Í gær föstudaginn 1. Júní opnaði myndlistarmaðurinn Elli Egilsson sýninguna Ólíkir Heimar. Sýningin er í Norr 11 en fjölmargir sóttu opnunina og vat stemningin hreint út sagt frábær! Elli er með vinnustofu í Crenshaw, Los Angeles en Elli sgir að Mannlífið í Crenshaw er reyndar nokkuð hrjóstrugt líkt og myndirnar hans.

Elli á ekki langt að sækja hæfileikana en hann er sonur framleiðandans, kvikmyndagerðarmannsins og myndlistarmannsins Egils Eðvarðssonar en segja má að fyrstu skref ella á listabrautinni hafi hann stigið á vinnustofu föður síns.

Ljósmyndarinn Ómar Sverrsisson kíkti á opnunina og tók hann þessar frábæri ljósmyndir.

Elliegilsson.com

The post Elli Egilsson tengir saman ólíka heima – Sjáið ljósmyndirnar appeared first on Albumm.

Tónlistarkonan Védís Hervör var að senda frá sér brakandi ferskt lag og myndband sem ber heitið „Wild.” Fyrir ekki svo löngu sendi védís frá sér lagið „Punch Drunk Love” við afar góðar undirtektir.

Védís er ein ástsælasta söngkona landsins en „Wild” reunnur einkar ljúflega niður og mælum við eindregið með að fólk skelli á play og njóti!

The post Védís Hervör sendir frá sér brakandi ferskt lag og frábært myndband appeared first on Albumm.

Jónatan Grétarsson

Þann 4. júní næstkomandi kemur út hljómplatan The Lover – Music for Dance eftir tónlistarmanninn Borko. Platan hefur að geyma tónlist sem samin var fyrir dansverkið „The Lover“ eftir Báru Sigfúsdóttur sem var frumsýnt í Beursschouwburg í Brussel í mars 2015 og sýnt verður á Listahátíð í Reykjavík dagana 7. og 8. júní.

The Lover fjallar um samband mannsins og náttúrunnar og samspil hins manngerða og hins lífræna og ber tónlistin sterkan keim af þessum þemur andstæðum. Hún er hæggeng, naumhyggjuleg og innhverf en á sama tíma lífræn, blæbrigðarík og ágeng. Tónlist Borkos gerir kröfu um athygli og þolinmæði hlustandans um leið og hún býður honum að halla sér aftur, láta hugann reika og leyfa tónlistinni að afhjúpast fyrir sér.

Á útgáfudaginn verður haldið hlustunarpartý í Klúbbi Listahátíðar í Hafnarhúsinu kl.21:00 þar sem hljómplatan verður leikin í heild sinni. Platan kemur út á stafrænum tónlistarveitum auk þess sem myndverk með niðurhalskóða verður fáanlegt hljómplötuverslunum.

The post Hæggeng, naumhyggjuleg og innhverf en á sama tíma lífræn, blæbrigðarík og ágeng appeared first on Albumm.

Jóhann Arnór Elíasson eða Flizzymane eins og hann kallar sig var að senda frá sér svo kallað “Beat Tape“ sem nefnist „Basement Tapes.“ Verkefnið varð til á fjórum mánuðum og er mestmegnis sömpl (hljóðsmal) sem Flizzymane fann og höfðu ákveðið vibe.

„Helstu áhrifavaldarnir eru Madlib, Burial, Three Six Mafia og DJ Smokey. Ég vildi reyna að gera hálfgert mix á milli þeirra, sample fýlingurinn frá Madlib og Burial en hugmyndirnar fyrir trommurnar koma mest allar frá Three Six og DJ Smokey. Má líka ekki gleyma öllu aesthetic-inu sem kemur flest allt frá Spaceghostpurrp og Raider Klan. Fannst líka alltaf að það vantaði þetta rough, gritty og raw sound í íslensku senuna eins og meðlimir Raider Klan gerðu á sínum tíma í underground-inu.“

Flizzymane er ekki einsamall á ferð en félagi hans Marvin er einnig með honum í verkefninu og sér hann um rappið. Kapparnir eru að vinna í nýju teipi og mun það koma út í sumar!

