Hljómsveitin Vio var að senda frá sér glænýtt lag og myndband sem ber heitið „Blindfolded.” Lagið er tekið af annarri plötu sveitarinnar sem er væntanleg á næstunni en sveitin sendi frá sér plötuna Dive In árið 2015.
Myndbandið er einkar skemmtilegt en það er hlaðið klippum úr gammallri kvikmynd. Vio er ein framsæknasta sveit landsins og hlakkar okkur mikið til að hlýða á nýju plötuna!
The post Vio á blússandi siglingu – nýtt lag og plata á leiðinni appeared first on Albumm.
Tónlistarhárhátíðin Secret Soltice fór fram um helgina sem leið og óhætt er að segja að hún hafi verið ansi blaut í ár. Þrátt fyrir vætuna mátti sjá bros úr hverju andliti og var stemningin vægast sagt rafmögnuð! Dagskráin var frábær og fjölbreytt eða allt frá Slayer yfir í Earth Gang.
Hafsteinn Snær Þorsteinsson mætti á hátíðina og tók hann þessar frábæru ljósmyndir fyrir hönd Albumm.is.
The post Bros úr hverju andliti þrátt fyrir vætu – Myndasyrpa frá Solstice appeared first on Albumm.
Tveir ólíkir tónlistarmenn hafa nú leitt saman hesta sína en Futuregrapher var að senda frá sér snilldar remix af laginu „Hverra Manna” með tónlistarmanninum Teiti Magnússyni. Futuregrapher er einn helsti raftónlistarmaður landsins en hann er þekktur fyrir sínar Acid bjöguðu laglínur og brotna takta!
Teitur Magnússon söng sig inn í hjörtu landsmanna með lögum eins og „Nenni” og „Kamelgult” svo sumt sé nefnt. Remixið er í nettum Drum ´N Bass stíl og ætti það sko sannarlega að hreyfa við ófáum mjöðmum!
The post „Hverra Manna” í Drum N Bass útgáfu – Futuregrapher og Teitur Magnússon í eina sæng appeared first on Albumm.
On Fire er þriða lag og myndband sem Mosi gefur út á þessu ári og eru fleiri væntanleg.
Mosi sem nýlega sendi frá sér tvö ný tónlistarmyndbönd við lögin Another Weekend og My Little World , kemur nú með þriðja myndbandið við nýtt lag sem heitir „On Fire.“ Mosi semur tónlistina, tekur upp og útsetur en með honum eru Tinna Katrín sem syngur og Friðrik Flosason sem spilar á bassa.
Ljósmynd: Ómar Sverrisson.
Nýju lögunum er öllum dreyft af plötufyrirtækinu Amuse sem er rekið af nokkurum sænskum pop sérfræðingum úr bransanum ásamt will.I.am úr hljómsveitinni The Black Eyed Peas.
“Þetta er samt sjálfstæð útgáfa hjá mér. Það er engin samnigur eða neitt svoleiðis. Þeir dreyfa bara tónlistinni fyrir mig á helstu staði eins og Spotify o.fl. Það geta allir tónlistamenn gefið tónlist sína út frítt í gegnum Amuse sem er fyrsta síma plötufyrirtæki í heiminum. Þú notar síma til að stofna aðgang og gefa út. Í staðinn fyrir að gefa út tónlist frítt og halda 100% höfundarétti, þá fær Amuse að safna göngnum um tónlistina sem þeir nýta svo til þess að finna nýja tónlistamenn til að hjálpa að koma á framfæri og hugsanlega gera samning við. Þetta er ný leið í bransanum sem er mjög áhugaverð og mig langaði að prófa þetta. Ég hef engu að tapa enda er þetta frí þjónusta. Þeir eru ekki að hugsa eins og gömlu risaeðlunar í bransanum og því spennandi að sjá hvernig þetta reynist.“ sagði Mosi.
Helga Clara Jónsdóttir skilaði einlægri og fallegri framistöðu í myndbandinu sem er hennar frumraun að leika.
Myndbandið framleiðir Nágranni en það er Jón Teitur Sigmundsson sem leikstýrir og Helga Clara Jónsdóttir leikur í myndbandinu. Helga Clara er dóttir Jón Teits og hafa þau búið í vesturbænum allt sitt líf og myndbandið því á heimavelli þeirra og svona göngutúrar daglegt brauð hjá Helgu.
