Dúettinn Love & Fog var að senda frá sér sína fyrstu plötu en hún ber heitið Army of Lovers. Platan er stútfull af angurværum indí-rafpopp smellum sem fjalla flestir um ástina, eins og nafn hljómsveitarinnar og plötunnar gefur til kynna.

Love & Fog var stofnuð árið 2011, á grunni power-popp tríósins Dynamo Fog. Dúettinn er skipaður þeim Axel Flex Árnasyni sem leikur á bassa og syngur og Jóni Þór Ólafssyni sem leikur á gítar og syngur. Þeir semja öll lög og texta plötunnar í sameiningu. Axel sér um alla forritun og hljóðvinnslu en kapparnir stjórna upptökum saman. Platan var öll samin og hljóðrituð í hljóðveri Axels, Studio ReFlex á Hólmaslóð í Reykjavík.

Samstarf Axels og Jóns Þórs hófst árið 2007 þegar Axel stjórnaði upptökum á hljómplötu hljómaveitarinnar Lada Sport sem Jón var meðlimur í. Þeir hafa alltaf náð ansi vel saman og hafa ansi líkar hugmyndir um það hvernig tónlist þeirra á að hljóma. Þrátt fyrir að það hafi gengið á ýmsu á Dynamo Fog árunum, vissu þeir að leiðir þeirra myndu liggja saman aftur. Að sögn þeirra félaga hefur ferlið við gerð þessarar plötu einkennst af ást og virðingu, í bland við gáskafulla gleði og stuð. Þeir stefna á að halda útgáfufagnað við tækifæri en hann verður auglýstur síðar. Platan mun koma út stafrænt á spotify, en einnig í mjög takmörkuðu vínyl upplagi, sem má nálgast með því að hafa samband við hljómsveitina í gegnum póstfangið: loveandfogmusic@gmail.com.

The post Ást og virðing í bland við gáskafulla gleði og stuð appeared first on Albumm.

Fyrir skömmu sendi hljómsveitin Baggalútur frá sér lagið „Sorrí með mig.“ Lagið er eftir Braga Valdimar Skúlason. Guðmundur Pálsson og Karl Sigurðsson flytja lagið ásamt fríðu föruneyti.

Nokkru fyrir útgáfudag var laginu dreift á nótum í gegnum hinn svokallaða „veraldarvef“ svo að fólk gæti áttað sig á verkinu, lært textann og jafnvel raulað laglínuna fyrir munni sér. Hægt er að nálgast textann og nóturnar á vefnum Baggalutur.is

Lagið var tekið upp í Hljóðrita í Hafnarfirði í júlímánuði 2018 undir stjórn Guðmundar Kristins Jónssonar. Lóa Hlín Hjálmtýsdóttir myndskreytti! Skellið á play og njótið lífsins. 

Lagið má einnig fynna á Spotify.

The post Ljúfir tónar frá Baggalút – „Sorrí með mig“ appeared first on Albumm.

Tónlistarmaðurinn Haki var að gefa út sitt fyrsta lag en það ber heitið „Know-Wassup. Haki, sem er aðeins 16 ára gamall er stanslaust að búa til tónlist samhliða náminu sem hann stundar við Menntaskólann við Hamrahlíð.

Mikið er um að vera hjá kappanum og búast má við slatta af ferskum lögum í náinni framtíð! Einnig er Haki að vinna í myndbandi fyrir sitt nýjasta lag. Haki sá um útsetningu, textagerð.  Wonayd (Óðinn Arnarsson) sá um að mixa lagið.

The post 16 ára og semur tónlist samhliða náminu – Nóg framundan! appeared first on Albumm.

Fyrir skömmu sendi tónlistarkonan Hekla frá sér myndband við lagið „Ekki Er Allt Gull Sem Glóir” en lagið er tekið af plötunni Á. Þann 14. September næstkomandi kemur platan út á 180 gramma vínyl og á öllum helstu streymisveitum heimsins!

Tónlist Heklu má lýsa sem Minimal Sci-Fi en öll platan er byggð einungis á theremini og röddum.

