Gabríel Ólafsson, 19 ára tónskáld og píanóleikari hefur undirritað plötusamning við breska útgáfufyrirtækið One Little Indian sem m.a. er þekkt fyrir að hafa Björk á sínum snærum. Gabríel hefur ekki enn gefið út tónlist sína á plötu en hefur vakið athygli fyrir lagasmíðar sem birst hafa á netinu. Tónlist Gabríels svipar til kvikmyndatónlistar og meðal helstu áhrifavalda hans eru Jóhann Jóhannsson og Ludovico Einaudi sem samdi tónlistina fyrir kvikmyndina Intouchables.

Gabríel mun halda sína fyrstu tónleika í næstu viku, mánudaginn 30. júlí, og verða þeir í Kaldalóni í Hörpu og eru styrktir af tónlistarsjóðnum Ýli. Gabríel hefur safnað saman hópi af ungu og efnilegu tónlistarfólki til að leika tónlistina hans á tónleikunum. Tónleikarnir eru haldnir að sumarlagi þar sem flestir hljóðfæraleikararnir eru við nám erlendis yfir vetrartímann. Enn er hægt að fá miða á tónleikana á vef Hörpu.

Beint í kjölfar tónleikanna mun Gabríel svo klára upptökur á sinni fyrstu plötu sem One Little Indian hyggst gefa út á heimsvísu. Derek Birkett eigandi One Little Indian hefur, frá því að hann samdi við Björk á tíunda áratugnum, fylgst vel með tónlistarlífinu á Íslandi en áður hefur hann meðal annars gefið út plötur Ásgeirs Trausta, Ólafar Arnalds, Samaris og Emiliönu Torrini, auk Bjarkar Guðmundsdóttur.

Tónlist hefur átt hug Gabríels og hjarta allt frá unga aldri og setti hann snemma stefnuna á að verða kvikmyndatónskáld. Hann hóf nám í tónlistarskóla FÍH þegar hann var 14 ára og lærði bæði við djass- og klassíska deild skólans en fannst þó alltaf skemmtilegra að semja sínar eigin melódíur en að spila verk annarra. Gabríel útskrifaðist úr Menntaskólanum við Hamrahlíð nú í vor en á meðan hann var nemandi þar vann hann bæði lagasmíðakeppni skólans og lék frumsamið lag á píanó í skemmtiatriði skólans í Gettu Betur á RÚV.

The post 19 ára á samning hjá One Little Indian appeared first on Albumm.

Í gær fylltist Laugardalurinn af eðal rokktónum en þar kom fram stórsveitin Guns N Roses á einum af stærstu tónleikum íslandssögunnar! Um 23.000 manns sóttu tónleikana og voru Axl, Slash og félagar í hörkufjöri. Hver hefur ekki raulað með lögum eins og „Sweet Child O’ Mine” og „Paradise City” svo sumt sé nefnt.

Það var ansi þétt stemningin á Laugardalsvellinum og mátti sjá alla skemmta sér afar vel, enda ekki furða þegar slík eðalsveit heimsækir klakann! Við ætlum ekkert að tuða um þetta meira en ljósmyndarinn Hafsteinn Snær Þorsteinsson kíkti á tónleikana og tók hann þessar frábæru ljósmyndirmyndir af kempunum!

Show.is

The post Tryllt stemning á Guns N´ Roses – Sjáið ljósmyndirnar appeared first on Albumm.

Í dag fer fram verkið Ómur í Hofi á Akureyri en verkið er upplifun hljóðs og ljóss sem færir vitundina á stað einfaldleika, forvitni, innblásturs og sköpunar í eigin tilvist. Frjálst er að sitja, liggja eða standa meðan á sýningu verksins stendur. Áhorfendur eru hvattir til að mæta með opinn huga í möguleikarými Ómsins.

Arnbjörg Kristín er menntuð í grafískri hönnun, leiðsögn um íslenska náttúru, jóga og jógískum hljóðfræðum sem tengist að mestu leyti frumhljómum og heilandi hljómfalli sem færir hlustandann að upplifun handan hversdagslegra hugsana. Hún flytur lifandi hljóðupplifanir með heilandi tónum gongsins reglulega hér heima og erlendis og setur saman myndlist úr náttúruefnum.

Frímann Kjerúlf er myndlistarmaður að mennt, sem ákvað að halda á braut eðlisfræðinnar þar sem hann einbeitti sér að ljósrænni eðlisfræði. Tilgangur þessa var að sameina ljósfræði og listir í leit að listrænum innblæstri úr heimi vísindanna.

Herlegheitin byrja stundvíslega kl 19:00 og kostar litlar.

Hér fyrir neðan má sjá verkið Söngur Ljóssins eftir Frímann Kjerúlf.

The post Áhorfendur eru hvattir til að mæta með opinn huga appeared first on Albumm.

Í gær gáfu félagarnir Floni, Birnir & Joey Christ út myndband við nýja lagið þeirra „OMG.“ Lagið sem er hreinasti BANGER kemur líka úr taktsmiðju Marteins BNGRBOY sem virðist gera fátt annað en að setja saman óþolandi góða takta.

Joey Christ

Hina piltana þrjá þarf varla að kynna fyrir lesendum en þeir hafa upp á síðkastið stimplað sig sterkt inn í rapp senu landsins. Joey Christ vann Rapp & Hip Hop plötu ársins 2017 fyrir plötuna sína Joey, Flóni gaf líka út samnefnda plötu í lok síðasta árs sem hlaut mjög góðar viðtökur & Birnir sem steig sín fyrstu skref í útgáfu með góðum stuðning frá Sticky Records hefur á stuttum ferli send frá sér nokkur góð lög eins og til dæmis Út í geim og Já ég veit.