Jón Teitur Sigumundsson leikstjóri.
“Hugmyndin var að fanga stemmningu þess sem týnist í tónlistinni og þegar umhverfið verður allt í einu allt í takt við lagið. Skref manns falla að taktinum og allt sem skiptir máli er lagið og augnablikið. Myndbandið var tekið upp á einum degi í frjálsu flæði þó svo að ákveðnir kaflar voru fyrirfram ákveðnir“ – Jón Teitur
Þú getur fylgst með Mosa á www.mosimusik.com.
The post „Hugmyndin var að fanga stemningu þess sem týnist í tónlistinni“ appeared first on Albumm.
Red Bull á Íslandi bauð tónleikagestum Secret Solstice upp á óvenjulegan viðburð núna í ár, svokallað Silent Disco. Þetta er í fyrsta sinn sem Silent Disco er haldið hérlendis á tónlistarhátíð og var stemningin vægast sagt mögnuð.
Það myndaðist biðröð fyrir utan Red Bull tjaldið en hátíðargestir gátu valið um tvær rásir í heyrnatólunum sínum á Silent Disco, annað hvort Hip-Hop eða House/Techno. Heitustu plötusnúðar landsins trylltu líðinn en meðal þeirra sem spiluðu voru SURA, Snorri Ástráðs, DJ Sunna Ben, BenSol, Oculus, ásamt fleirum.
Ljósmyndir: Julie Rowland.
The post Hljóðlátur viðburður með trylltri stemningu appeared first on Albumm.
Úlfur fylgir eftir plötunni Arborescence (nóv 2017) með remix EP að nafni Arborescence {remixes}. Þar endurvinna þrír af áhugaverðustu tónlistamönnum samtímans uppáhalds lög sín af plötu Úlfs.
EP-ið inniheldur þrjú lög en það er Kara-Lis Coverdale sem ríður á vaðið en hún hefur gert það gott með tilraunakenndri tónlist sinni undanfarið og hlaut til dæmis mikið lof fyrir plötuna Grafts sem kom út í fyrra, sem endaði á þónokkrum árslistum. Fyrir Arborescence {remixes} endurvann hún lag Úlfs “Serpentine” og notaðist eingöngu við strengjabúta við gerð remixsins. Útkoman er lágstemmd, fíngerð og eilítið drungaleg – hlustið hér. Hægt er að forpanta EPið á bandcamp og þá fylgir niðurhal af laginu með auk þess sem hin lögin tvö verða send rakleiðis í pósthólf kaupanda á útgáfudegi.
Auk Kara-Lis Coverdale eru það þeir Oren Ambarchi og Alex Somers sem hafa endurgert lög af plötunni. Þau verða aðgengileg síðar – fylgist með! Þangað til er hægt að hlýða á plötuna sem byrjaði þetta allt – Arborescence – hér.
Miðlarnir self-titled magazine og The Quietus fóru fögrum orðum um verkefnið, greinarnar má lesa hér og hér.
The post Þrír af áhugaverðustu tónlistamönnum samtímans endurvinna uppáhalds lög sín af plötu Úlfs appeared first on Albumm.
Tónlistarmaðurinn FBGM sendi fyrir skömmu frá sér brakandi ferskt lag sem ber heitið „Mipalo.” kappinn er búsettur í Noregi en einn stærsti skemmtigarður þar í landi TusenFryd AS hefur tekið laginu opnum örmum! Afhverju spyrjid thid kannski? Myndbandið er akkúrat tekið upp þar og var stemningin vægast sagt rafmögnuð.
Margir af vinsælustu tónlistarmönnum heims hafa komið þarna fram og má t.d nefna Avicii heitinn. Sumir vilja meina að FBGM hafi náð upp betri stemningu en sjálfur Avicii en við seljum það ekki dýrara en við keyptum það. Við mælum með að þið skellið á play og komið ykkur í gírinn!
The post Hélt uppi trylltri stemningu í stærsta skemmtigarði Noregs appeared first on Albumm.
Hljómsveitin Major Pink var að senda fá sér glænýtt lag og myndband sem ber heitið „Too Close to the Sun.”Lagið er einhverskonar framhald af sögunni í laginu „Coffee & Cigarettes” og „Genocide.”
Myndbandið er einskar skemmtilegt en þrátt fyrir mikið grín og glens er undirliggjandi alvara í myndbandinu. Mannskepnan á það til að fara fram úr sér og missa sig í græðgi og eyðileggingu.