„Tape – ið sem kemur í sumar frá mér og Marvin félaga mínum verður mjög mixed. Það mun innihalda lög með mismunandi vibes, allt frá dark underground dóti yfir í old school type dæmi.“

Flizzymane sér um allar útsetningar og Marvin sér um rappið og textana á teipinu en þeir munu samt sem áður smíða allt saman, gott er að hafa sömu sýn á öllu.

The post „Þetta eru mestmegnis sömpl sem ég fann og höfðu ákveðið vibe“ appeared first on Albumm.

Ljósmynd: DV.

Verslunin 12 Tónar fagnar um þessar mundir tuttugu ára afmæli sínu en Lárús segir þrautseigju oft vanmetna. Lalli og félagar hjá 12 Tónum eru um þessar mundir að forselja allskonar fágætan varning á vefsíðunni Pledgemusic.com og má þat t.d. Nefna bók um tuttugu ára sögu verslunarinnar svo sumt sé nefnt.

Albumm náði tali af Lalla og svaraði hann nokkrum léttum spurningum um herlegheitin.

Fyrir skömmu hélt verslunin 12 Tónar uppá tuttugu ára starfsæfmæli sitt. Bjóstu við að vera þetta lengi í bransanum?

Góð spurning! Hugsaði þannig séð aldrei um það en eftir því sem árin hafa liðið þá finnst manni kannski að það gæti skipt einhverju máli. Menn koma og fara eins og gengur en ég hef lært að þraustseigja er oft vanmetinn eiginleiki.

12 Tónar á Skólavörðistíg.

Nú eruð þið að selja allskonar varning á vefsíðunni Pledgemusic.com. Hvað eruð þið að selja og hvernig kom þetta alltsaman til?

Við erum að forselja ýmsa hluti m.a. bók um fyrstu 20 árin í sögu okkar þar sem margt skemmtilegt ber á góma. Við erum að selja sérstaka afmælis boli og töskur sem fara ekki í almenna sölu. Útgáfu á Börnum Náttúrunnar meistaverki Hilmars Arnar í fyrsta skipti á vínyl. Alls konar fágæti, plaköt ofl. Svo eru ýmsir möguleikar á að leggja okkur lið og það var líka hugmyndin að gefa fólki tækifæri á að styðja við bakið á okkur á þessum tímamótum.

Hvenær rennur söfnunin út og með hverju mælir þú með að fólk versli sér?

Söfnunin stendur eitthvað fram á sumar.  Þarna eru fjölbreyttir hlutir td er hægt að kaupa glæsilega matarveislu þar sem við drengirnir spilum uppáhalds íslensku tónlistina okkar og kokkum úr besta íslenska hráefni!

Lalli, Jóhann og Einar.

Hvar sérsðu þig og 12 Tóna eftir tutuugu ár?

Ég vona að fyrirtækið nái að aðlaga sig að breyttum aðstæðum og eftir 20 ár standi það áfram fyrir gæði og góða þjónustu. Hvar ég verð sjálfur er annað mál en tónlist verður pottþétt rauði þráðurinn í lífi mínu.

Við mælum eindregið með að fólk skelli sér á Pledgemusic.com og versli sér allskonar gúmmelaði!

12tonar.is

The post „Tónlist verður pottþétt rauði þráðurinn í lífi mínu“ appeared first on Albumm.

Hljómsveitin Vicky sendir í dag frá sér brakandi ferskt myndband við lagið „String Along“ og er það frumsýnt hér á Albumm.is. Lagið kom út í síðustu viku en það er tekið upp í stúdíó Hljóðverk hjá Einari Vilberg. Myndbandið er einkar skemmtilegt en þar má sjá stelpu með flugdreka og missir hún sjónar á honum þegar hann dettur skyndilega niður til jarðar. Við leitina hefst ferðalag þar sem hún er leidd áfram á óvæntar slóðir.