Flóni

Myndbandið við OMG er hressandi og sýnir strákana sprella saman í Fjölskyldu- og Húsdýragarðinum, Skypark og Skemmtigarðinum í Smáralind.

Birnir

Leikstjórn myndbandsins var í höndunum á Joey Christ ásamt Vigni Daða sem sá að auki um upptöku og klippingu. Hér má sjá nokkrar skjámyndir úr videóinu.

Við mælum með að þið haldið fyrir eyrun á litlu systkynum ykkar í kaflanum hans Birnis…

Einnig er lagið komið á Spotify

The post OMG OMG OMG – Nýtt myndband við lagið „OMG” appeared first on Albumm.

Barnahátíðin Kátt á Klambra fer fram á Klambratúni á morgun sunnudaginn 29. júlí og óhætt er að segja að öllu verður til tjaldað. Hugmyndin að hátíðinni kviknaði þegar skapari hátíðarinnar Jóna Ottesen var með dóttur sína á tónlistarhátíðinni Secret Solstice en þar var glampandi sól, reggae tónlist og allir í voða góðu skapi. Hátíðin er virkilega góð viðbót í menningarlíf Reykjavíkurborgar og er hún svo sannarlega komin til að vera!

Albumm.is náði tali af Jónu Ottesen og svaraði hún nokkrum skemmtilegum spurningum um hátíðina!

Hvenær var fyrsta Kátt Á Klambra haldin og hvernig kom það til?

Kátt á Klambra var haldin fyrst sumarið 2016 og kom þá fjöldi fólks á Klambratún og lukkaðist hátíðin alveg ótrúlega vel. Ég fékk hugmyndina sumarið áður þegar ég var með dóttir mína á Secret Solstice hátíðinni. Þetta var á sunnudeginum og það var rosa góð stemmning, sól og reggae tónlist og allir í voða góðu skapi. Dóttir mín sem þá var 1 árs, skemmti sér rosa vel, dansaði og babblaði við alla. Ég fór þá eithvað að hugsa um það (þá ný orðin mamma) hvað það væri gaman að halda alvöru barnahátíð, með flottri tónlist, jóga, ýmis konar afþreyingu og góðri stemmingu þar sem börn og foreldrar njóta sín saman. Ég tel það vera mjög mikilvægt fyrir foreldra að hitta aðra foreldra og að börnin okkar fái tækifæri til að skemmta sér með foreldrum og öðrum börnum. Það hefur sko líka alveg sýnt sig að foreldrar hafa ekki minna gaman á Kátt á Klambra en börnin.

Einnig hefur mér fundist græn svæði í borginni illa nýtt og fagna því öllum þeim hátíðum og öðrum verkefnum sem hafa sprottið upp undanfarin ár sem t.d hvetja fólk til að fara í jóga út um öll tún í hverfum borgarinnar. Þarna fékk ég sem sagt fluguna í hausinn og hef varla hugsað um annað síðan. Ég fékk Valdísi Helgu Þorgeirsdóttur með mér í lið og saman fórum við á fullt að skipuleggja hátíðina. Við fengum styrk frá Hverfissjóði Reykjavíkur og náðum að gera ótrúlega mikið úr litlu og með góðri aðstoð vina og fjölskyldu. Viðburðurinn var frír öllum, laus við hoppukastala og einhvern trylling og það var gaman að sjá hvað börnin voru ánægð með þetta.

Hefur hátíðin eitthvað breyst á milli ára og hver er aðal áherslan í dag?

Hátíðin gekk sem áður sagði mjög vel og tóku allir verkefninu fagnandi. Við fórum því á fullt að skipuleggja næstu hátíð og það var svo margt sem okkur langaði að gera. Hátíð sem þessi getur boðið upp á svo margt og við viljum að sem flest börn fái tækifæri til þess að njóta hennar. Við viljum halda í okkar afslappaða og notalega andrúmsloft en bjóða líka upp á ýmis konar fjör og flott tónlistaratriði.

Við fengum góða viðbót í hópinn, en Hildur Soffía Vignisdóttir kom með mikinn kraft í verkefnið. Með innblástur hennar frá barnahátíðinni Miniøya í Noregi létum við stóra drauma okkar rætast og náðum við að skapa enn stærri og flottari Kátt á Klambra hátíð árið 2017, en hana sóttu um 3.000 gestir og tala margir um þetta sem skemmtilegasta dag sumarsins. Við höfum unnið að því að bæta hátíðina, en með svo miklum fjölda gesta þarf að huga að mörgu líkt og auka í starfsmannahópnum okkar á svæðinu, bæta gæslu, sorphirðu og fleira. Skipulagsvinna við viðburð sem þennan er mikil og allt kostar jú peninga, við sóttum um alla styrki sem hægt er að sækja um, sóttumst eftir að hitta fólk sem vinnur hjá Reykjavíkurborg og hjá stórum fyrirtækjum og vonuðumst eftir að geta haldið áfram að skipuleggja alvöru barnafestival. Þar sem enginn áræðanleg svör bárust þá ákváðum við að fara þá leið að hafa miðaverð á hátíðina. Við girtum því svæðið af og höfðum miðaverðið lágt. Það lukkaðist mjög og með þessu aukgum við líka öryggi gesta okkar það fer t.d ekkert barn fer af svæðinu án forráðamans og enginn kemur á svæðið sem á ekki þar heima.