Sveitin upplifði lagið og textann eins og söguna af Íkarus sem flaug of nálægt sólinni. Myndbandið fjallar einmitt um að mannkynið sé búið að fljúga of nálægt sólinni og þarf utanaðkomandi hjálp sem í þessu tilviki er Major Tom. Það er hlutverk hljómsveitatinnar að finna hann og bjarga mannkyninu áður en það er of seint.“
The post Mannskepnan á það til að fara fram úr sér og missa sig í græðgi og eyðileggingu appeared first on Albumm.
Myndlistarmenninir Halldór Ragnarsson og Kristinn Már Pálmason opna sýningu sína Sókrates í Listamenn Gallerí föstudaginn 6. júlí klukkan 17
Sýningin er afrakstur samstarfs Halldórs Ragnarssonar og Kristins Má Pálmasonar sem átti sitt upphaf í samræðum þeirra á milli í gegnum málverk sem flökkuðu á milli vinnustofu þeirra síðastliðið eitt og hálft ár. Þeir unnu aldrei saman á sama stað, en notuðu frekar hvað þeir fengu frá hvor öðrum í innspýtingu um hvert næstu skref áttu að vera. Verkin urðu því á endanum lagskipt, ekkert ósvipað eins og er með samtal á milli tveggja manneskja sem ferðast fram og til baka á milli þeirra þangað til að vonandi finnst sameiginlegur flötur á viðfangsefninu.
Sókrates skildi fyrstur manna möguleika samræðunnar. Samskipti manna á milli voru honum það mikilvæg að hann byggði heimspeki sína á rökræðum við annað fólk með því marki að vekja hjá því vitundina um algert þekkingarleysi sem upphafspunkts hverrar nýrrar rannsóknar. Hann tók fyrir það að skrifa niður nokkurn skapaðan hlut þar sem hann leit svo á að möguleika hugsunarinnar til að vaxa væri eytt með hinu ritaða orði. Með samræðunni, aftur á móti, fæðist efinn um eigin hugmyndir og við opnum fyrir möguleikann á breytingu. Samræðan er svæði tilrauna og spilltra hugmynda, aðlaðandi staður til að hefja samvinnu, og í því samhengi hafa þeir Kristinn og Halldór ákveðið að opna verk sín fyrir áhrifum hvors annars.
Framlag Halldórs og Kristins blandast vel saman í þessum verkum einfaldlega út frá að sýn þeirra á myndlist almennt er lík þó að verk þeirra sé ólík. Halldór vinnur að mestu með tungumálið í sinni myndlist sem hann notar í óspart í endurtekningum á orðum/setningum sem minna oft á möntrur. Í gegnum þessar endurtekningar missir tungumálið vægi sitt í tengingu við ákveðna hluti og út frá afbyggingunni tekur merkingin nýja stefnu í huga áhorfanda. Kristinn hefur í sinni myndlist búið sér til nýtt tungumál í gegnum tákn sem eiga ekki alltaf beina skírskotun í veruleikann. Og það er einmitt í gegnum þessi óræðu tákn á strigum Kristins þar sem samtal listamanns og áhorfandans myndast.
Bæði Halldór og Kristinn leita út fyrir efnislegan heim okkar þar sem allt er áþreifanlegt en þó á sama tíma óútskýranlegt. List er ein leið til að skilja heiminn í kringum okkur þar sem hún getur speglað stöðu okkar í honum. Í þessari sýningu reyna Halldór og Kristinn að endurræsa þessa fyrirframgefna þekkingu sem við höfum á heiminum, ekkert ósvipað eins og Sókrates gerði áður við viðmælendur sína.
Halldór Ragnarsson er fæddur 1981 í Reykjavík. Hann lauk B.A. gráðu (2007) og M.A. gráðu (2014) frá myndlistardeild Listaháskóla Íslands eftir að hafa numið heimspeki áður við Háskóla Íslands.
Hann á að baki fjölda einkasýninga ásamt því að hafa tekið þátt í mörgum samsýningum; bæði hér og erlendis.
