Hljómsveitin GRINGLO var að senda frá sér glænýtt lag og myndband sem ber heitið „Stranger.” Myndbandið er tekið upp á þann 25.júní, á sólríkum degi á Akureyri. Hugmyndin var einföld. Safna saman 60-70 manns, gera litla skrúðgöngu og búa til vinalegt andrúmsloft sem kemur boðskapi lagsins til skila!

„Þetta var hugmynd sem ég var búinn að hafa í hausnum í dálítinn tíma. Ég labba svo oft þennan hluta af Ránargötu með Tuma hundinn minn, enda er þetta ein uppáhalds gatan mín á eyrinni. Mikið af fallegum gömlum húsum og falleg tré allstaðar“ – Ivan Mendez

Að sögn hljómsveitarmeðlima var stemningin á tökudag virkilega góð. Fólk var beðið um að hitta sveitina á Eiðsvelli kl 17. Ekki var erfitt að finna Sveitina en þar beið hún spennt með andlitsmálningu, confetti, sápukúlur, hljóðflæri og 30 gasblöðrur frá Ferro Zink. Segja má að hundurinn Tumi sé aðal innblástur myndbandsins en Ivan Mendez og Tumi ganga oft þessa götu og myndast oft hópur í kringum Tuma enda frábær hundur sem tekur öllum með opnu hjarta.

Tökur stóðu frá kl 17:00 til ca. 19:00 og mætti segja að allt hafi gengið eins og í sögu. Fólkið var afskaplega afslappað og allir tilbúnir að leggja sitt að mörkum. Íbúar Ránargötu voru einning mjög hjálpsamir að skapa líflegt andrúmsloft í götunni á meðan tökum stóð.

„Það var gaman að sjá allt þetta fólk sameinast í garðinum. Fólk sem hefði kanski ekki leitt hesta sína sama ella en lét þó afskaplega vel af vinskap hvors annars. Mér leið eins og hugmyndin hefði komið heim og saman á því augnabliki, það var eitthvað mjög fallegt við þetta alltsaman“ – Ivan Mendez.

Myndbandið skartar þónokkrum kennileitum Akureyrarbæjar. Rauðum hjartalaga götuljósum, trjávöxnum smágötum, þekktum bæjarbúum, Eiðsvelli og bryggjusvæðinu.

Sveitarmeðlimir töluðu um það strax í byrjun að þeim langaði að gera eitthvað jákvætt fyrir bæinn, fanga bæjarandann og sýna smá brot af bænum sínum.

„Hér eru engin ókunnugir. Að sjálfsögðu þekkir maður ekki alla persónulega en maður finnur fyrir samheldni meðal bæjarbúa, og það eru gott að vera partur af slíku.“ – Ivan Mendez.

Lagið er hljóðritað af Sigfúsi Jónssyni en hljómblöndun og eftirvinnsla er unnin af Hauki Pálmasyni. Myndbandið var tekið upp og framleitt af tvíeykinu Bernódusi Óla Einarssyni og Sölva Karlssyni. Leikstýring var einning í þeirra höndum. Listræn stjórnun og handritsgerð: Ivan Mendez Sérstakar þakkir til styrktaraðila (Greifinn, Síminn,Ferro Zink), allra íbúa Ránargötu og síðast en ekki sýst allra þeirra sem mættu!

The post „Hugmyndin kom heim og saman á þessu augnabliki – Eitthvað mjög fallegt við þetta” appeared first on Albumm.

Hjólabrettaskóli Reykjavíkur blæs nú í námskeið fyrir fullorðna en fyrri námskeið hafa svo sannarlega slegið í gegn! Námskeiðin eru fyrir algjöra byrjendur og lengra komna en farið verður yfir undirstöðu hjólabrettisins t.d. hvernig á að standa, ná jafnvægi, ýta sér og ollie (stökkva á brettinu).