Vinir Kátt á Klambra verða bara fleiri og enn fleiri áhugasamir skipuleggjendur hafa bæst í hópinn. Viktoría Blöndal hefur núna sett sinn svip á dagskránna með sínum góðu hugmyndum og svo kom Ása Ottesen systir einnig inn í verkefnið af krafti og hefur gætt facabook og instagram síður okkar af lífi og fjöri. Linda Björk tekur einnig verkefni í sínar hendur og léttir okkur róðurinn, en hún er orkubolti sem lætur verkin tala. Það er gaman hversu margir eru tilbúnir að hjálpa og taka þátt og það er öllum velkomið að mæta á Klambratún og taka þátt í uppsetningu á svæðinu og allir geta skráð sig sem sjálfboðaliðar hjá okkur.

Í ár bætum við vel í dagskránna á sviðinu og höfum fjölbreytta afþreyingu á svæðinu. Fleiri matvagnar verða svæðinu, þrautabrautin verður stærri og skemmtileg innsetning listakonunnar Söru Bjargar Bjarnadóttur mun kæta alla krakka á svæðinu og einnig eru skemmtilegar viðbætur núna þar sem við verðum með leiksýningar, sögukeppni Forlagsins, bókahöfundar koma og lesa upp úr bókum, RIE leiksvæði fyrir ungabörn og fyrirlestur sem ætlaður er foreldrum.

Áherslan í ár er að skapa hátíð sem er fyrir bæði kynin með fjölbreyttri afþreyingu fyrri alla á aldrinum c.a 0-14 ára. Við kepptumst við að leita að kvenkyns listamönnum og af fyrri reynslu höfum við tekið eftir að þetta er fjölskylduhátíð og miðum við því dagskránna einnig að börnum á aldrinum 12-14 ára.

Er ekki mikil vinna sem liggur á bakvið svona hátíð og hvar sérðu hana í nánustu framtíð?

Jú, þetta er mjög mikil vinna, ég hélt kanski að þetta yrði auðveldara með hverju árinu en það er vissulega margt sem er auðveldara núna en svo bætist bara eithvað annað við. Verkefnalistinn er endalaus og alltaf einhverjar nýjar hugmyndir sem poppa upp. Kærastinn minn Steingrímur Ingi á mikinn heiður að því hversu flott hátíðin er en hann hefur beisíklí smíðað hátíðina. Með aðstoð Gunnýar og Eleni hafa þau gert svæðið litríkt og skemmtilegt. Hann hefur einnig þurft að sýna mikla þolinmæði heima fyrir, þar sem mikill tími, orka og peningar fara í skipulag og undirbúning hátíðarinnar og vegna hennar tökum við ekkert sumarfrí á sumrin.

Ég sé hátíðina geta haldið áfram að blómstra og stækka og mig langar að hún verði að árlegum viðburði á Klambratúni. Við höfum tekið þátt í öðrum verkefnum líkt og Torg í biðstöðu í fyrrasumar, Barnamenningarhátíð og verið með Kátt á Solstice þar sem við sáum um barnasvæðið á tónlistarhátíðinni Secret Solstice. Þetta verkefni getur ferðast út um allt og ef vel gengur að fá staðfastarI samstarfssamninga og fjármagn þá er allt möguleg og öll börn hlakka til að fara á Kátt á Klambra. Ég á mér marga drauma fyrir hátíðina t.d að smíða hringekju, fá erlenda listamenn til að koma og sýna og gefa börnum orðið og innlima þátttöku þeirra í skipulagningu hátíðarinnar.

Hvernig lýtur komandi hátíð út og munu ekki allir finna eitthvað við sitt hæfi?

Dagskráin er glæsileg! Við erum mjög ánægð með hana og hún er vissulega miðuð út frá börnum og ættu öll börn að geta fundið eithvað við sitt hæfi t.d ritlistarmiðja, tónlistarmiðja, taflkennsla, graffítikennsla, sirkusmiðja, hreyfiflæði með Primal, RIE ungbarnaleiksvæði, Nexus Noobs, þrautabraut, föndurtjald og margt fleira verður í gangi á svæðinu.  Á hátíðarsviðinu verðum við svo með flottustu og stærstu dagskránna okkar hingað til.

Kynnanir Gummi og Blærmunu svo leiða dagskránna á sviðinu með sínum góða húmor og hressleika. Það verður því nóg um að vera og eithvað fyrir alla.

Hvenær byrjar hátíðin og eitthvað að lokum?

Svæðið opnar kl 11.00 á sunnudaginn og lýkur dagskránni kl 18.00. Pamperstjaldið verður á svæðinu og nokkrir gómsætir matvagnar, barnvænt snarl, Te og kaffi vagn, popp og canfyflosh og bara afslöppuð carnival stemmning allan daginn. Komið með teppi og góða skapið hvort sem sólin skín eða það rigni þá verður þetta besti dagur sumarsins. Ég mæli með að fólk tryggji sér miða í forsölu, nýti sér fjölskyldupakkaverðið og við höfum unnið að því að bæta það sem mátti laga frá því í fyrra, t.d langar raðir sem ættu ekki að vera langar núna!

Hlökkum til að njóta dagsins með ykkur!

Hægt er að nálgast miða á hátíðina á Tix.is

Kattaklambra.is

The post Hátíð þar sem börn og foreldrar njóta sín saman appeared first on Albumm.