Kristinn Már Pálmason er fæddur 1967 í Keflavík. Hann stundaði nám við Myndlista og handíðaskóla Íslands (1994) og The Slade School of Fine Art, University College London (1998 – MFA). Kristinn Már á að baki fjölda einkasýninga auk þátttöku í samsýningum og samvinnuverkefnum hér heima og erlendis. Hann hefur komið að ýmiskonar menningarstarfsemi og er t.a.m. annar stofnenda og sýningastjóri Anima gallerís í Reykjavík 2006 – 2008 og einn af stofnendum og stjórnarmeðlimum Kling & Bang gallerís.
The post Sýningin átti sitt upphaf í samræðum um málverk sem flökkuðu á milli vinnustofa appeared first on Albumm.
Omotrack bræðurnir Markús og Birkir Bjarnasynir gefa frá sér nýtt lag með tónlistarmyndbandi.
Lagið heitir „Way Home“ og er annað lagið sem kemur út af væntanlegri plötu. Platan mun bera nafnið Wild Contrast og er önnur plata hljómsveitarinnar. Það glitti í eþíópíska menningu og tóna á fyrri plötu þeirra „Mono & Bright” en sú seinni mun ekki einungis tengjast Eþíópíu, þar sem þeir ólust upp, heldur einnig hversdagsleika hér heima á Íslandi.
Tónlistarmyndbandið er framleitt af Arnari Frey Wade Tómassyni. Myndbandið sýnir fegurð Íslands og fjallar um ferðalag heim. En hvað er heim? Nú þegar bræðurnir búa á Íslandi hugsa þeir mikið heim til Eþíópíu, þá helst til þorpsins Omo Rate þaðan sem nafn hljómsveitarinnar er dregið, en þegar þeir bjuggu í Eþíópíu var það einmitt öfugt, hugur þeirra reikaði heim til Íslands. Heiti plötunnar „Wild Contrast“ er skírskotun í andstæður þessara heimalanda þeirra, dregur fram muninn á menningu, umhverfi og tilfinningum.
Lagið Way Home er einnig aðgengilegt á Spotify, ásamt öðrum lögum eftir Omotrack.
Fleira upplýsingar um bandið má finna á omotrack.com
The post Myndbandið sýnir fegurð Íslands og fjallar um ferðalag heim. En hvað er heim? appeared first on Albumm.
Tónlistarmaðurinn Anton Ísak eða Future Lion var að senda frá sér í dag nýtt lag og myndband sem nefnist „Hypnotize“ en lagið skartar söng frá bresku söngkonunni Kate Wild.
Anton hefur verið mjög öflugur en hann sendi einmitt frá sér sína fyrstu EP plötu, Stories, fyrr á árinu.
Hypnotize er drifið áfram með gítar, poppuðum takt og grípandi laglínum. Myndbandið við lagið er unnið í samtarfi við Alissu sem er grafískur hönnuður frá Nígeríu og fékk Anton frábæra hjálp frá henni.
The post Future Lion með nýtt lag og myndband – Hypnotize er drifið áfram með gítar, poppuðum takt og grípandi laglínum appeared first on Albumm.
Sigrún Skaftadóttir er einn helsti plötusnúður landsins en hún hefur svo sannarlega komið víða við. Sigrún Skafta eins og hún er oftast kölluð gerði garðinn frægan með plötusnúðatvíeykinu kanilsnældunum en Snældurnar hafa nú ákveðið að taka sér pásu í óákveðinn tíma. Sigrún Skafta heldur kyndlinum á lofti og mun sjá til þess að eðal hús tónar fái að flæða um eyru landsmanna!
Sigrún er mikill tónlistarspekúlant og sagði hún Albumm á hvaða tíu lög hún er að hlusta á um þessar mundir. Hér fyrir neðan má hlýða á listann og óhætt er að segja að hann er ansi þéttur!
The post Á hvað er Sigrún Skafta að hlusta? appeared first on Albumm.
Hjólabrettaskóli Reykjavíkur blæs nú í námskeið fyrir fullorðna og það í annað sinn! Fyrra námskeiðið sló rækilega í gegn og mátti sjá bros úr hverju andliti! Námskeiðin eru fyrir algjöra byrjendur og lengra komna en farið verður yfir undirstöðu hjólabrettisins t.d. hvernig á að standa, ná jafnvægi, ýta sér og ollie (stökkva á brettinu).