Myndbandið var leikstýrt af Loga Hilmarssyni á leynistað í Hveragerði og er undir áhrifum af myndum eftir Georges Méliès og Faust eftir F.W.Murnau. Logi hefur leikstýrt fjölda myndbanda síðan árið 2010 og vann hann myndband ársins 2016 á Northern Wave hátíðinni.

Heklaheklahekla.com

The post Minimal Sci-Fi, theremin og raddir – Myndband appeared first on Albumm.

Tónlistarmaðurinn Króli var að senda frá sér glænýtt og brakandi ferskt lag sem ber heitið „Tvö Pör.” Áður hefur Króli ekki mikið notast við blót í sínum lögum en hér kemur orðið fokk (eins og svo oft áður í rapplögum) ansi oft fyrir sem að okkar mati er í góðu lagi! „Tvö Pör” er virkilegur “banger” með grípandi viðlagi og gaman er að hlýða á textann því hann er virkilega góður!

Wonayd sem hefur unnið talsvert eð Króla að undanförnu smíðaði taktinn í umræddu lagi og er hann ansi þéttur! Ekki hika við að skella á play og njóta!

The post Króli og Wonayd í trylltum gír – rappar um skó í glænýju lagi! appeared first on Albumm.

Eftir vel heppnaða fyrstu útgáfu sína árið 2016 og margar tónleikaferðir um Evrópu og Bandaríkin snýr Júníus Meyvant aftur með nýja breiðskífu, Across The Borders sem kemur út þann 9. Nóvember næstkomandi.

Across The Borders var hljóðrituð hér á landi í Hljóðrita í Hafnarfirði en Guðmundur Kristinn Jónsson (Kiddi Hjálmur) var á tökkunum og sá um hljóðblöndun.

Fyrsta lagið sem við fáum að heyra af nýju plötunni ber heitið „High Alert” og er hér er á ferðinni afar upplífgangi síðsumar smellur sem sýnir nýja hlið á Júníusi.

„Upphafið að þessu lagi hófst þegar ég var að gutla á gítarinn við trommulúppu úr gömlu hljómborði. Út kom þetta gítarriff og þetta rokklag. Síðar bættist við þessi 70’s kvikmyndabrass lína“ Júníus Meyvant.

Júníus Meyvant mun koma fram á Iceland Airwaves hátíðinni í Nóvember hér á Íslandi. Þá er á dagskrá að kynna nýju plötuna hér heima sem ytra en stærri tónleikaferðir hans munu ekki hefjast fyrr en snemma á næsta ári.

Juniusmeyvant.com

The post Júníus Meyvant á blússandi siglingu – nýtt lag og plata væntanleg appeared first on Albumm.

Hljómsveitin The Vintage Caravan sendir í dag frá sér plötuna Gateways en einnig var að koma út frábært myndband við lagið „Reset.” The Vintage Caravan er svo sannarlega á góðri siglingu um þessar mundir en sveitin hefur spilað gríðarlega mikið erlendis seinustu fjögur ár, leikið á mörgum stærstu rokk hátíðum Evrópu (Roskilde, Wacken, Hellfest, Graspop, Montreux Jazz Festival).

Drengirnir blása til heljarinnar útgáfutónleika í Iðnó í kvöld og verður platan flutt í heild sinni með hjálp aukahljóðfæraleikara sem komu við sögu í upptökuferlinu. Öllu verður til tjaldað og búist er við trylltri stemningu að hætti sveitarinnar! Rúmlega mánuði eftir hljómleikana í Iðnó mun sveitin leggja í mánaðar langt tónleikaferðalag um Evrópu! Freyr Árnason leikstýrði myndbandinu.

Tónleikarnir hefjast stundvíslega kl 20:00 og hægt er að nálgast miða á Tix.is

Hægt er að nálgast plötuna á Spotify

Thevintagecaravan.eu

The post Plata, myndband og heimsyfirráð – The Vintage Caravan rokka um heiminn! appeared first on Albumm.

Tónlistarmaðurinn Helgi Kristjánsson var að senda frá sér sína fyrstu breiðskífu en hún ber heitið Skýjabönd. Þótt Skýjabönd sé hans fyrsta plata þá hefur hann svo sannarlega komið víða við og lamið húðir með hljómsveitum eins og One Week Wonder, Hugar, Ásgeiri og fleiri! Helgi segir plötuna vera uppgjör til fyrra lífs og ef hann ætti að lýsa plötunni í einni setningu væri það Ljóðrænt, tilfinningalegt ferðalag.