Tónlistarmaðurinn Jökull Logi var að senda frá sér EP plötuna In Wedding en plötuna samdi hann þegar hann bjó í hverfinu Wedding í Berlín. Jökull gerði sér lítið fyrir og tók upp saxófónleikarann Sölva Kolbeinsson í lögin „Oldsmobile“ og „Conversations“ en einnig fékk hann sér till liðs rapparann Matty Wood$ í lagið „Kush No. 5“.

In Wedding má lýsa sem djassskotnu hipp hoppi en Jökull segist sækja sinn innblástur mest í Lo-Fi og underground hipp hopp.

Bandcamp

Soundcloud

The post In Wedding tekin upp í Wedding hverfinu í Berlín appeared first on Albumm.

Hljómsveitin Hinemoa er búin að vera starfandi frá vorinu 2014 og hefur þróast umtalsvert á þessum fjórum árum með tilkomu nýrra meðlima og áherslum. Sveitin vinnur nú hörðum höndum að plötu með upptökustjóranum Stefáni Erni Magnússyni sem kemur vonandi út á næstu mánuðum. Á dögunum gaf Hinemoa frá sér nýtt lag sem ber heitið „A.T.3. (Parallel)“ og verður það á plötunni sem er vinnslu. Meðlimir sveitarinnar gerðu einnig myndband við lagið sem má hér að neðan.

,,Við ákváðum bara að reyna sjálf að búa til myndband, það versta sem gerist er að við nýtum þetta sem gott hópefli og látum þetta aldrei sjást. En við erum bara nokkuð ánægð með útkomuna. Myndbandið er í raun mjög einföld hugmynd og því ekki flókið í vinnslu en okkur fannst bara svo mikilvægt að senda frá okkur myndband við lagið og ákváðum því prófa þetta“ – Kristófer Nökkvi

Hinemoa skipa: Ásta Björg Bjögvinsdóttir, Kristófer Nökkvi Sigurðsson , Bergrós Halla Gunnarsdóttir og Sindri Magnússon en sveitin kemur fram á Iceland Airwaves í haust og verður staður og dagsetning auglýst þegar nær dregur.

„A.T.3. (Parallel)“ er einnig komið á Spotify.

The post „Nýtum þetta sem gott hópefli og látum þetta aldrei sjást” appeared first on Albumm.

Tónlistarhátíðin Innipúkinn fer fram í sautjánda sinn í miðborg Reykjavíkur um Verslunarmannahelgina. Hátíðin er hins vegar ekki bara fyrir innipúka í ár, eins og verið hefur, en þetta er í fyrsta sinn sem boðið verður uppá ítarlega dagskrá fyrir utan tónleikastaðina Gaukinn og Húrra.

Í samstarfi við Red Bull á Íslandi verður sérstakt plötusnúðasvið undir berum himni og þar verður skífum þeytt alla helgina. Meðal annarra sem koma fram eru Terrordisco, Ewok, Kerr Wilson, Oculus, Battlestar og Krystal Karma. Aðaldagskrá hátíðarinnar er líka öflug en hún fer eftir sem áður fram innandyra. Gert er ráð fyrir að uppselt verði á hátíðina eins og hefur verið undanfarin ár en miða má finna á tix.is.

The post Red Bull á Íslandi verður með sérstakt plötusnúðasvið á Innipúkanum appeared first on Albumm.

Tónlistarmaðurinn Ragnar Árni var að senda frá sér lagið „Á Öðrum Stað.” Ragnar var að ljúka fjórða ári sínu í læknisfræði í Ungverjalandi og ætlar að eyða sumrinu á íslandi. Hann segist ætla að njóta þess að búa til tónlist, borða íslenskan fisk og stunda yoga. Ragnar gaf út lagið „Aldrei nóg” síðastliðið sumar.

Ragnar Árni er 28 ára tónlistarmaður og læknanemi sem kemur frá Seltjarnarnesi. Hann stundaði tónlistarnám frá 6 ára aldri. Útskrifaðist úr tónlistarskóla FÍH sem jazz saxófón leikari. Ragnar hefur spilað með ýmsum tónlistarmönnum t.d stórsveit Samúels Jóns Samúelssonar, Bubba Morthens, Hjálmum, Jónasi Sig, Jóni Jónssyni og Ásgeiri Trausta. 23 ára hóf hann nám í læknisfræði í Ungverjalandi og tók sér smá hlé frá íslensku tónlistarsenunni. Meðfram læknisfræði náminu hefur hann einbeitt sér meira af eigin tónsmíðum og stígur sín fyrstu spor núna sem söngvari og lagahöfundur í verkefni sem hann kallar einfaldlega RAGNAR.

Einvalalið íslenskra tónlistarmanna komu að laginu. Lag og texti er eftir Ragnar sjálfan, Upptökustjóri: Helgi Hrafn Jónsson. Hljóðvinnsla: Styrmir Hauksson. Master: Glenn Schick. Gítar og söngur: Ragnar Árni Ágústsson. Gítar: Pétur Ben. Hljómborð: Tómas Jónsson. Bassi: Gunnar Gunnsteinsson. Trommur: Þorvaldur Þór Þorvaldsson. Útsetningar og basúna: Samúel J. Samúelsson. Trompet: Ari Bragi Kárason. Trompet: Kjartan Hákonarson. Saxófónn: Óskar Guðjónsson.