Hjólabretti er virkilega skemmtileg og góð hreyfing sem reynir á alla vöðva líkamans. Einnig ýtir hjólabretti undir skapandi hugsun og fær viðkomandi til að vera meira vakandi fyrir umhverfi sínu. Steinar Fjeldsted einn af eigendum Hjólabrettaskóla Reykjavíkur mun sjá um kennsluna en hann hefur um 30 ára reynslu af hjólabrettum og hefur kennt á fjölmörgum námskeiðum með virkilega góðum árangri. Einnig kennir Ayþór Mikael á námskeiðinu en hann hefur starfað hjá skólanum í þrjú og hálft ár og er mikill hjólabrettasnillingur.
Þetta námskeið er fyrir 18 ára og eldri og hefst það þriðjudaginn 3. Júlí næstkomandi og fer það fram í innanhúsaðstöðu Jaðar Íþróttafélags í Dugguvogi 8. Námskeiðin byrja kl 20:00 og standa til kl 21:00 og er fjóra þriðjudaga í röð. Námskeiðið kostar 10.000 kr og fer skráning fram á hjolabrettaskoli@gmail.com, nafn, símanúmer og kennitala þarf að fylgja skráningu.
Einnig bjóðum við upp á 15% afslátt á samansettum hjólabrettum í Versluninni Skuggi á Skólavörðustíg 22.
The post Hjólabrettanámskeið fyrir fullorðna fær frábærar viðtökur – Næsta námskeið hefst 3. Júlí appeared first on Albumm.
Ljósmynd: Haukur Húni Árnason.
Töffararnir í hljómsveitinni Fufanu sendu fyrir helgi frá sér glænýja EP plötu (smáskífu) en hún ber heitið Dialogue I og inniheldur fjögur brakandi fersk lög. Tónlistinni má lýsa sem sækadelísku rokki með raf áhrifum, alls ekki slæm blanda það!
Einnig voru kapparnir að senda frá sér glæsilegt myndband við lagið „ Listen To Me” og er það bæði konfekt fyrir augu og eyru. Hægt er að versla og hlýða á plötuna hér.
The post Töffararnir í Fufanu senda frá sér EP plötu og tryllt myndband appeared first on Albumm.
Tónlistar og alt muligt maðurinn Prins Póló sendir í dag frá sér myndband við lagið „Sjúk í sól.” Lagið kom nýverið út á plötunni Þriðja kryddið. Myndbandið var tekið upp á súldardegi á Austurlandi um síðustu páska og átti að liggja í salti þangað til í haust.
Af veðurfarslegum ástæðum og í ljósi háværar umræðu um sólarleysi í ákveðnum landshlutum ákvað Prinsinn að flýta útgáfu myndabandsins.
Þórunn Hafstað og Pétur Már Gunnarsson gerðu myndbandið ásamt Prinsinum.
Þriðja Kryddið má nálgast á Spotify.
The post Sökum sólarleysis ákvað Prinsinn að flýta útgáfu myndbandsins appeared first on Albumm.
Tónlistarkonan Elín Sif var að senda frá sér lagið „Make You Feel Better” og er það fyrsta lagið sem hún gefur út frá því að hún lenti í 3. sæti í Söngvakeppni Sjónvarpsins árið 2015. Þar flutti hún frumsamið lag „Í Kvöld”, þá 16 ára gömul. Síðan þá hefur hún meðal annars unnið Söngkeppni Framhaldskólanna 2016 ásamt hljómsveitinni Náttsól.
Lag og texti eru samin af Elínu sjálfri en að útsetningu komu Reynir Snær Magnússon, gítarleikari og Þorvaldur Þór Þorvaldsson, en hann útestti og hljóðblandaði lagið. Lagið má greina sem létt indie-popp og fellur vel að eyrum hlustenda.
Einnig er hægt að nálgast lagið á Spotify.
The post Fyrsta lagið sem kemur út frá því hún lenti í 3. sæti í Söngvakeppni Sjónvarpsins árið 2015. appeared first on Albumm.
Tónlistarkonan Sólborg Guðbrandsdóttir hefur verið áberandi að undanförnu og hefur svo sannarlega komið víða við! Sölborg vakti talsverða athygli í undankeppni Eurovision með laginu „Ég og þú.” Nýlega gekk hún til liðs við Áttuna og óhætt er að segja að nóg er framundan hjá krúinu.
Sólborg Guðbrandsdóttir, Þórir Geir og Hildur Sif mynda Áttuna en þau sendu nýlega frá sér glænýtt lag og myndband sem ber heitið „Einn Séns.” Albumm.is náði tali af Sólborgu og svaraði hún nokkrum léttum spurningum um herlegheitin.