Hjólabretti er virkilega skemmtileg og góð hreyfing sem reynir á alla vöðva líkamans. Einnig ýtir hjólabretti undir skapandi hugsun og fær viðkomandi til að vera meira vakandi fyrir umhverfi sínu. Steinar Fjeldsted einn af eigendum Hjólabrettaskóla Reykjavíkur mun sjá um kennsluna en hann hefur um 30 ára reynslu af hjólabrettum og hefur kennt á fjölmörgum námskeiðum með virkilega góðum árangri. Einnig kennir Eyþór Mikael á námskeiðinu en hann hefur starfað hjá skólanum í þrjú og hálft ár og er mikill hjólabrettasnillingur.

Þetta námskeið er fyrir 18 ára og eldri og hefst það þriðjudaginn 14. Ágúst næstkomandi og fer það fram í innanhúsaðstöðu Jaðar Íþróttafélags í Dugguvogi 8. Námskeiðin byrja kl 20:00 og standa til kl 21:30 og er fjóra þriðjudaga í röð. Námskeiðið kostar 10.000 kr og fer skráning fram á hjolabrettaskoli@gmail.com, nafn, símanúmer og kennitala þarf að fylgja skráningu.

The post HJÓLABRETTANÁMSKEIÐ fyrir FULLORÐNA Hefst .14 Ágúst appeared first on Albumm.

Skráning er hafin á næsta námskeið hjá Hjólabrettaskóla Reykjavíkur sem hefst laugardaginn 11. Ágúst. Líkt og á fyrri námskeiðum er það Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiðum í um fimmtán ár. Honum til halds og traust verður hjólabrettakapparnir Eyþór Mikael og Dagur Örn en þeir hafa kennt á hjólabrettanámskeiðum í nokkur ár með afar góðum árangri.

Farið er yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður og Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip.

Á námskeiðinu er hjálmaskilda en einnig eru allir hvattir til að koma með þær hlífar sem viðkomandi á. Nauðsynlegt er að eiga hjólabretti eða mæta á námskeiðið með eitt slíkt.

Námskeiðið fer fram í aðstöðu Jaðar Íþróttafélags í Dugguvogi 8 og byrja þau kl 10:00 og standa til kl 11:30 og eru í fjögur skipti. Námskeiðið kostar 10.000 kr og fer skráning fram á hjolabrettaskoli@gmail.com, nafn og kennitala barns þarf að fylgja skráningu sem og nafn og símanúmer forráðamanns.

Hægt er að sjá nánar um starfsemina okkar hér.

Hlökkum til að sjá ykkur!

The post Skráning er hafin á hjólabrettanámskeið fyrir börn sem hefst 11. Ágúst appeared first on Albumm.

Ljósmynd: Surmelism.

Hljómsveitin Klassart var að gefa út nýtt lag sem ber heitið „Júlí.” Lagið átti upprunalega að koma út á þriðju plötu Klassart Smástirni sem kom út árið 2014 en var ekki klárt í tæka tíð fyrir útgáfu. Fjórum árum seinna var lagið tekið upp hjá Kidda í Stúdeó Sýrlandi og leit svo dagsins ljós á síðasta degi júlímánaðar 2018.

Ljósmynd: Maxime Lelong.

Kristinn Sturluson og Smári Guðmundsson sáu um upptökustjórn og hljóðblöndun. Trommur var í höndum Kristins Sturlusonar. Önnur hljóðfæri: Smári Guðmundsson. Söngur: Fríða Dís Guðmundsdóttir. Upptökur fóru fram í Stúdeó Sýrlandi.

„Júlí“ er tileinkað Særúnu Leu, fallegu systur okkar segja sveitarmeðlimir í lokinn!

Klassart kemur fram á:

Menningarveisla Sólheima. 18. ágúst. kl.14:00.

Sandgerðisdagar. Sagnakvöld. 23. ágúst. kl.20:00.

The post „Júlí er tileinkað Særúnu Leu, fallegu systur okkar“ – Nýtt lag frá Klassart appeared first on Albumm.

Systkinin Sjana Rut og NumerusX eða Alex Már Jó­hannsson eins og hann heitir réttu nafni voru að senda frá sér brakandi ferska EP plötu sem ber heitið Show me your truth. Platan er sú fyrsta sem þau senda frá sér og inniheldur hún 6 lög. Systkinin hafa getið sér gott orð að undanförnu fyrir þétt og grípandi lög og ætti sko enginn að vera svikinn af þessum eðal grip.