Leikkonurnar í myndbandinu eru Aldís Amah Hamilton og Rakel Ýr Stefánsdóttir. Yndbandið er unnið Birtu Rán Björgvinsdóttur og Nínu Petersen. Framundan hjá Vicky eru tónleikar á tónlistarhátíðinni Secret Solstice og plata í kortunum!

The post Missir sjónar á flugdrekanum þegar hann dettur skyndilega til jarðar – Frumsýning appeared first on Albumm.

Tónlistarkonan Árný gaf á dögunum út sína fyrstu breiðskífu. Platan ber heitið See Through og innheldur átta frumsamin lög sem fjalla um að leyfa sér að upplifa tilfinningar og hræðast ekki að vera örlítið berskjaldaður fyrir sjálfum sér og öðrum.

Fyrsta lag plötunnar „Nowhere I’d Rather Be“ kom út í nóvember síðastliðinn og var því fylgt eftir með laginu Higher í byrjun þessa árs. Lögin náðu bæði sæti á vinsældarlista Rásar 2 um tíma auk þess sem hið fyrrnefnda fékk útvarpsspilum á bresku útvarpsstöðinni Amazing Radio, sem er vettvangur fyrir sjálfstæða tónlistarmenn til að koma sér á framfæri.

Hljóðheimur plötunnar einkennist af akústískum hljóðfærum blandað saman við rafrænan hljóðheim. Í flutningnum fléttast saman viðkvæmni og styrkur sem má segja að endurspeglist í textunum.

Hægt er að hlusta á plötuna í heild á Spotify sem og öllum helstu streymisveitum.

The post „Að leyfa sér að upplifa tilfinningar og hræðast ekki að vera örlítið berskjaldaður“ appeared first on Albumm.

Tónlistarkonan Inga María sendi fyrir skömmu frá sér lagið „All about tonight” og er hennar fyrsta dans popp lag!

„Lagið fjallar um að stelpur geta alveg skemmt sér á sama hátt og strákar þótt strákarnir vilji nú ekki halda það.” – Inga María.

Inga María er búsett í Bandaríkjunum en kanarnir kalla þetta female empowering dance anthem og er inga fullviss um að það sé þörf á meiri svoleiðis tónlist í heiminum í dag!

The post „Stelpur geta alveg skemmt sér á sama hátt og strákar“ appeared first on Albumm.

Gotshell.

Næstkomandi laugardagskvöld kemur fram einn farsælasti Techno tónlistarmaður Colombiu á skemmtistaðnum Húrra á sérstöku X/OZ label kvöldi. Hann ber nafnið Gotshell en ásamt honum koma fram Exos og Ohm.

Gotshell er rísandi stjarna í Techno heiminum en hann hefur komið víða við. Hann hefur gefið út á plötuútgáfum eins og Synewave og Missile Records sem voru sterkustu „acid techno“ útgáfurnar á gullaldartímabili Technosins á níundaráratugunum. James Ruskin, eigandi Blueprint Records bað Gotshell sérstaklega um útgáfu og Carl Cox gaf út plötu með Gotshell þar sem hann kom undir nafninu Alessan Main sem dulnefnið hans sem hann notar fyrir mýkri útgáfur.

Exoz.

Undir Alessan Main kom líka út plata á útgáfu hjá einum af guðfeðrum Technosins, Kevin Saunderson. Útgáfumál hjá Gotshell lofa góðu fyrir sumarið en hann er með lag á safnútgáfum hjá Cleric, Marcel Fengler og svo heila pötu á Mord Records sem er eitt allra vinsælasta Techno labelið í dag. Exos og Gotshell eru svo með nýja plötu saman á X/OZ en hún kemur út í Ágúst.