Prufurnar stóðu yfir í nokkrar vikur og voru krefjandi, rúmlega tvö hundruð manns sóttu um starfið. Ég reyndi bara að gera eins vel og ég gat og það skilaði sér að lokum. Það er frábært að vinna með þessum krökkum, hvert og eitt þeirra stendur við bakið á manni og það skiptir öllu máli. Ég vinn við það að leika mér, það gerist ekki betra.
Sólborg Guðbrandsdóttir, Þórir Geir og Hildur Sif mynda Áttuna.
Ragnar, Egill og Nökkvi sáu um að semja lagið. Við fengum að heyra það bara rétt áður en við lögðum af stað í stúdíóið að taka það upp, en það gekk ótrúlega vel. Það er virkilega gott að vinna hjá Áttunni og ég finn það bara strax, þó ég sé búin að vinna hjá þeim í stuttan tíma, hvað það hefur góð áhrif á mig. Það skiptir öllu máli að umkringja sig fólki sem vill manni vel og hvetur mann áfram í því sem maður er að gera.
Hversu fjölbreytt það er, enginn dagur er eins. Það hefur komið mér á óvart hversu margir starfa innan fyrirtækisins á ýmsum sviðum. Áttan er miklu stærra batterí en mig grunaði.
Ég ætla bara að nýta þetta ár sem ég verð hjá Áttunni eins vel og ég get og hafa gaman. Hvað gerist eftir það verður svo bara að koma í ljós en mig langar helst af öllu út í heim að spila tónlist.
The post „Ég vinn við það að leika mér, það gerist ekki betra” appeared first on Albumm.
Tónlistarmaðurinn Pétur Eggerz var að senda frá sér sína fyrstu EP plötu sem nefnist, 1EGGERZ. Pétur hefur verið að rappa og gera takta síðan á unglingsárunum og gaf hann þá út lagið „Hendur Upp í Loft“ sem vakti mikla lukku.
Eftir að Pétur sendi frá sér lagið „Hendur Upp í Loft“ árið 2014, ákvað hann að hætta gefa út tónlist og fókusa alveg á feril sinn í auglýsingum alveg þar til núna!
The post KEMUR STERKUR INN EFTIR NOKKURRA ÁRA PÁSU appeared first on Albumm.
Bara Heiða var að senda frá sér nýtt lag og textamyndband. Lagið samdi Heiða fyrir mörgum árum þegar hún og vinkona hennar María Sólveig Gunnarsdóttir voru að vaka eina sumarnóttina til að fara í sólbað morguninn eftir. Stöllurnar stofnuðu band sem hét, The dirty g-string band, eða Skítugar strengjanærbuxur á íslensku.
Nokkrum árum síðar endurskrifaði Heiða lagið í garðinum hjá frænku sinni sem var með fallegt útsýni yfir Heimaklett. Svo núna einhverjum árum seinna ákvað Heiða að leifa okkur hinum að heyra og ákvað að gefa það út núna í ár.
Lagið heitir „Setjumst að Sumbli“ og er titill lagsins úr fyrsta þjóðhátíðarlagi Vestmannaeyja. Bróðir Heiðu tónlistarmaðurinn Daníel Jón Jónsson eða Danimal gerði textamyndbandið.
The post „Ég er reyndar líka Jónsdóttir, kannski týnd systir?“ appeared first on Albumm.
Þrettán Stafir er fyrsta platan frá tónlistarmanninum Holy Hrafn en á henni má finna þrettán frumsamin lög. Lögin eru stutt og með athyglibrest og platan er það einnig.
Lögin eru litlar skrítnar sögur eða litlir molar og að Sögn Óla Hrafn eins og hann heitir réttu nafni eru lögin á bragðið eins og tik-tak eða vegan kjötsúpa. Holy Hrafn smíðar alla takta sjálfur nema í laginu „Köld Völd” þar sem elektró gúrúinn Tobacco Rat frá Ástralíu sá um taktinn. Einnig má finna góða gesti á plötunni eins og t.d Byrkir B, Brisk og Kött Grá Pjé.
Hægt er að hlusta á alla plötuna á Soundcloud.
The post Litlar skrýtnar sögur sem eru á bragðið eins og tik-tak eða vegan kjötsúpa appeared first on Albumm.