Það muna eflaust margir eftir Sjönu úr sjónvarpsþáttunum The Voice en þar var hún í Team Svala og var ítrekað hrósað fyrir söng sinn. Það er greinilegt að tónlistin rennur í æðum þeirra en Show me your truth er afbragðs gripur sem vert er að hlýða á.

Hér fyrir neðan má hjýða á plötuna í heild sinni:

Hér fyrir neðan má sjá myndbandið við titillag plötunnar „Show me your truth“

The post Systkinin Sjana Rut og NumerusX senda frá sér skothelda plötu appeared first on Albumm.

Davíð Már Hafsteinsson eða Icelandiceman eins og flestir þekkja er einn fremsti hjólabrettakappi heims en hann rennur sér iðulega um götur Las Vegas og Los Angeles! Davíð flutti með móður sinni til Las Vegas árið 2001 en hann sá einhvern á hjólabretti í hverfinu sínu á Íslandi og þá var ekki aftur snúið! Davíð er á samningum hjá mjög stórum fyrirtækjum og óhætt er að segja að hann sé að lifa drauminn eins og sagt er!

Albumm.is náði tali af Davíð og vsraði hann nokkrum spurningum um hjólabrettið og lífið en einnig spurðum við hann nokkurra hraðaspurninga!

Hvenær byrjaðir þú á hjólabretti og hvernig kom það til?

Ég byrjaði að skeita þegar ég flutti til Las Vegas árið 2011. Áður en ég flutti til Ameríku sá ég strák skeita á Íslandi og fannst það mjög áhugavert.

Hvað er það við hjólabretti sem heillar þig?

Frelsið!

Þú ert frá Íslandi en hvenær fluttir þú til Ameríku og vernig kom það til?

Ég bjó á Íslandi frá 1990 til 1996 en þá flutti ég til Þýskalands í eitt ár og svo til Skotlands í smá tíma. Árið 1998 var ég kominn aftur til Íslands en þar bjó ég ásamt móður minni. Mamma mín kynntist manni frá Ameríku en hann var búsettur á Íslandi og spilaði körfubolta með KR. Mamma og körfuboltakappinn giftu sig og við fluttum til Las Vegas!

Þú ert ansi vel þekktur í hjólabrettaheiminum! Fyrir hvaða fyrirtæki skeitar þú?

Ég skeita fyrir Canna HempX, Sovrn Skateboards, Adidas skateboarding, Pharmacy Boardshop og Grizzly Griptape.

Hvað er framundan hjá þér og á að kíkja eitthvað til Íslands fljótlega?

Halda jákvæðninni í hámarki og ég væri sko alveg til í að kíkja til íslands og hitta vini og ættingja!

Við spurðum Davíð nokkurra hraðaspurniga:

Uppáhalds trikk? Fakie impossible.

Uppáhalds matur? Úff maður, ég er matarsjúkur! Allt of mikið gott til að nefna aðeins eitt.

Besta skate mynd allra tíma? Alltof margar góðar! Það er svo mikið í gangi online og ég elska að horfa á þetta allt!

Uppáhalds hljómsveit? Ég elska allskonar tónlist! Tame Impala, Xxxtentecion, migos og Emmsjé Gauti svo fátt sé nefnt.

Uppáhalds skeit staður? LA Hight Brick Banks.

Þrjár reglur til að lifa eftir? Vera heiðarlegur, vera jákvæður og aldrei gefast upp.

Trúir þú á gemverur? Já!

Lokaorð: Vona að ég komist til Ílands mjög bráðlega!

Fylgist með IcelandIceman á Instagram

The post Á fleygiferð í USA – Icelandiceman orðið þekkt nafn! appeared first on Albumm.