Albumm.is náði tali af Helga og svaraði hann nokkrum skemmtilegum spurningum.

Þú hefur komið víða við í tónlistinni, hvað er það við tónlistina sem heillar þig og hvaðan sækir þú innblástur fyrir þína tónlistarsköpun?

Ég hef sótt minn innblástur auðvitað frá öðrum tónlistarmönnum sem ég heillast af og lít upp til. Líka allri þeirri tilfinningalegu veðráttu sem maður ferðast í gegnum í lífinu. Mér finnst ég oft þurfa gera tilfinningum skil í gegnum tónlistina, það hjálpar mér líka að vinna úr alls kyns flækjum. Tónlistin hefur alltaf virkað á mig sem geggjuð sálarmeðferð. Bæði þegar ég skapa hana og þegar ég hlusta.

Þú hefur lamið húðir með all mörgu tónlistarfólki, hvað fékk þig til að ráðast í þitt eigið verkefni?

Þetta er eitthvað sem var búið að krauma lengi innra með mér og leið mér alltaf eins og það væri bara tímaspursmál hvenær ég myndi ráðast af stað í eigið verkefni. Svo ákvað ég það fyrir ári síðan að ég skyldi leggja allar mínar vakandi og sofandi stundir í þessa plötu. Í dag myndi ég ekki skilgreina mig sem einhvern einn ákveðinn hljóðfæraleikara, en þetta eru allt verkfæri sem ég nota til þess að smíða heildarverkið.

Platan Skýjabönd kemur út í dag 31. Ágúst,  er hún búin að vera lengi í vinnslu?

Platan er búin að vera í vinnslu frá því í ágúst í fyrra, þannig að þetta ferli tók akkúrat ár frá byrjun til enda. Eitt lagið var að vísu tekið upp 2016, en ég heimsótti það aftur í ferlinu í ár.

Hvernig mundir þú lýsa plötunni í einni setningu?

Ljóðrænt, tilfinningalegt ferðalag.

Þú vinnur náið með tónlistarmanninum Ásgeiri Trausta, hvernig kom það samstarf til?

Það var eiginleg tilviljun að við Ásgeir kynntumst, en við vorum báðir ráðnir í sömu hljómsveit árið 2012 sem var stofnuð til þess að taka þátt í músíktilraunum. Hún hét The Lovely Lion. Á fyrstu æfingunni small eitthvað okkar á milli og höfum við síðan þá lesið hvorn annan eins og opna bók í tónlistinni og orðið mjög góðir vinir í kjölfarið.

Hvað er framundan hjá þér og eitthvað að lokum?

Það verða útgáfutónleikar í Bæjarbíói 3. október og svo komum við fram líka fram á Airwaves. Það hefur myndast ótrúlega hæfileikaríkur hópur sem ætlar að gera tónlistinni góð skil á sviðinu. Ég vil líka þakka öllum þeim sem hafa komið að þessu verkefni á einn eða annan hátt!

The post „Þetta er eitthvað sem var búið að krauma lengi innra með mér“ appeared first on Albumm.

Í dag verður heljarinnar stuð í plötuverslunni 12 Tónum (Skólavörðustíg 15) en þar verður blásið til tónleika! Tónleikarnir bera heitið Evróputónar og er þetta fyrsta geimið af mörgum. Pálsson Hirv dúettinn og JFDR ríða á vaðið og byrja herlegheitin kl 17:00!

Tónleikaröðin minnir á mikilvægi Evrópu fyrir íslenska tónlistarmenn, þar sem margir þeirra búa og læra, gefa út sitt efni og halda tónleika.

„Í áranna rás hafa tónlistarmenn og stefnur frá meginlandi Evrópu auðgað íslenskt tónlistarlíf og menningu. Nú er íslenskt tónlistarfólk í sívaxandi mæli farið að gera sig gildandi á meginlandinu og víðar. Það er tilvalið að minnast þessa samtals á föstudaginn í frábæru plötubúðinni við Skólavörðustíg,“ segir sendiherrann.“

Sendinefnd Evrópusambandsins styður við tónleikana og mun sendiherra ESB, Michael Mann, ávarpa samkomuna stuttlega.