Miðaslan er á tix.is og kostar 1.000 kr í forsölu.

The post Farsælasti Techno tónlistarmaður Kólumbíu kemur fram á Húrra appeared first on Albumm.

Tónlistarkonan Edda var að senda frá sér brakandi ferskt lag og myndband en það ber heitið „All Night.” Edda er aðeins sextán ára en fyrir skömmu sendi hún frá sér lagið „Summer Love” sem fékk glimrandi móttökur!

„All Night” er tekið fyrstu plötu Eddu sem er nýkomin út. Lagið er einkar grípandi og á án efa eftir að hljóma talsvert í eyrum landsmanna í sumar. Hannes Einar Einarsson á heiðurinn af myndbandinu og er það virkilega glæsilegt!

Hér fyrir neðan má sjá myndbandið við lagið „All Night.”

Hér fyrir neðan má hlýða á plötuna í heild sinni:

The post Aðeins sextán ára og sendir frá sér sína fyrstu plötu – Sjáið myndbandið appeared first on Albumm.

Það verður heljarinnar gleði í versluninni Skugga  (Skólavörðustígur 22) á laugardaginn sem kemur en þá mun ljósmyndarinn, plötusnúðurinn og tónlistarspekúlantinn Árni Kristjánsson opna sýninguna sína Hawaii 2,5.

Árni Kristjánsson er fæddur í Reykjavík 1981. Hann er með BA gráðu í japönsku frá Háskóla Íslands og MA í menningarfræðum frá Tokyo University of the Arts. Hann hefur lengi verið viðriðinn tónlist, bæði sem plötusnúður frá ungum aldri en einnig sem hluti hljómsveitanna Bent & 7berg og TZMP. Á meðan á dvöl hans stóð í Japan starfaði hann við þýðingar og skrifaði jafnframt greinar um danstónlist fyrir dagblaðið The Japan Times. Nú starfar hann sem leiðsögumaður fyrir japanska ferðamenn á Íslandi.

Áhugi Árna á ljósmyndun hófst í menntaskóla en fór á skrið eftir að hann kynntist ódýrum japönskum filmuvélum í Japan árið 2008. Hans fyrsta ljósmyndasýning „Myndir“ var haldin árið 2012 í galleríi Lift Cafe, litlu kaffihúsi í norðurhluta Tókýó borgar. Önnur sýning hans af götumyndum víðsvegar um Tókýó sem bar titilinn „Tókýó í lit“ var haldin á KEX hostel í nóvember sama ár.

Núverandi sýning í Skugga er framhald af þriðju sýningu hans “Hawaii 2” sem var haldin mitt sumar árið 2016 í Gallery 201 í Tókýó. Báðar sýningar innihalda myndir af Oahu eyju Hawaii, en þar dvaldi Árni í mánuð sitthvort sumarið 2012 og 2013.

Viðfang myndanna er margskonar en allar eiga þær það sameiginlegt að fanga hversdagsleikann á jafn sólríkri og paradísarlegri eyju sem Oahu er. Í góðri fjarlægð frá ferðamannagildrum birtist nýr heimur þar sem daglegt líf fer fram handan við gylliveröld póstkortanna.

Opnunin hefst í Skugga á laugardaginn kl 13:00 og stendur til kl 19:00. Veigar verða í boði og mun árni þeyta eðal skífum í gegnum hljóðkerfi frá Soundboks!

Facebook viðburðinn má sjá hér.

The post Daglegt líf fer fram handan við gylliveröld póstkortanna. appeared first on Albumm.

Á dögunum opnaði fyrsta “street food” mathöllin á Íslandi og óhætt er að segja að viðtökurnar hafi farið fram úr björtustu vonum. Á opnunarhelginni heimsóttu rúmlega 15.000 manns staðinn en hann hefur hlotið nafnið Grandi Mathöll.