Tónlistarmaðurinn Markús Bjarnason (Markús & The Diversion Sessions, Stroff, Skátar, Sofandi) er með nýtt verkefni í burðarliðnum sem kallast Markús og Alkemistarnir. Þar eru íslenskir textar í fyrirrúmi en hljómsveitin samanstendur af kjarnahrynsveit og ýmsum gestaspilurum.

Sveitin var að senda frá sér tvöfaldan singul sem ber heitið „Seinasta tegundin.” Lagið var tekið upp á vormánuðum í Keflavík í Stúdíó Lubbi Peace af Inga Þór Ingibergssyni. „Seinasta tegundin” er dúett en auk Markúsar syngur Elín Elísabet Einarsdóttir.  

Ási Þórðarson spilar á trommur, Ingvi Rafn Björgvinsson á rafbassa og Markús spilaði á ryþmagítar. Fjölda gesta komu og spiluðu inn og má þar til dæmis nefna Kristján Hrannar Pálsson á píanó, Arnór Brynjar Vilbergsson á orgel, Örn Ingi Ágústsson á rafgítar, Ingi Þór upptökustjórinn hristi tamborinu og hristur.

Á sömu plötu má einnig finna lag sem ber heitið „Eldurinn” en það er akústíska lagið á plötunni. „Eldurinn” var tekið upp í lítilli kirkju í Höfnum af Gísla Kristjánssyni.

Haraldur Ægir Guðmundsson spilar á kontrabassa, Höskuldur Eiríksson á slagverk, Sigrún Kristbjörg Jónsdóttir á fiðlu ( smávíólu )  og harmonikku. Í bakröddum voru Kristín Björk Kristjánsdóttir a.k.a. Kira Kira, Elín Elísabet Einarsdóttir, Marteinn Sindri Jónsson, Ari Frank Inguson og  Katrin Hahner a.k.a. Miss Kenichi.

The post ýmsir gestaspilarar og Íslenskir textar í fyrirrúmi appeared first on Albumm.

Tónlistarmaðurinn Arnar Úlfur oft kenndur við hljómsveitina Úlfur Úlfur var að senda frá sér sína fyrstu sóló plötu en hún ber heitið Hasarlífsstíll. Arnar er einn flottasti rappari landsins og er þessi plata vægast sagt tryllt! Góðir gestir koma fyrir á plötunni og má þar t.d nefna Sölku Sól og Kött Grá Pjé svo sumt sé nefnt.

The post Arnar Úlfur sendir frá sér sína fyrstu sólóplötu – Hækkið í botn! appeared first on Albumm.

Tónlistarmaðurinn Arnór Dan sendi í dag frá sér sitt fyrsta sóló lag og myndband en það ber heitið „Stone By Stone.” Margir þekkja Arnór úr hljómsveitinni Agent Fresco en Arnór hefur skapað sér sess sem einn fremsti söngvari þjóðarinnar!

„Stone By Stone” er margþrungið listaverk hlaðið tilfinningum og óaðfinnanlegum söng. Lagið er gert í samvinnu við snillingana Janus Rasmussen (Kiasmos) og Sakaris Emil Joensen en allt sem þeir koma nálægt verður að gulli!

Árið 2016 hlaut Arnór Íslensku Tónlistarverðlaunin fyrir söngvari ársins fyrir plötuna Destrier með hljómsveitinni sinni Agent Fresco. Arór hefur komið víða við á viðburðarríkum ferli og hefur rödd hans ratað í fjölmörg verkefni. Kappinn vann með tónlistarmanninum Ólafi Arnalds að tónlistinni í sjónvarpsþáttunum Broadchurch en fyrir það hlaut Ólafur Bafta verðlaunin. Einnig kom Arnór ásamt Agent Fresco,Yoko Kanno og Hugar að tónlistinni í japönsku teiknimyndinni Zankyou No Terror svo sumt sé nefnt.

Myndbandið er virkilega flott og vel unnið og smell passar það laginu en þar má sjá tvær huldu manneskjur, einangraðar frá hvor annarri umvafðar íslenskri náttúru!

The post Margþrungið listaverk hlaðið tilfinningum – Arnór Dan og fyrsta sóló lagið! appeared first on Albumm.