The post minnum á mikilvægi Evrópu fyrir íslenskt tónlistarfólk – Evróputónar í 12 Tónum appeared first on Albumm.

Í dag sendir tónlistarmaðurinn Teitur Magnússon frá sér glæsilegt myndband við lagið „Bara Þú” en lagið er tekið af plötunni Orna sem kom út fyrir stuttu. Myndbandið er virkilega skemmtilegt fangar það stemningu lagsins á fullkominn hátt. Sigurður Unnar Birgisson sá um Framleiðslu, kvikmyndatöku, leikstjórn og klippingu.

Mér var í mun að fanga samskonar tón og ég upplifði í laginu sem ég sé sem óðs til einverunnar. Einveran á sér margar myndir. Mér fannst áhugavert að skoða eirð í einverunni. Hvað er til bragðs að taka til að finna þolinmæði fyrir eirðinni? – Sigurður Unnar Birgisson.

Faðir leikstjórans var fenginn til að leika í myndbandinu og fans honum  ekkert mál að vera fyrir framan myndavélina. Hann er fyrirferðarmikil persóna í lífi leikstjórans og hugmyndagátt og óhætt er að segja að hann hafi staðið sig með eindæmum vel.

Teitur Magnússon blæs til heljarinnar tónleika í dag í plötuversluninni Lucky Records á Rauðarárstíg og byrjar fjörið stundvíslega kl 14:00. Einnig ætlar tónlistarmaðurinn að fagna útkomu plötunnar með tónleikum í Iðnó þann 12. Október næstkomandi.   

Einnig kemur lagið út ásamt “remixi” á spotify

The post Hvað er til bragðs að taka til að finna þolinmæði fyrir eirðinni? appeared first on Albumm.

Tónlistarmaðurinn Daði Freyr var að senda frá sér glæsilega vínylplötu en hún inniheldur fimm lög og ber heitið Næsta Skref. Daði hefur sungið sig inn í hjörtu landsmanna með lögum eins og „Hvað með það” og „Skiptir ekki máli” svo sumt sé nefnt. Næsta Skref er virkilega frábært í alla staði og er útlit plötunnar og auðvitað tónlistin til fyrirmyndar! Daði blæs til heljarinnar tónleika á Prikinu næstkomandi föstudagskvöld en eins og Daði orðar það þá hefur hann litlar áhyggjur af því að það verði leiðinlegt!

Albumm náði tali af Daða og svaraði hann nokkrum léttum spurningum um plötuna og tónleikana.

Nú er plata þín Næsta Skref komin út á vínyl. Afhverju langaði þig að gefa hana út á vínyl og hvað er það við vínylinn sem heillar þig?

Þetta er í annað skiptið sem ég gef út plötu á vínyl. Í fyrra skiptið var það platan Mixophrygian, hún kom út árið 2015 en þá var ég ennþá að koma fram undir nafninu Mixophrygian. Ástæðan fyrir því að ég er að gefa út vínyl er helst sú að ég vil að fólk geti átt raunverulegt eintak. Ég safna sjálfur vínylplötum og sá ekki tilgang í að gefa út geisladisk þar sem mér finnst það vera of líkt upplifuninni þegar maður notar streymisveitur. Þetta er stutt plata (bara 5 lög) svo hún verður á 10” vínyl með 45 rpm. Svo er platan sjálf hvít, svaka fansí.

Hvar getur fólk nálgast plötuna og kemur hún í takmörkuðu upplagi?

Til að byrja með verður hún einungis fáanleg hjá mér.(hafið samband við Daða á Facebook síðu hans)  Ég veit ekki hversu mikið hún á eftir að vera fáanleg í búðum, kannski sel ég hana eingöngu sjálfur? Ég er ekki alveg búinn að ákveða hvernig það verður gert. Hún var gerð í 300 eintökum.

Þú ert að blása til heljarinnar tónleika á Prikinu föstudaginn 7. September. Á ekki að tjalda öllu til og við hverju má fólk búast?