Tónlistarmaðurinn góðkunni Franz Gunnarsson heldur utan um viðburði og markaðssmál staðarins en eina og hann orðar það heldur hann partýinu gangandi. Albumm náði tali af Franz og svaraði hann nokkrum spurningum um staðinn!

Hvað er Grandi mathöll og hvenær opnaði staðurinn?

Grandi mathöll er fyrsta “street food” mathöllin á Íslandi þar sem götubita fæði ræður ríkjum. Við opnuðum 1. Júní og viðtökurnar hafa verið framar björtustu vonum.

Ljósmynd: Susan Christianen.

Hvað er þitt hlutverk í mathöllinni og hverskonar matur er á boðstólnum?

Ég held utan um viðburði og markaðsmál, mætti segja að ég haldi partýinu gangandi. Það eru átta ólíkir staðir í húsinu og einn pop – up vagn þar sem frumkvöðlar í matargerð geta fengið að kynna sínar vörur tímabundið. Staðirnir bjóða upp á fisk og kjöt rétti, grænmetis rétti, súpur og brauð. Kaffi og vínbar er svo líka starfræktur í Granda mathöll.

Hefur eitthvað komið þér á óvart í starfinu og hvað er uppáhaldsstaðurinn þinn í höllinni?

Það hefur komið mér á óvart hversu hugmyndaríkt veitingafólkið er í að bera á borð frábæra og frumlega rétti. Ég er ekki búinn að ná að smakka allt á öllum matseðlum þannig að ég get ekki með sanni valið uppáhalds staðinn. Ég get hinsvegar sagt að ég hef bara smakkað frábæra rétti á öllum stöðum.

Er mathöllin komin til að vera og hvernig hefur verið tekið í þetta?

Já hún er pottþétt komin til að vera enda hannað sem samkomustaður fyrir fólk til að hittast og eiga gæðar stundir saman. Áður en langt um líður mun Grandi mathöll líka brydda upp á viðburðum sem munu án efa verða auka aðdráttarafl enda hvað er betra en að skemmta sér vel eftir æðislegan kvöldverð í góðra vina hópi. Á opnunar helginni heimsóttu 15.000 manns Granda mathöll og áhuginn því greinilega mjög mikill. Viðbrögðin hafa líka verið mjög jákvæð, yfirleitt fæ ég eitt orð frá gestum um upplifunina og það er “geggjað”.

Eitthvað að lokum?

Við hlökkum til að taka á móti þér lesandi góður og minnum á heimasíðuna grandimatholl.is þar sem bráðlega verður bætt inn viðburða síða með öllum upplýsingum um dagskrá. Við erum einnig á Facebook og Instagram ef fólk vill fylgjast með okkur. Já og við ætlum að sjálfsögðu að sýna frá heimsmeistaramótinu í fótbolta!

The post „Það mætti segja að ég haldi partýinu gangandi” appeared first on Albumm.

Hljómsveitin Crimson Crooks var að senda frá sér lagið „Myrkur” en sveitina skipa útvarps og tónlistarkonan Vala Eiríks og tónlistarmaðurinn Goggi Kulp. Fyrir nokkru síðan fékk Vala handskrifað ástarbréf inn um lúguna heima hjá sér og byrjaði bréfið mjög dúllulega. Svo hætti það að vera dúllulegt og varð ógeðslegt! Í bréfinu lýsir endandinn því hvað hann vill gera við Völu og gefur í skyn að hann sjái inn í íbúðina hennar. Bréfið endaði á „ef þú kveikir á kertinu á stofuborðinu þínu í kvöld eða næstu kvöld, þá kem ég.” Vala kveikti engin kerti en eina nóttina birtist maður í gluggann heima hjá henni og var henni  eðlilega mjög brugðið!

Eftir þetta var Vala frekar óörugg heima hjá sér, fann fyrir hræðslu við að sofa ein svo hún settist við píanóið sitt og hleypti þessu öllu út.

