnitus Forte, rataði í hillur verslana, sem og á veitur alnetsins fyrir stuttu síðan og á efnisskránni verða lög af henni eins og hefðin gerir ráð fyrir. Platan verður til sölu, andrúmsloftið fallegt og gleði í kortunum.

Meðlimir Kroniku koma úr öllum áttum og árekstur þeirra skapaði bræðing sem erfitt er að skilgreina. Fremst í flokki fer Tinna Sverrisdóttir sem áður hafði breytt íslensku rappsenunni með Reykjavíkurdætrum. Hér fær hún að njóta sín til fullnustu við rapp, söng, textagerð og öfgafulla tjáningu sem tælir alla með í dans og dulúð. Fyrir aftan hana standa þrír fullvaxta karlmenn, Guðmundur Stefán Þorvaldsson sem slær gítar og er sjálfsagt þekktastur fyrir að hafa gert slíkt áður, en þá kannski lausar, með krúttsprengjunum í Sunnyside Road. Um dekkri hliðina sjá Snæbjörn Ragnarsson bassaleikari Skálmaldar og Birgir Jónsson trommuleikari Dimmu.

Major Pink

Major Pink hefur verið á Blússandi siglingu að undanförnu en sveitin sendi frá sér plötuna Take The Abuse fyrir ekki svo löngu og hefur henni verið afar vel tekið! Nýverið landaði sveitin plötusamning við plötufyrirtækið No Angel Records, alls ekki slæmt það!

Cryptochrome

Cryptochrome er afar skemmtileg og forvitnileg hljómsveit segja má að hún hafi slegið í gegn að undanförnu! Sveitin hefur sent frá sér eitt myndband í hverjum mánuði það sem af er þessu ári og er síðasta myndbandið væntanlegt á næstu dögum. Sveitin spilar einskonar sækódelískt töffara dand hip hop og ef þú hefur ekki barið bandið augum á tónleikum þá mælum við eindregið með því!

Tónleikarnir hefjast stundvíslega kl 21:30 og er frítt inn!

The post KRONIKA, MAJOR PINK OG CRYPTOCHROME Á HARD ROCK CAFE appeared first on Albumm.