The post Stígur sín fyrstu spor sem söngvari og lagahöfundur appeared first on Albumm.

Skipuleggjendur hátíðarinnar: Logi Bjarnason, Sigursteinn Sigurðsson, Bára Dís Guðjónsdóttir og Inga Björk Margrétar Bjarnadóttir

Samtímalistahátíðin Plan-B Art Festival fer fram í Borgarnesi dagana 9. – 12. ágúst í þriðja sinn. Hátíðin hefur hýst á fjórða tug listamanna frá upphafi, bæði íslenska og erlenda og hafa viðburðir hennar verið í óhefðbundnum rýmum bæði í Borgarnesi og nágrenni bæjarins. Stofnendur hátíðarinnar koma öll af svæðinu. Hópurinn segist hafa viljað skapa líflega og frjóa hátíð, vettvang fyrir nýja og reyndari listamenn til þess að þrýsta á þolmörk sköpunar sinnar. Reyna nýja hluti og kljást við óhefðbundin rými á borð við gamalt fjós, loft í pakkhúsi, gamalt sláturhús og svo mætti áfram telja.

„Við vildum koma aftur í Borgarnes með þá kunnáttu og þann sköpunarkraft sem myndlistin hefur fært okkur og glæða Borgarnes af lifandi og frjórri menningu. Þá varð til Plan-B Art Festival. Nafnið er tilkomið vegna sögu Borgarness sem iðnaðarbæjar. Um tíma var blómlegur landbúnaður og iðnaður í bænum en tímarnir breyttust og tími er kominn á Plan-B, það er listir og menningu.“

Aðstandendur hátíðarinnar eru þau Logi Bjarnason myndlistarmaður, Sigursteinn Sigurðsson arkitekt, Inga Björk Margrétar Bjarnadóttir, MA nemi í listfræði og sýningarstjóri og Bára Dís Guðjónsdóttir, verkefnastýra.

Gestir á hátíðinni í fyrra

Hópurinn hefur farið af stað með Karolina fund söfnun og er meðal annars hægt að kaupa miða á tilraunakvikmynd Jóhanns Jóhannssonar tónskálds, sem lést fyrr á árinu.

„Það er okkur sannur heiður að fá að sýna tilraunkvikmynd Jóhanns, End of Summer, sem fjallar um ferðalag Jóhanns um Suðurskautið. Áhorfendur fá að fylgjast með hæglátri náttúrunni sem er auðguð með stórfenglegri tónlist Jóhanns. Við hlökkum mjög til að sýna myndina“

Hópurinn segir hátíðina fara stækkandi með ári hverju en enn erfitt sé að fjármagna menningarstarf á landsbyggðinni.

„Fólk lítur ennþá dálítið á myndlist sem áhugamál en við höfum frá fyrsta degi haft það sem prinsipp að borga listamönnum fyrir þátttöku á hátíðinni. Þó það þýði að við séum í sjálfboðaliðastarfi og höfum borgað með hátíðinni, okkur finnst mikilvægt að borga myndlistarmönnum laun.“

Karolina fund söfnun er liður í því að hægt sé að halda hátíðina og vildu þau því leita til velunnara myndlistar. Upplýsingar um söfnunina má nálgast hér.

The post Reyna nýja hluti og kljást við óhefðbundin rými appeared first on Albumm.

Tónlistarkonan MIMRA sendi fyrir skömmu frá sér lagið „Allt eða ekkert” en um er að ræða grípandi popplag sem jafnvel hörðustu rokkarar ættu að geta dillað sér við. Ástin og sumarið flæðir í gegnum lagið en það fjallar um manneskju sem leggur spilin á borðið og játar loks fyrir þeim sem hún er að hitta hvernig henni raunverulega líður. MIMRA á lag og texta og vann lagið í samvinnu við Daða Birgisson sem sá um hljóðhönnun og mix. Um hljómjöfnun sá svo Bjarni Bragi Kjartansson og útgáfan var styrkt af STEF.

MIMRA er listamannsheiti tónlistarkonunnar Maríu Magnúsdóttur sem hefur verið áberandi og látið mikið að sér kveða undanfarið. Nýlega kom frá henni stop-motion tónlistarmyndband við lagið Sinking Island af samnefndri plötu frá 2017. Myndbandið var listilega unnið af Andvara og fór hin 10 ára gamla Embla Steinunn með annað aðalhlutverkanna þar. Í júní síðastliðnum túraði MIMRA ásamt hljómsveit sinni um Ísland og héldu þau 11 tónleika á 13 dögum vítt og breitt um landið við góðar undirtektir.

The post Grípandi popplag sem jafnvel hörðustu rokkarar ættu að geta dillað sér við appeared first on Albumm.

Safnplatan Icebreaker Vol. 2 kemur út á næstu dögum og er hún framhald af samnefndri plötu Icebreaker sem kom út í fyrra og naut vinsælda meðal áhugamanna Drum N Bass tónlistar. Sex listamenn eiga lög á plötunni Icebreaker Vol. 2 og þar af þekkt nöfn eins og Subminimal, Tranquil, Futuregrapher og Muted en einnig má hlýða á nýjan listamann sem gengur undir nafninu Orðlaus. Orðlaus á lagið „Saxy” en það vann hann ásamt listakonunni Bíbí bóa. „Saxy” á án efa eftir að koma ykkur í góða skapið enda er það sannkallaður slagari. Að lokum má ekki gleyma manninum á bakvið hugmyndina sjálfan RK sem skreytir tvö lög fyrir ykkur í ár.