„Nokkru síðar ákvað ég að ég vildi gera eitthvað með þetta, svo ég kíkti niður í Loud And Grumpy til Gogga Kulp, vinar míns og bað hann um að taka þetta upp fyrir mig. Hann gerði meira en það, bjó til nýja grind og rokkaði þetta dramatíska píanólag upp. Svo sömdum við í rauninni bara nýtt lag við upprunalegan texta.” – Vala Eiríks.

Vala segir að allt ferlið sé búið að vera ótrúlega skemmtilegt og gaman að eitthvað jákvætt gat komið út frá svona leiðinlegu dæmi. Vala og Goggi eru farin út í heljarinnar samstarf og er nýtt lag í bígerð. Einnig er von á myndbandi við lagið Myrkur.

The post „Svo hætti það að vera dúllulegt og varð ógeðslegt” appeared first on Albumm.

Rapparinn Bróðir Big sendi nýverið frá sér glænýtt lag og myndband sem ber heitið „Hrátt Hljóð.” Kappinn framleiðir svokallað Boom Bap rapp sem má lýsa sem rappi af gamla skólanum! „Hrátt Hljóð” er virkilega þétt og ætti hvert mannsbarn að kinka kolli í takt við þetta eðal flow!

Myndbandið er tekið upp á skemmtistaðnum Prikinu en Ívar Kristján Ívarsson á heiðurinn af því. Gráni sá um taktinn, DJ B-Ruff sá um skrámur, BRR sá um mix og Earmax sá um masteringu.

The post Tryllt stemning á Prikinu – Þétt lag og myndband appeared first on Albumm.

Ásgeir heldur í fyrsta skipti í tónleikaferðalag um Ísland þar sem hann kemur fram á alls 14 tónleikum dagana 17. júlí til 1. ágúst. Á tónleikunum frumflytur hann m.a. glænýtt efni sem mun prýða hans þriðju plötu sem væntanleg er í upphafi næsta árs. Um lágstemmda og hlýlega tónleika er að ræða þar sem rödd Ásgeirs fær að njóta sín en Ásgeir kemur fram ásamt Júlíusi Róbertssyni félaga sínum. Forsala er hafin á tónleikana á Miði.is. Miðaverð er krónur 4.500.

Ásgeir á tónleikum í Ástralíu fyrr á árinu. Ljósmynd/@jacksonloria

Ásgeir gaf út sína aðra plötu, Afterglow, í maí á síðasta ári og hélt í kjölfarið í stíft tónleikaferðalag um Evrópu, Asíu og Norður-Ameríku. Því tónleikaferðalagi lauk um páskana í Ástralíu. Nú er hann mættur aftur í hljóðver til að taka upp sína þriðju plötu fullur af orku. Þá kviknaði löngun til þess að ferðast um Ísland að sumri til með gítarinn einan að vopni til að prufukeyra hið nýja efni í bland við eldri lög. Einfalt skyldi það vera, rétt eins og við upphaf ferils Ásgeirs árið 2012 þegar hann og Júlíus vinur hans léku á fjölmörgum tónleikum við hin ýmsu tækifæri. Það fer nefnilega allt í hringi og stundum er gott að leita aftur í ræturnar, í upphafið, áður en næsti hringur hefst, samanber Hringsól.

Hringsól – dagsetningar:

17. Júlí

Bæjarbíó – Hafnarfjörður

18. Júlí

Hendur í Höfn – Þorlákshöfn

19. Júlí

Skyrgerðin – Hveragerði

20. Júlí

Midgard Basecamp – Hvolsvöllur

21. Júlí

Víkurkirkja – Vík í Mýrdal

22.  Júlí

Havarí – Berufjörður

24. Júlí

Seyðisfjarðarkirkja – Seiðisfjörður

25. Júlí

Sláturhúsið – Egilsstaðir

26. Júlí

Gamli Bærinn – Mývatnssveit

27. Júlí

Kaffi Rauðka – Siglufjörður

28. Júlí

Græni Hatturinn – Akureyri

29. Júlí

Eldur í Húnaþingi – Ásbyrgi – Laugarbakki

31. Júlí

Vagninn – Flateyri

1. Ágús

Frystiklefinn – Rif

The post Ásgeir hringsólar um Ísland – frumflytur glænýtt efni appeared first on Albumm.