Þetta verður vonandi bara eitt gott partý! Ég mun spila allskonar músík, bæði af plötunni og ekki. Ég veit sjálfur ekki alveg við hverju ég á að búast, hvernig tónlistin mun passa inni á Prikinu en ég hef litlar áhyggjur af því að það verði leiðinlegt. Ljósvaki mun sjá um upphitun, hann flýgur frá Berlín sama dag og brunar beint inn á Prik.

Hvað er framundan hjá þér og eitthvað að lokum?

Ég er fluttur aftur út til Berlínar með Árnýju Fjólu. Hér ætla ég að vinna meira að tónlist. Ég er að vinna í nokkrum hlutum sem ég er mjög spenntur fyrir en það kemur allt í ljós með tímanum. Svo kem ég reglulega til Íslands til að spila á tónleikum.

The post Hvít og svaka fansí: „Ég hef litlar áhyggjur af því að þetta verði leiðinlegt” appeared first on Albumm.

Tónlistarmaðurinn Andri BG sendi frá sér lagið „Leika“ fyrr á þessu ári en út var að koma glæsilegt myndband við lagið! Midnight Mar leikstýrði myndbandinu og er útkoman vægast sagt glæsileg!

„Það var lagt mikla vinnu í þetta myndband, enda er þetta geðveikt flott. Þetta tók allt nokkra daga og var margt gert fyrir myndbandið. Við fengum glænýjan Subaru BRZ bíl sem er notaður í myndbandinu. Einnig var farið í Hvalfjörðinn og var tekið upp á mjög mörgum stöðum þar. Þetta var ógeðslega gaman og þetta er eitthvað sem ég mun gera oftar!“ Andri BG

Andri segir að hann vildi prófa að gera eitthvað öðruvísi og grípandi en lagið „Leika“ er blandað af Rapp og Dupstep. Einnig er annað myndband í vinnslu hjá kappanum.

Instagram

Soundcloud

Spotify

The post „Þetta er eitthvað sem ég mun gera oftar“ appeared first on Albumm.

Eins og flest allir tónlistarunnendur vita er tónlistarhátíðin Iceland Airwaves á næsta leiti en hún fer fram dagana 7. – 10. Nóvember næstkomandi. Dagskráin í ár er virkilega glæsileg en rjóminn af íslensku tónlistersenunni kemur fram ásamt framúrskarandi erlendum atriðum!

Í seinustu viku var blásið til heljarinnar veislu á Petersen Svítunni en þar var dagskráin kynnt í heild sinni. Mikil spenna ríkir fyrir hátíðinni í ár enda alltaf tryllt gaman þegar Iceland Airwaves hátíðin tröllríður landanum! Dagskrá hátíðarinnar má sjá hér. 

Ljósmyndarinn Kári Meyer kíkti í gleðskapinn og tók hann þessar skemmtilegu myndir fyrir hönd Albumm.is.

Hægt er að nálgast miða á hátíðina á Tix.is  

Icelandairwaves.is

The post Góð stemning í Iceland Airwaves partýi: Ljósmyndir appeared first on Albumm.

Tónlistarmaðurinn og gítarleikarinn Magnús Dagsson gaf nýverið út sitt fyrsta lag, „Peace of Mind“, sem verður á væntanlegri plötu hans. Í laginu kemur fram söngkonan Silja Rós en hún gaf út sína fyrstu plötu, Silence í fyrra einnig kemur hljómborðsleikarinn Jakob Gunnarsson fyrir í laginu.

Magnús er þessa dagana að leggja lokahönd á fyrstu plötu sína Afflicted sem hann tók upp, útsetti og spilaði inn á mestmegnis sjálfur í Los Angeles. Þar var hann að ljúka tónlistarnámi í Musicians Institute en hann hefur verið í gítarnámi meira og minna frá 7 ára aldri í Tónlistarskóla Seltjarnarness og TFÍH. Uppi á þaki íbúðarhúss þeirra í Los Angeles sömdu Silja Rós og Magnús textann í sameiningu á kvöldin við sólarlag og útsýni yfir borgina, alls ekki slæmt það!

The post Sömdu textann við sólarlag og útsýni yfir borgina appeared first on Albumm.