Tónlistarkonan og samfélagsmiðlastjarnan Camilla Rut sendi fyrir skömmu frá sér lagið „Love Yourself” en það hefur verið að fá glimrandi viðtökur! Camilla er afar vinsæl á bæði Instagram og Snapchat en þar er hægt að fylgjast með öllu því skemmtilega sem hún tekur sér fyrir hendur.

Camilla Rut hlustar mikið á tónlist og skellti hún í eitt stykki playlista fyrir okkur! Óhætt er að segja að listinn sé ansi þéttur og mun hann klárlega rífa upp stemninguna hvar sem er!

Hér fyrir neðan er hægt að hlýða á playlistann hennar í heild sinni:

Instagram

The post Á hvað er Camilla Rut að hlusta? appeared first on Albumm.

Hljómsveitin PORT sendi á dögunum frá sér sitt fyrsta tónlistarmyndband en það er við lagið „The Night.” Lagið er tekið að EP plötunni Night Music sem er væntanleg á næstunni.  

Sveitarmeðlimir lýsa tónlist sinni sem blöndu af Minimal wave, Goth og Alternative og Rokk. „The Night” er eitursvalt, hlaðið grípandi og draumkenndum laglínum sem smeygja sér rólega inn í undirmeðvitundina!

The post PORT Smeygir sér rólega inn í undirmeðvitundina – Eitursavlt og grípandi appeared first on Albumm.

Fyrr í sumar sendi tónlistarmaurinn Snorri Hallgrímsson frá sér sína fyrstu sóló plötu en hún ber heitið Orbit.. Lagið „Homeless“ hefur fengið yfir 17.þúsund hlustanir á youtube sem telst afar gott! Snorri hefur unnið í nánu samstarfi við Ólaf Arnalds síðustu árin en Orbit er hans fyrsta sóló plata í fullri lengd.

Snorri er tónskáld og framleiðandi (producer) menntaður í klassískum gítarleik og lauk BA-námi í tónsmíðum frá LHÍ árið 2013. Síðar lauk kappinn MA-námi í kvikmyndatónsmíðum frá Berklee College of Music í Valencia á Spáni árið 2014. Eftir nokkura ára búsetu á Spáni og í Mexíkó snéri Snorri aftur til Íslands. Sama ár skrifaði hann undir plötusamning við kanadíska útgáfufyrirtækið Moderna Records, sem sér um útgáfu plötunnar.

Orbit byggir á klassískum bakgrunni Snorra, en við bætast áhrif af raf, kór og kvikmyndatónlist. Útkoman er magnþrungin blanda af tregafullum strengjum, bjöguðum raftrommum, látlausum píanóum og brothættri söngrödd Snorra. Platan var að mestu leyti tekin upp í hljóðveri Ólafs Arnalds í Reykjavík en einnig gegnir stóru hlutverki 25 manna strengjasveitin Budapest Art Orchestra.

Lögin á plötunni Orbit fjalla um þær áskoranir og tilfinningar sem fylgja því að flytja á milli mjög ólíkra staða. Frá sólinni í Mexíkó til hinna löngu vetrarnótta á Íslandi. Orbit er einnig um fólkið sem verður á vegi manns á slíkum ferðalögum, og þann ljúfsára söknuð sem hellist yfir þegar ferðinni er haldið áfram. Hugtakið “heima“ verður stöðugt óskýrara, og í stað þess kemur sporbaugur sem Snorri ferðast á frá einum stað til annars.

Þó Orbit sé fyrsta sólóplata Snorra þá hefur tónlist hans slípast í gegnum margra ára reynslu af kvikmyndatónsmíðum. Þar má nefna tónlist við fjölmargar stuttmyndir, heimildaþáttaröðina Travel Global Think Local og heimildamyndina Out Of Thin Air.

Snorri hefur einnig unnið náið með tónlistarmanninum Ólafi Arnalds í mörg ár, og vann m.a. við plötur hans The Chopin Project og Island Songs, sem og bresku sjónvarpsþáttaraðirnar Electric Dreams og Broadchurch, sem Ólafur hlaut BAFTA-verðlaun fyrir árið 2014.