Dofi er hugverk Kristjáns Jóhanns Júlíussonar, sem er betur þekktur fyrir tónlist í þyngri kantinum en hann var að seda frá sér lagið „Sundown.” Dofi hefur frá byrjun verið tilraunaverkefni og útrás fyrir þeim tilfinningum sem maðurinn upplifir, Svolítið eins og dagbók fyrir menn sem tjá sig í gegnum tónlist.

Tónlist Dofa má lýsa á marga vegu, undanfarið hefur ein tónlistarstefna verið ríkjandi en hún nefnist „Synthwave“ eða nýbylgju raftónlist. Það má finna áhrif hvaðan að í tónlist Dofa og þar má nefna Hip-hop, Shoegaze, Synth-pop, avant-garde, minimalist, drone.

„Sundown” er mjög persónulegt lag sem ég vona að fólk tengi við, allir hafa þurft að eiga við ástarsorg segir Dofi að lokum.

Hægt er að skoða og versla tónlist Dofa á Bandcamp síðu hans.

The post „Eins og dagbók fyrir menn sem tjá sig í gegnum tónlist“ appeared first on Albumm.

Þriggja daga hjólabrettanámskeið fyrir krakka á öllum aldri á vegum Hjólabrettaskóla Reykjavíkur í samstarfi við Listasumar á Akureyri og Mjólkursamsölunnar fer fram á Akureyri dagana 25- 27 Júlí næstkomandi kl 10:00 – 11:30 á útisvæðinu hjá Háskólanum á Akureyri. Námskeiðin hafa slegið rækilega í gegn á þeim þremur árum sem þau hafa verið haldin og ekkert lát virðist vera á vinsældum þeirra. Í fyrra sóttum um 40 manns námskeiðið á Akureyri og tókst það með eindæmum vel!

Líkt og á fyrri námskeiðum er það hjólabretta og tónlistarmaðurinn Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiða í um fimmtán ár. Honum til halds og trausts verða tveir af helstu hjólabrettaköppum landsins.

Farið verður yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður, Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip.

Á námskeiðinu er hjálmaskilda en einnig eru allir hvattir til að koma með sín eigin bretti. Einnig verðum við með samansett bretti til sölu frá versluninni Skugga í Reykjavík. Fyrir þá sem eru skráðir á námskeiðið fá 15% afslátt af brettunum.

Námskeiðið hefst stundvíslega kl 10:00 og stendur til kl 11:30. Kennt verður þrjá daga: Miðvikudag, fimmtudag og föstudag og kostar námskeiðið 10.000 kr. fyrir öll þrjú skiptin. Facebook viðburðinn má sjá hér.

Skráning er hafin á hjolabrettaskoli@gmail.com. Nafn og kennitala barns þarf að fylgja skráningu og sími og nafn foreldris.

Hér fyrir neðan má sjá nokkrar skemmtilegar ljósmyndir úr fyrri námskeiðum.

The post Skráning er hafin á hjólabrettanámskeið á Akureyri appeared first on Albumm.

Snjóbrettakappinn Benni Friðbjörnsson var að senda frá sér brakandi ferskt myndband sem kallast Season Edit. Eins og nafnið gefur til kynna er Benni að gera upp síðastliðinn vetur 17/18 og óhætt er að segja að myndbandið sé ansi tryllt!