Tónlistar, plötusnúðurinn og hárgreiðslumaðurinn Jón Atli Helgason eða Sexy Lazer eins og hann er einnig kallaður hefur svo sannarlega komið víða við á viðburðarríkum ferli! Jón Atli hefur plokkað bassann af stakri snilld með mörgum af helstu tónlistaratriðum landans ásamt því að vinna í sinni eigin tónlist. Fídel, Hairdoctor og Sexy Lazer eru öll verkefni sem hafa komið úr smiðju Jóns en um þessar mundir ferðast hann um heiminn með Íslensku hljómsveitinni Fufanu. Einnig er kappinn að vinna að tónlist undir nafninu The Mansisters ásamt kasper bjorke og Human Woman ásamt tónlistarmanninum Gísla Galdri!

Segja má að tónlsitin spili stórt hlutverk í lífi Jóns og er ávallt mikið fjör í kringum þennan hæfileikaríka einstakling. Albumm.is fékk Jón til að taka saman 10 lög sem hann er að hlusta mest á um þessar mundir. Listinn er afar þéttur oh hægt er að hlýða á hann hér að neðan.

Instagram

The post Á hvað er Jón Atli Helgason að hlusta? appeared first on Albumm.

Tónlistarmaðurinn Karl Olgeirsson gefur út Mitt bláa hjarta – 14 nýja jazzsöngva í nótnabók og á geislaplötu á næstunni. Jafnframt safnar hann fyrir útgáfu tvöfaldrar vínylplötu á hópfjármögnunarvefnum Karolina Fund. Þar er í boði að kaupa sér eintak af plötunni fyrirfram, hvort heldur sem er í stafrænu niðurhali, á geislaplötu eða vínyl. Einnig er hægt að kaupa nótnabókina og jafnvel stofutónleika með höfundinum.

Á plötunni sem tekin var upp í júlí síðastliðnum syngja 12 söngvarar en auk þeirra koma 8 hljóðfæraleikarar við sögu. Ragnheiður Gröndal, Bogomil Font, KK, Helgi Hrafn Jónsson og Sigga Eyrún ásamt fleirum syngja lögin sem fjalla um ástir, söknuð, borgarlíf, veðrið og athyglisbrest svo eitthvað sé nefnt. Platan kemur út 22.október.

Nótnabókin inniheldur öll 14 lögin í tóntegundum fyrir háa og lága rödd og kemur hún út þann 14.september. Sama kvöld verður höfundurinn með útgáfutónleika í Hannesarholti þar sem hann syngur lögin uppúr bókinni og segir sögur þeim tengdum.

Þetta er fyrsta sólóplata Karls en hann hefur gefið út fjölda platna í samstarfi við aðra, til dæmis Happy Hour með Ragga Bjarna ásamt Karl Orgeltríó í fyrra og sólóplötu Helenu Eyjólfsdóttur sem kom út árið áður.

Þeir sem vilja styrkja útgáfu vínylplötunnar geta farið á karolinafund.com og fundið þar verkefnið Mitt bláa hjarta.

The post Hægt er að panta stofutónleika með sjálfum höfundinum appeared first on Albumm.

Alexander Jarl var að senda frá sér glænýtt lag sem ber heitið „Californa King” Þetta er hans fyrsta lag í rúmt ár en kappinn er iðinn við tónlistarsköpun þessa dagan og er von á meira efni frá honum á næstunni!

„Californa King” er afar grípandi og rennur það afar ljúflega um eyru hlustandans. Það er ekkert annað í stöðunni en að skella á play og njóta.  

The post Alexander Jarl er kominn á kreik – California king! appeared first on Albumm.

Íslenska strigaskó (Sneaker) síðan Iceland Kicks hefur heldur betur slegið í gegn en þar má finna allt það heitasta sem er að gerast í heimi strigaskónna! Stefán John og Edward Árni halda úti síðunni og eru þeir miklir áhugamenn um strigaskó og á körfuboltahetjan Michael Jordan stóran þátt í því. Segja má að drengirnir lifi fyrir strigaskó en þeir hafa ekki tölu yfir hvað þeir eiga mörg pör en þeir eru duglegir að skipta út og selja á réttum tíma.

Albumm.is náði tali af drengjunum og svöruðu þeir nokkrum spurningum um Iceland Kicks og menninguna svo sumt sé nefnt.  