Snorri blæs til heljarinnar útgáfutónleikar á Húrra þann 15.ágúst næstkomandi. Snorri fer síðan í tónleikaferðalag um Evrópu í haust. Á tónleikunum 15.ágúst verður platan flutt í heild sinni í nýrri útsetningu en með Snorra á sviðinu verða eftirfarandi hljóðfæraleikarar:

Sigrún Hardardóttir – fiðla, Björk Óskarsdóttir – fiðla, Karl James Pestka – víóla, Þórdís Gerður Jónsdóttir – selló, Drew Redman – synthesizer.

Hægt verður að kaupa plötuna á staðnum og hér er hægt að hlusta á Orbit í fullri lengd á fanlink.to/orbit 

Tónleikarnir hefjast kl. 21:00 og er miðaverð 2.500kr, einungis selt við hurð.

The post Ljúfsár söknuður þegar ferðinni er haldið áfram – Fyrsta sóló platan í fullri lengd appeared first on Albumm.

Fyrir skömmu sendi hljómsveitin, HYOWLP, frá sér sína aðra smáskífu. Lagið kallast „Forgetful Halos“ og fylgir eftir fyrsta lagi sveitarinnar, „Afterglow.“

Afterglow hefur hlotið mikla spilun á bæði Rás 2 og X-inu frá því að það kom út í lok apríl á þessu ári auk þess sem lagið vakti athygli bandarísku útvarpsstöðvarinnar KEXP í Seattle. Plötusnúðar stöðvarinnar völdu lagið meðal annars sem lag dagsins og færðu lagið í hóp þeirra laga sem þykja einna heitust um þessar mundir.

Forgetful Halos er viðkvæmara systkini Afterglow og er þar keyrt á rólegheitum, trega og efa og sýnir hljómsveitin á sér einhverja nýja hlið en áður. Hjalti Steinn, annar helmingur hljómsveitarinnar, samdi taktinn upp úr steinaglamri í hellismunna og náttúruhljóðum fyrir talsvert löngu síðan. Lagið er svo samið af honum og hinum helming sveitarinnar, Daníel Hjálmtýssyni í sumarbústað þess fyrrnefnda á myrkri og þokufylltri sumarnótt í júlí. Forgetful Halos er auk þess skreytt með gítarplokki og ævafornri píanó hörpu sem gefur því ákveðið yfirbragð sem sveitin sækir í. Öðruvísi en kunnuglegt.

Lagið var tekið upp í Hljóðverki hjá Einari Vilberg Einarssyni en Einar sá einnig um upptökur á frumburði sveitarinnar, Afterglow. Einar hljóðblandaði auk þess báðar útgáfur sveitarinnar og lék á bassagítar í henni fyrri.

Forgetful Halos er komið út á öllum helstu streymisveitum heims. Von er á enn frekari útgáfu frá HYOWLP en hljómsveitin vinnur nú að því að undirbúa tónleikahald og stærri útgáfu.

The post Samdi taktinn upp úr steinaglamri og náttúruhljóðum appeared first on Albumm.

Samtök Íslenskra Handverksbrugghúsa halda sína fyrstu bjór og brugghátíð í samstarfi við Bryggjuna Brugghús á Menningarnótt. Hátíðin fer fram úti á bryggjunni við Vesturbugt og taka 11 handverksbrugghús þátt í þetta sinn og kynna sig og sínar vörur fyrir gestum og gangandi. Þetta er kjörið tækifæri til að kynnast íslensku handverki og spjalla við sérfræðinga á sviðinu um hina öru þróun íslenskrar bjórmenningar síðustu ár.

Frítt er inn á hátíðina og gefst gestum tækifæri á að versla beint af hverju brugghúsi en auk þess verður hægt að kaupa klippikort í takmörkuðu upplagi og með því fylgir sérmerkt glas. Klippikortið veitir frítt smakk frá hverju brugghúsi og rennur allur ágóði til samtakanna.

Hátíðin hefst klukkan 13:00 og stendur til 19:00.