Platan kemur út hjá hollenska útgáfufyrirtækinu Agatone Music sem sér einnig um masteringu sem og stafræna dreifingu. Á plötunni má finna átta lög, úr mismunandi sviðum drum and bass senunnar, fólk getur búist við öllu frá classic Rollers yfir í framsækið sci-fi.

Tveir viðburðir fylgja innlendu CD útgáfunni. Annarsvegar upphitunarpartý í plötuversluninni Lucky records þann 11 ágúst en Lucky Records er fyrsta verslunin sem fær diskana í hendurnar. Seinnipart sama dags verður svo öllu keyrt í botn á skemmtistaðnum Boston þar sem listamenn plötunnar munu færa fólk yfir í annan heim í heilar 5 ógleymanlegar stundir.

RK mun kíkja við og heilsa uppá fólk í gegnum útvarpsbylgjurnar þann 7. Ágúst á Interstella og þann 8. Ágúst hjá Hausum þar sem talað verður um plötuna og spilaðar verða stuttar syrpur til að kynna efnið og hita upp fyrir helgina.

The post Icebreaker Vol. 2 lýtur dagsins ljós – Íslenskt Drum & Bass á heimsmælikvarða appeared first on Albumm.

Ösp Eldjárn, Valeria Pozzo og Örn Eldjárn. Hönnun veggspjalds/Linda Loe

Fimmtudagskvöldið 2. ágúst halda Ösp Eldjárn, Valeria Pozzo og Örn Eldjárn tónleika í tónleikaröðinni KÍTÓN Sumar í Hannesarholti. Tónleikarnir hefjast kl. 20.00 og er miðaverð 3000 kr.

Systkinin Ösp og Örn koma frá Tjörn í Svarfaðardal þar sem tónlist hefur ávalt verið ríkjandi partur af hversdeginum og var því ekki að undra að þau skyldu feta þann veg í lífinu. Ösp hélt til Lundúna í tónlistarnám árið 2011 og kynntist þar hinni ítölsku Valeria Pozzo og hafa þær síðan starfað mikið saman í tónlist, en Valeria lék til að mynda á fiðlu og víólu á plötu Aspar, Tales from a poplar tree, sem var tilnefnd til íslensku tónlistarverðlaunanna 2018 í flokki þjóðlagatónlistar. Þau þrjú munu flytja eigið efni, gamalt og nýtt í bland við eftirlætis ábreiður. Hljómsveitin hefur verið á tónleikaferðalagi vítt og breitt um landið síðustu vikur og er nú röðin loks komin að Reykjavík.

Miðasala fer fram á www.hannesarholt.is og þar er í sumar einnig boðið uppá kvöldverð alla fimmtudaga, föstudaga og laugardaga við lifandi píanótónlist. Borðapantanir í síma 511-1905 og á hannesarholt@hannesarholt.is

The post Flytja eigið efni, gamalt og nýtt í bland við eftirlætis ábreiður appeared first on Albumm.

Tónlistarmaðurinn NonyKingz sendi nýverið frá sér glænýtt lag og myndband sem ber heitið „With You.” Lagið er umvafið ást og rómantík sem á vel við sumartímann! Lagið var talsvert fljótt í vinnslu en NonyKingz var aðeins um tvo til þrjá klukkutíma að semja textann.  

Kappinn vinnur nú örðum höndum að stuttskífu eða EP plötu eins og það kallast og mun hún lýta dagsins ljós fyrr en seinna. Engir tónleikar eru á döfinni en NonyKingz segist alltaf vera til í að grípa í mækinn og koma fram!

Það er glampandi sól og því ekkert annað í stöðunni en að skella á play og njóta!

Lagið er einnig komið á Spotify.

The post „With You.” er umvafið ást og rómantík – Hækkið í græjunum! appeared first on Albumm.

Gyða Valtýsdóttir var að senda frá sér plötuna G Y Ð A – Evolution. Platan er fyrsta plata Gyðu sem inniheldur hennar eigin lagasmíðar, en síðasta plata hennar Epicycle innihélt eldri tónsmíðar tónskálda á borð við Messiaen og Schubert í nýjum búning. Gyða hlaut Íslensku tónlistarverðlaunin fyrir plötu ársins fyrir Epicycle.

Evolution kemur út í september á vegum figureight og kveður þar við nýjan tón. Á plötunni blandast saman hið klassíska, hið tilraunakenda og hið poppaða svo úr verður kokteill sem aðeins Gyða gæti blandað. Platan var tekin upp á 10 dögum í Los Angeles og New York og auk Gyðu var það Alex Somers sem pródúseraði. Aðrir sem komu að gerð plötunnar voru Úlfur Hansson, Albert Finnbogason, Shahzad Ismaily, Aaron Roche og Julian Sartorius.

Gyða er sem stendur á tónleikaferðalagi ásamt Damien Rice.

Nú hefur Gyða sent frá sér fyrsta lag plötunnar sem nefnist „Moonchild.“ Einnig er komið út myndband við lagið, leikstýrt af Rebekku Rafnsdóttur. Myndbandið var tekið upp á Íslandi og í hafmeyju-skrúðgöngu í Coney Island, New York.

Gyða er sem stendur á tónleikaferðalagi ásamt Damien Rice, en það er heldur betur sérstakur túr þar sem þau eru á bát og sigla milli tónleikastaða á Ítalíu og Spáni. Tvennir tónleikar eru eftir, á Mallorca 2. ágúst og Menorca 7.ágúst.