Nú haldið þið úti síðunni Iceland Kicks á Facebook. Afhverju stofnuðuð þið þessa síðu og hvernig síða er þetta?

Við tókum eftir því hvað sneaker-menningin á Íslandi var orðin stór og sífellt stækkandi og þörfin væri mikil fyrir miðil á íslensku sem væri “up-to-date” um allt það nýjasta sem væri í gangi í þessum heimi hverju sinni og viðtökurnar leyndu sér ekki. Stefán John er stofnandi og ritstjóri síðunar og Edward Árni sér einnig um síðuna auk aðstoðar einstöku sinnum frá fleirum. Auk frétta og tilkynninga reddum við einnig svo kölluðum “raffle” linkum sem mikið er spurt um þar sem fólk getur skráð sig í pott um að vera dregið út til að geta átt möguleika á að næla sér í eftirsótt pör fyrir stærri útgáfur þegar við á og líka beinar slóðir þegar sendingarmöguleikar til Íslands standa til boða.

Draumaskórnir hans Edda eru bæði Yeezy Red Octobers og Off White x Jordan rauðu, báðir á verðbilinu frá 300.000- 700.000 krónur á endursölumarkaðnum.

Hvað er um að vera á síðunni Iceland Kicks og má finna allt það ferksasta þar?

Við reynum að vera alltaf með puttann á púlsinum um allt það heitasta sem er í gangi í sneaker heiminum í dag. Við póstum ekki alveg öllu sem gerist en öllu því sem við teljum að fólk hafi áhuga á og því sem fylgjendur okkar spyrja mikið um en þó með skemmtilegum og líka flippuðum útgáfum inná milli.

Hafið þið lengi verið áhugamenn um strigaskó og hvað er það við skó sem heillar ykkur?

Við höfum verið áhugamenn um skó í mörg ár og á sagan á bakvið yfirnáttúrulegan körfuboltaferil Michael Jordans sennilega stóran þátt í því enda ólst maður upp við að sjá hann á hátindi ferilsins og skapar á sama tíma eitt stærsta íþróttamerki heimsins, Air Jordan, með Nike.

Kanye West kemur svo með ferskan innblástur í senuna fyrst hjá Nike og svo núna hjá Adidas og selst alltaf allt upp sem hann gerir og gaman að sjá þróunina hjá honum og hjá Adidas með tilkomu BOOST botnsins sem tröllriðið hefur öllu og svo núna með 4D tækninni.

Það jafnast líka bara fátt við tilfinninguna sem maður upplifir í splunkunýjum og skínandi hreinum strigaskóm. Svolítið eins og þegar maður kaupir sér nýjan bíl, maður heldur að ALLIR séu að horfa á sig þó það sé bara tilfinning.

Hvað eigið þið marga skó og hvað eru draumaskórnir ykkar?

Hahaha við hreinlega höfum ekki tölu yfir það lengur, en það skiptir einhverjum tugum a.m.k. Svo erum við báðir duglegir að skipta út, selja á réttum tíma og uppfæra skápana.

Svo mikilvægt er að halda pörunum hreinum og í góðu ástandi sérstaklega ef um verðmæt pör er að ræða því þá gætiru hæglega fengið aftur þann pening sem þú borgaðir fyrir þá og ef að eftirspurn hefur aukist og skórnir eru eftirsóttir, þá jafnvel ennþá meira. Sum pör geta nefnilega verið afar góð fjárfesting. Draumaskórnir hans Stebba eru DJ Khaled x Jordan III en þeir komu aldrei “officially” út og aðeins útvaldir vinir plötusnúðsins sem fengu pör sem sumir þeirra bjóða sín til sölu á um 1.7 milljónir króna fyrir parið.

Er ekki erfitt að verða sér úti um einstaka skó og hvaða merki eru í uppáhaldi?

Jú það getur nefnilega verið mjög erfitt að næla sér í par á “retail” verði (eða búðarverði eins og maður myndi segja á íslensku) ef maður sér fram á að endursöluvirði þeirra verði 10 sinnum meira um leið og þú labbar með þá úr búðinni því eftirspurn er mikil og upplag oftast mjög lítið og þá sérstaklega Jordans, Yeezy’s og OFF White sem eru í miklu uppáhaldi hjá fólki núna.