Þáttakendur eru:

Bryggjan Brugghús

Bastard Brew and Food

Beljandi

Bruggsmiðjan Kaldi

Dúkkan Brugghús

Eimverk Distillery

Gæðingur

Malbygg

RVK Brewing Co.

The Brothers Brewery

Ægir Brugghús

Hér er hægt að kíkja nánar á facebook viðburðinn.

The post Samtök Íslenskra Handverksbrugghúsa halda sína fyrstu bjór og brugghátíð appeared first on Albumm.

Raf­tón­list­ar­dúóið KAJAK frá Reykja­vík hafa verið duglegir að pródúsa nýja tónlist. Hljóm­sveit­in hefur nú gefið út nýja smá­skífu sem nú er hægt að nálg­ast á Spotify ásamt öðrum tónlistarveitum. Lagið „Shine“ er skemmtilegur og sólríkur sumarslagari sem kemur manni í góðan fíling.

„Við vorum að vonast eftir því að draga fram sólina úr felum með nýju smáskífunni „Shine.” Það virðist hafa virkað eitthvað aðeins og vonandi hellist sólskinið yfir okkur núna.“ – Hreinn Elías­son og Sig­ur­mon Hart­mann Sig­urðsson um ástæður fyrir nafni lagsins.

KAJ­AK hef­ur verið líkt við sveit­ir á borð við Miike Snow, MGMT og The Kni­fe. Tón­list­in inni­held­ur skemmti­legt frum­byggja popp sem iðar af lífi og lög­in eru dansvæn og gríp­andi en búa einnig yfir ákveðinni dýpt og dulúð. Þessa stund­ina eru þeir Hreinn og Sig­ur­mon að leggja loka­hönd á fjölda smáskífna sem koma út á næstu mánuðum.

Hægt er að fylgj­ast með Kaj­ak á Face­book og Instagram síðum sveit­ar­inn­ar sem og á kajakmusic.com

The post Vonast eftir því að draga fram sólina úr felum appeared first on Albumm.

Tónlistarmaðurinn Ari Árelíus eða Ari Frank Inguson eins og hann heitir réttu nafni var að senda frá sér EP plötuna Emperor Nothing og er þetta fyrsta platan hans en hann semur öll lög og texta ásamt því að spila á gítar og syngja.

Áður hafa tvö lög af plötunni heyrst á Rás tvö og komist þar á vinsældarlista. Platan á sér rúman tveggja ára aðdraganda, fyrsta laginu var púslað saman í skúr í Kópavogi og bættust svo fleiri lög við í gegnum mánuðina. Hljóðfæraleikarar á plötunni stunda allir nám í MÍT og áður í FÍH tónlistarskóla.

Lögin á Emperor Nothing eru samsuða úr ólíkum áttum. Heyra má djasskotna hljóma, suðræna trommutakta, sálarskotnar söng- og brasslínur ásamt því að það glittir í raftónlistar áhrif. Textarnir flakka á milli þess að vera tilvistarlegar vangaveltur um ást og missi yfir í það að vera ádeila á samfélagið með skvettu af súrrealisma.

Nálgast má plötuna rafrænt á spotify og bandcamp en einnig mun hún vera fáanleg á vínyl í mjög takmörkuðu upplagi og á cd. Þeir sem hafa áhuga á að versla gripinn er bent á Ariarelius.badcamp.com 

Daníel Sigurson útsetti öll blásturshljóðfæri ásamt því að leika á trompet. Magnús Skúlason leikur á trommur, Snorri Skúlason á bassa, Matthías Péturson á hljómborð og hljóðgervla og Matthías Birgisson á baritón saxófón. Ragnar Jónson sá um hljóðblöndun og hljómjöfnun

The post Fyrsta laginu var púslað saman í skúr í Kópavogi appeared first on Albumm.