Benni er aðeins þrettán ára gamall en þrátt fyrir ungan aldur hefur hann getið sér gott orð í snjóbrettaheiminum út um allan heim! Snjóbrettatímaritið Transworld Snowboaerding sýndi myndbandið fyrst en það er ekkert annað í stöðunni en að skella á play og njóta!

The post 13 ára snjóbrettasnillingur gerir upp veturinn appeared first on Albumm.

Snillingarnir í BLKPRTY voru að senda frá sér trylltann smell sem ber heitið „Granny´s Word.” BLKPRTY kappar eru að gera það ansi gott og hefur hróður þeirra borist víða út fyrir landsteinanana! „Granny´s Word” er virkilegur “banger” og mun það án efa hljóma á ófáum dansgólfum um ókomna tíð.

BLKPRTY kemur fram á Tívolí Bar um helgina og á tónlistarhátíðinni Secret Solstice sem er á næsta leiti. Skellið á ykkur sólgleraugu, hækkið í græjunum og gangið hratt um gleðinnar dyr!

Soundcloud

The post Trylltur “BANGER” – BLKPRTY með smellinn fyrir dansgólfið appeared first on Albumm.

Helga Kvam og Þórhildur Örvarsdóttir. Ljósmynd: Daníel Starrason.

Tónlistarkonurnar Helga Kvam og Þórhildur Örvarsdóttir hafa í nokkur ár starfað saman sem dúett (píanó/söngur) og haldið saman marga þematengda tónleika þar sem efnistökin eru oftar en ekki ákveðin ljóðskáld/tónskáld bæði úr klassískum grunni og heimi dægurtónlistar. Í vor fengu þær Listamannalaun til að vinna að verkefni um Huldu skáldkonu og eru þessir tónleikar afrakstur þeirrar vinnu.

Unnur Benediktsdóttir Bjarklind fæddist þann 6. ágúst 1881 og lést 10. apríl 1946. Hún skrifaði ljóð og prósa undir skáldanafninu Hulda. Eitt þekktasta ljóð hennar var ættjarðarljóðið Hver á sér fegra föðurland úr ljóðaflokknum Söngvar helgaðir þjóðhátíðardegi Íslands 17. júní 1944, samið í tilefni af lýðveldisstofnuninni 1944 og var annað tveggja ljóða sem vann samkeppni um hátíðarljóð.

Á þessum tónleikum verða flutt lög íslenskra tónskálda við texta Huldu ásamt frumflutningi á tónlist eftir Daníel Þorsteinsson sem hann samdi sérstaklega fyrir Helgu og Þórhildi fyrir þessa dagskrá. Tónlistinni er fléttað saman við frásagnir af lífi Huldu og verkum hennar.

Tónleikarnir eru styrktir af Sóknaráætlun Norðurlands eystra, KEA, Dagskrá  Fullveldishátíðar og Listamannalaunum og unnir í samstarfi við Menningarfélag Akureyrar, Menningarmiðstöð Þingeyinga og Minjasafnið á Akureyri.

Aðgangseyrir er kr 3000, eldri borgarar og öryrkjar kr 2500, frítt fyrir 12 ára og yngri.

Dagskrána má sjá hér að neðan:

Hamrar, Menningarhúsið Hof, Akureyri þriðjudaginn 19. júní kl 20

Safnahúsið á Húsavík miðvikudaginn 20. júní kl 20

Hannesarholt, Reykjavík fimmtudaginn 28. júní kl. 20

Hólmavíkurkirkja föstudaginn 29. júní kl. 20

Hamrar, Ísafirði laugardaginn 30. júní kl. 17

Skólahúsinu, Kópaskeri laugardaginn 11. ágúst kl. 20

Tónlistarmiðstöð Austurlands, Eskifirði sunnudaginn 12. ágúst kl. 17

The post HULDA-HVER Á SÉR FEGRA FÖÐURLAND – Tónlistardagskrá í tali og tónum um líf skáldkonunnar Huldu appeared first on Albumm.