Þetta er ástæðan fyrir því að fólk bíður í röðum heilu næturnar fyrir utan verslanir þegar eftirsótt pör eru gefin út. Bæði því áhugasamir safnarar vilja bæta við safnið sitt en oftast nær vegna þess að fólk veit að það getur fengið töluvert meira fyrir þá á endursölumarkaðinum, sem er orðinn frekar stór hér á landi líkt og annars staðar í heiminum. Því er mikilvægt í þessum bransa að þekkja rétta fólkið og mynda sambönd við verslanir, flutningsaðila og starfsfólk allsstaðar í heiminum. Ef þú gerir eitthvað fyrir þau þá gera þau eitthvað fyrir þig.

Þetta kallast í sneaker heiminum að vera með “PLÖGG” – og skiptir öllu máli.

Hvað er á döfinni hjá ykkur og eitthvað að lokum?

Við erum að skoða ýmsa möguleika sem hafa verið bornir undir okkur og einnig samstörf en ekkert meitlað í stein ennþá og við höldum auðvitað áfram að halda landanum vel upplýstum um sneaker menninguna svo hún haldi áfram að stækka. Endilega fylgist með okkur á facebooksíðu Iceland Kicks því september er td. stútfullur af YEEZY útgáfum, Húrra Reykjavík er staðurinn til að vera á og heilmikið framundan!

ICELAND KICKS

The post „Það jafnast ekkert á við splunkunýja og skínandi strigaskó” appeared first on Albumm.

Tónlistarmaðurinn Blemish var að senda frá sér sitt fyrsta lag en það ber heitið „Shogun.” Bjarni Benedikstson eins og hann heitir réttu nafni er 24 ára Akureyringur, búsettur í Reykjavík en hann lýsir tónlist sinni sem elektrónísku indie eða jafnvel Indietronica! Kappinn er undir miklum áhrifum frá  “DIY” (do it yourself) “Bedroom poppi og hipp hoppi. Efst á baugi eru tónlistarmenn eins og Clams Casino, Shlohmo og Elliott Smith svo fátt sé nefnt.

„Shogun” er virkilega skemmtilegt lag og gaman verður að fylgjast með þessum hæfileikaríka tónlistarmanni!  

The post Blemish sendir frá sér sitt fyrsta lag – Indietronica appeared first on Albumm.

Tónlistarmaðurinn Magnús Þór Sigmundsson varð 70 ára þann 28. ágúst síðastliðinn. Hann ætlar að halda upp á þann áfanga með afmælistónleikum 15. nóvember sem jafnframt verða útgáfutónleikar á nýrri plötu sem hann vann með hljómsveitinni Árstíðum.

Tónleikarnir verða stórviðburður þar sem Magnús fær til sín frábært tónlistarfólk sem hefur sungið lögin hans inn í hjörtu þjóðarinnar, en þar má nefna Pál Óskar, Ragnheiði Gröndal, Sverrir Bergmann, Jóhann Helgason, dóttur hans Þórunni Antoníu, Jónas Sig, Fjallabræður og hljómsveit skipuð mönnum úr fremstu röð. Auk þess verður hljómsveitin Árstíðir þarna og mun Magnús spila með þeim 5 lög af nýrri plötu, en að öðru leiti verður efnisskráin samsett af lögum sem allir þekkja og flestir elska.

Magnús Þór er einn afkastamesti laga- og textahöfundur sem Ísland hefur af sér getið og sem dæmi um lög og/eða texta sem hann hefur samið þá má nefna Ísland er land þitt, Ást, Ást við fyrstu sýn, Þú átt mig ein, texta við þjóðhátíðarlögin tvö sem Sverrir Bergmann söng, Álfar, Freyja og svona mætti lengi lengi telja. Fyrir utan það að hann er stöðugt að skapa nýja tónlist og eins og áður sagði er hann að gefa út nýja plötu nú á haustmánuðum með hljómsveitinni Árstíðum.

Miðasala á afmælistónleikana er hafin á midi.is

Viðburður á Facebook

The post Afmælis- og útgáfutónleikar 15. nóvember í Háskólabíó með frábærum gestum appeared first on Albumm.