Hér fyrir neðan er hægt að forpanta plötuna á vínyl og sem niðurhal, en þá fylgir lagið „Moonchild” með samstundis og platan verður send til kaupanda á útgáfudegi.

INSTAGRAM

The post Klassískur, tilraunakenndur og poppaður kokteill appeared first on Albumm.

Tónlistarkonan Bara Heiða var að senda frá sér myndband við lagið „Setjumst að sumbli.” Það vill svo skemmtilega til að textinn í laginu kallast á við textann í þjóðhátíðarlagi þeirra Jónssona (Frikka Dór og Jón Jónsson) en Heiða er Jónsdóttir, kannski týnd systir þeirra bræðra?

Heiða og æskuvinur hennar Gary Donald tóku upp myndbandið á Þjóðhátíð fyrir tveimur árum. Myndbandið lýsir þjóðhátíðarstemningunni á frábæran hátt og er þetta bæði konfekt fyrir eyru og augu!

The post Bara Heiða sest að sumbli í Eyjum appeared first on Albumm.

Tónlistarmennirnir Geir Ólafsson og Þórir Baldursson hafa nú leitt saman hesta sína og er breiðskífa á leiðinni! Platan ber heitið „Þú ert yndið mitt yngsta og besta” og er hún hlaðin íslenskum perlum! Mörg þessara laga hafa í gegnum tíðinna átt stóran þátt í lífi margra en platan einkennist af píanó og söng.

Albumm.is náði tali af Geir Ólafs og svaraði hann nokkrum léttum spurningum.

Hvernig kom þessi plata til og er hún búin að vera lengi í vinnslu?

Ég og Þórir erum búnir að starfa lengi saman! Margir hafa hvatt mig til að gera plötu eingöngu með íslenskum lögum og fannst mér það góð hugmynd! Hinsvegar vildi ég nálgast það með öðrum hætti heldur hefur verið gert. Þannig píanó og söngur heillaði mig sérstaklega með þá hugmynd að þórir myndi gera píanó útsetningar, Við fórum svo í studíó og tókum upp! Vilhjálmur Guðjónsson, sá um upptökur! Einnig sá hann um Hljóðblöndun og jöfnun. Finnbogi Kjartansson sá um umslag plötunnar og uppsetningu.

Ljósmynd: Arnþór.

Hvernig hófst ykkar samstarf og var erfitt að velja lögin á plötuna?

Ég kynntist Þóri árið 1996, hef síðan þá oft starfað með honum og notið þess og lært mikið! Hvað varðar lagavalið þá tók það svo sem ekki langan tíma. Skrifaði nokkur lög og valdi svo bara tíu. það er vel hægt að lenda í erfiðleikum þegar kemur að því að velja lög enda mörg góð!

Hvað er það við þessi lög sem heillar ykkur og á að fylgja plötunni eftir með tilheyrandi tónleikahaldi?

Mörg þessara laga hafa í gegnum tíðinna átt stóran þátt í lífi margra og yljað okkur oft! þessi lög hef ég heyrt mörgum sinnum og notið þess að heyra frábæra söngvara syngja þau af alúð! Við munum halda nokkra tónleika á haustdögum.

Hvenær kemur platan út og eitthvað að lokum?

Platan kemur út í lok Ágúst! Svo vil ég bara þakka öllum þeim sem hafa áhuga á íslenskri tónlist, án þeirra værir engin drifkraftur fyrir tónlistarmenn!

The post „Margir hafa hvatt mig til að gera plötu eingöngu með íslenskum lögum“ appeared first on Albumm.

Það hefur ekki farið fram hjá neinum að Verslunarmannahelgin er að renna í garð og eru hátíðir út um allar trissur! Fyrir okkur sem ætlum að eyða helginni í Reykjavík verður brjálað stuð á tónlistarhátíðinni Innipúkanum! Dagskráin í ár er sko ekkert slor en mikil spenna ríkir fyrir glænýrri sveit sem ber heitið Contrast.

Mikil dulúð ríkir yfir þessari grúppu þar sem ekki margir þekkja nafnið, og ekki margir sem hafa heyrt eitthvað frá þeim. Mp3 fælar hafa flakkað á milli fólks en það verður mjög spennandi að fylgjast með sveitinni á næstunni og sjá hvað þeir hafa upp á að bjóða.

Án þess að hafa gefið neitt út hefur sveitin unnið saman í rúmt hálft ár og er von á plötu frá þeim í byrjun hausts. Tónlistarstíl þeirra má lýsa sem R&B í dekkri kantinum, alternative að sumu leyti í bland við Hip/Hop og trap en sveitin er einnig með það í huga að koma með eitthvað öðruvísi í senuna á Íslandi.

Innipúkinn fer fram í Kvosinni á tónleikastöðunum Húrra og Gauknum og hægt er að nálgast miða í gegnum Tix.is

Instagram

The post Mikil spenna ríkir fyrir huldu sveitinni Contrast – Mp3 fælar flakka á milli fólks appeared first on Albumm.

Tónlistarmaðurinn og partýboltinn Love Guru var að senda frá sér sannkallaðann sumar BANGER en liðin eru fimmtán ár frá því að hann steig fyrst fram á sjónarsviðið! Love Guru átti ófáa smellina en hver man ekki eftir lögum eins og „Partý útum allt” og „1,2 Selfoss” svo sumt sé nefnt. Nýja lagið ber heitið „Partýlestin” og að sögn kappans hefur það verið merkilega lengi í vinnslu. Lagið vann hann ásamt Our Psych og Karítas Hörpu.