Fimmtudagskvöldið 23. ágúst verða næstu tónleikar í tónleikaröðinni KÍTÓN Sumar í Hannesarholti. Tónleikarnir hefjast kl. 20.00 og er miðaverð 3000 kr og er nú komið að hljómsveitinni Grúska Babúska

Hljómsveitin Grúska Babúska var stofnuð árið 2012 og hefur lengi vel verið fjölmennur listhópur. Nýlega hafa þó fjórar konur tekið við kjarnanum en þær eru: Harpa Fönn Sigurjónsdóttir, Dísa Hreiðarsdóttir, Íris Hrund Þórarinsdóttir og Erla Stefánsdóttir. Hljóðfæri Grúsku Babúsku samanstanda af röddum, syntha, gítar, bassa, píanó, melodicu, fiðlu,flautu, spiladós, trommu, töktum og slagverkum auk annara takt og hljóðtækja. Tónlistin færir áhorfandann og hlustandann inn í draumheim, oft gáskafullan og barnslegan, en á sama tíma dimman og þrunginn alvarleika. Nýjasta plata sveitarinnar er væntanleg á vegum Möller Records haustið 2018.

Lögin verða útsett í akústík sérstaklega fyrir tónleikana. Boðið er uppá kvöldverð í Hannesarholti í sumar alla fimmtudaga, föstudaga og laugardaga við lifandi píanótónlist. Borðapantanir í síma 511-1905 og á hannesarholt@hannesarholt.is

Miðasala fer fram á tix.is

The post Sumar í Hannesarholti – Grúska Babúska tekur sviðið appeared first on Albumm.

Tónlistarkonan Saga Nazari var að senda frá sér brakandi ferskt lag og myndband sem ber heitið „Don’t Gotta Be Real.” Saga túlkar lagið á mismunandi hátt en aðal viðfangsefnið er um samband hennar við eiturlyf. Fyrir ellefu mánuðum útskrifaðist Saga úr áfengis og fíkniefnameðferð eftir sjö ára neyslu!

Ég hef lengi haft áhuga á að skrifa texta en hef aldrei lagt í að gefa út tónlistina mína, fyrr en nú! – Saga Nazari.

Saga er að vinna í svokölluðu “Mixteipi” og er það væntanlegt fyrr en seinna. „Ég sem texta sem eru ekta hvort sem það er um hvernig Lífið mitt var eða hvernig það er í dag segir Saga að lokum.

The post Sjö ár í neyslu – „Hef aldrei lagt í að gefa út tónlistina mína“ appeared first on Albumm.

Það verður heljarinnar stuð á Prikinu í kvöld en þar munu veglegir tónleikar eiga sér stað! Fram koma Dadykewl og Seint en nýlega komu út breiðskífur frá báðum verkefnum! Ekki nóg með það heldur mun hinn ungi og upprennandi trappari Trausti opna kvöldið!

Herlegheitin byrja stundvíslega kl 21:00 og er búist við trylltri stemningu!

The post Seint, Dadykewl og Trausti trylla lýðinn á Prikinu í kvöld appeared first on Albumm.

„Drasl“ er nýtt lag frá Sveini Guðmundssyni sem er hægt og rólega að taka upp nýja plötu. Búið er að taka upp fimm lög og áætlað er að taka upp fimm í viðbót. Fyrr á árinu gaf Sveinn út lagið „Húð og hár“ en upptökur fara fram í Aldingarðinum undir stjórn Magnúsar Leifs Sveinssonar.

„Drasl“ fjallar um óreiðu af ýmsum toga, þegar allt er út um allt, í höfði jafnt sem vistarverum og það þarf að taka til, vaska upp, lofta út, ryksuga og raða öllu saman upp á nýtt. Lagið varð til fyrir nokkrum árum er Sveinn áttaði sig á því að ástand eigna og hugarástand hans var það sama, allt í drasli.

Sveinn hefur einbeitt sér að upptökum það sem af er árinu en mun koma fram á Melodica Festival sem fer fram á Kex Hostel 24-26. ágúst. Á hátíðinni koma fram innlent og erlent tónlistarfólk en hátíðin er haldin árlega víða um heim.

Lagið má finna á Spotify og Youtube en kemur út á föstu formi er platan verður klár.

The post Óreiða af ýmsum toga og allt út um allt appeared first on Albumm.