Albumm.is náði tali af kappanum og svaraði hann nokkrum léttum spurningum!  

Nýtt lag og allt að gerast! Er lagið búið að vera lengi í vinnslu?

Lagið hefur verið merkilega lengi í vinnslu, Our Psych (Ársæll Gabríel) gerði remix fyrir mig fyrir tveimur árum við sumarsmellinn Jackið og þá kom sú hugmynd upp að gera einhverntíman lag saman, þá aðallega í góðu gríni.

Þegar ég áttaði mig á 15 ára stórafmæli Gura þá datt okkur í hug að gera alvöru klúbba banger sem er svolítið heimavöllur Our Psych, eitthvað sem átti ekkert að fara hátt. Við vorum með ákveðnar hugmyndir og hann byrjaði að gera takta en strax heyrði maður að hann var svolítið í Love Scooter gírnum. Droppið í fyrstu útgáfu var svo helvíti fínt að við ákváðum að fara bara alla leið í orginal Gura.

Ég tók upp 5-6 mínútur af “sungnum” texta með öllum þessum shout-um og rugli, bara freestyle og svo átti hann bara að nota það sem hann vildi. Gekk ekki sem skildi. Sem er kannski vesenið við að gera lag bara í gegnum feisbúkk. Þetta var fyrir svona hálfu ári. Síðan fóru báðir aðilar erlendis og ekkert gerðist í um 2 mánuði eða svo. Síðan var ákveðið að keyra þetta í gang í apríl, mánuðurinn sem lagið átti að koma út, ég fékk Karítas Hörpu (The Voice) til að syngja “Strympuna” (það var líka bara freestyle, hún hafði enga tónlist eða beat til að syngja með) og lagið 90% tilbúið. EN þessi 10 % eru stundum ansi erfið.

Guru spilaði að venju á Kótellettunni á Selfossi þar sem ég lofaði nýju lagi og gerðum við allt til þess að klára playbakk fyrir gigg, 10. Júní minnir mig. Playbakkið kom síðan um 15 mínútum fyrir gigg og er óhætt að segja að performansinn hafi ekki verið upp á marga fiska enda kunni Guri varla lagið enn…. Krádið elskaði þetta eins og sjá má í myndbandinu við lagið, tekið upp á síminn minn (metnaður). Þá var ákveðið að keyra þetta í gang og einum og hálfum mánuði síðar var búið að klára þessi 10% og lagið komst út. Glæsileg frammistaða, lengi í vinnslu? Já 6 mánuði!

Þú hefur tekið þér talsvert langa pásu, er von á meira efni frá Love Guru?

Þessi sorgarsaga hér fyrir ofan með „partýlestina” er bara piss við hliðina á hinu laginu sem átti að koma út í sumar, það samdi ég fyrir ca. 5 árum og átti að vera sumargrín fyrir útvarpsþáttinn Hanastél sem ég stjórnaði með Sölku Sól. Nú 5 árum síðar er það enn að velkjast um í kerfinu, þrír pródúserar, fjórar tölvur hrundu og allt sem mögulega gat klikkað í einu ferli hefur klikkað en þessi sumarsalsa átti að koma út í lok júní. Planið er að reyna að koma þessum bastarði út næsta sumar því þetta er öskrandi sumarlag sem virkar lítið á haustin og veturna. Þannig, jú það er vona á nýju efni frá Gura en hvort hann standi við það kemur í ljós í vor.

Á að henda í einhverja tónleika og eitthvað að lokum?

Guru kemur einstaka sinnum fram á ári þar sem Kótelettan er hápunkturinn en önnur gigg eru meira prívat. En til að mjólka þessi afmæli þá verður plata dýrsins, Partý Hetja, 15 ára gömul á næsta ári… er ekki í tísku að spila gamlar plötur í heild sinni, verður kannski erfitt að fá alla gestina á plötunni til að koma saman: Nylon, Kristín Ýr, Beta Rokk, Hreimur Heimis, Einar Ágúst, Tinna Marina, Þora Sif og margir fleiri.

Að lokum vil ég benda fólki á  fésbókarsíðu Gurans, Þar er hægt að lesa alla söguna og sjá öll myndböndin sem gerð hafa verið (og eru þau ansi mörg). Nú er hægt að niðurhala „Partýlestinni” sem er kostaboð því lagið fer ekki á Spotify eða á öðrum veitum, Guru gefur öðrum gjafir þegar hann á afmæli.

The post Alvöru sumar BANGER í afmælisgjöf! appeared first on Albumm.

Fyrir skömmu droppaði tónlistarmaðurinn BleachKid Funi trylltu lagi og myndbandi sem ber heitið „Kilo.” BleachKid er einnig hluti af Rari Boys en fyrir skömmu kom út lagið „Önnur tilfinning” sem féll afar vel í kramið hjá hlustendum. Kilo er vægast sagt mikil snilld sem verður betra og betra með hverri hlustun!

Myndbandið er hrátt og virkilega vel gert og smell passar það laginu sem skapar mjög skemmtilega heild! Verslunarmannahelgin er búin en hey höldum áfram að vera í stuði og hækkið í græjunum og skellið á play!

Baldvin Vernharðs sá um leikstjórn en D.O.P var í  höndum Bryngeirs Vattnes.

The post Rakvélar og klósettið taggað í drasl – Tryllt myndband appeared first on Albumm.