Í dag kemur út á vegum Ortem Records í Bretlandi platan Polyphasic með íslenska raftónlistarmanninum Subminimal. Platan inniheldur fjögur lög þar sem takturinn dregur hlustandann áfram með dulúðlegu andrúmslofti  blönduðu með djúpum bassatónum. Platan er fullkomin fyrir þá sem kunna að meta framsækna raftónlist þar sem áhrifum úr techno, sveim og drum´n bass tónlist er blandað saman á frábæran hátt.

Subminimal eða Tjörvi Óskarsson hefur verið lengi að og er þekktur fyrir hárbeitta taktsmíðar og bylmingsbassa. Hann hefur komið víða fram í gegnum tíðina og endurhljóðblandað lög fyrir listamenn á borð við Justice og Samaris.  Subminimal gaf út sína fyrstu plötu, When and How, árið 2011 hjá Hidden Hawai forlaginu. Platan Microfluids kom út árið 2012, Sinian kom út árið 2014 og svo Substance EP árið 2017 allar hjá Möller Records. Ásamt því að hafa gefið út efni sjálfur og verið með lög á safnplötum.

Nálgast má plötuna á fleiri streymisveitum

The post Dulúðlegt andrúmsloft og djúpur bassi – Ný plata frá Subminimal appeared first on Albumm.

Í dag gefur GDRN ásamt tvíeykinu ra:tio út sína fyrstu plötu en hún ber heitið Hvað Ef. Guðrún Ýr Eyfjörð Jóhannesdóttir eins og hún heiti réttu nafni hefur heldur betur verið áberandi að undanförnu og mun þessi snilldar plata hækka hróður hennar enn frekar!

Auður og Floni koma einnig fram á plötunni en blásið verður til heljarinnar útgáfutónleika á Prikunu í kvöld. Herlegheitin byrja stundvíslega kl 21:00 en eftir miðnætti tekur 101 Savage við og spilar til lokunar.

The post GDRN sendir frá sér sína fyrstu plötu – Heljarinnar útgáfutónleikar á Prikinu í kvöld! appeared first on Albumm.

Eins og flest allir vita er Hip Hop tónlist afar vinsæl tónlistarstefna og segja sumir að rapparar séu rokkstjörnur nútimans! Í dag er Menningarnótt í Reykjavík og nóg er um að vera út um alla borg! Allir ættu að finna eitthvað við sitt hæfi en þeir sem hafa gaman að Hip Hop tónlist ættu að leggja leið sína niður á Ingólfstog.

Heljarinnar Hip Hop tónleikar fara fram á Ingólfstorgi í kvöld og kemur þar framRjóminn af íslensku Hip Hoppi! Þetta eru einu tónleikarnir sem einblýna eingöngu á Hip Hop tónlist og má svo sannarlega búast við trylltri stemningu!

Fram koma:

JóiPé & Króli, Sura, Yung Nigo Drippin, Huginn, ClubDub, Joey Christ, Sturla Atlas, Birnir og Flóni.

Herlegheitin byrja stundvíslga kl 18:00 og standa þeir til kl 22:00!

The post Heljarinnar Hip Hop hátíð á Ingólfstorgi í kvöld appeared first on Albumm.

Tónlistarmaðurinn TSS eða Jón Gabríel Lorange eins og hann heitir réttu nafni var að senda frá sér sína þriðju breiðskífu en hún ber heitið Moods. Platan inniheldur níu lög sem öll eru samin, flutt og tekin upp af jóni sjálfum í Antwerpen og í Reykjavík.

Jón Gabríel Lorange, er einnig þekktur sem annar helmingur tvíeikisins Nolo en TSS á að baki tvær breiðskífur, Meaningless Songs (2015) og Glimpse Of Everything (2016). Þar að auki hefur TSS gefið út stuttskífurnar Self Portrait (2016) og Decaying Man (2017) og safnplötuna Sessions (2013-2015).

Moods er virkilega þétt og frumleg plata og mælum við eindregið með að fólk hlýði á hana linnulaust!

The post TSS sendir frá sér Moods – þétt og frumlegt appeared first on Albumm.

Söngkonan, lagahöfundurinn og píanóleikarinn Jóhanna Elísa var að gefa út lagið „Lag Fyrir Þig.“ Jóhanna sendi frá sér tónlistarmyndband við lagið „Adventurous Dream“ fyrr á árinu en myndbandið var tekið upp á 100 ára gömlu seglskipi við Grænhöfðaeyjar í Afríku.

Jóhanna hefur verið að semja tónlist lengi en er ný byrjuð að taka upp lögin sín. „Lag Fyrir Þig“ er þriðja lagið hennar sem hún gefur út og samdi hún það fyrir um 7 árum síðan eða þá aðeins 15 ára gömul.

„Lag Fyrir Þig fjallar um tónlistarfólk og hvernig okkur finnst eins og við þekkjum okkar uppáhalds tónlistarfólk í gegnum tónlistina sem þau semja fyrir heiminn. Þetta er því lag fyrir þau.“ – Jóhanna Elísa

Jóhanna hefur verið að koma fram við ýmis tilefni, brúðkaup, veislur o.s.frv. Einnig sem jazzsöngkona, en hún er útskrifuð úr Tónlistarskóla FÍH en þar lærir hún enn og í þetta skiptið á jazzpíanó.

The post „Eins og við þekkjum okkar uppáhalds tónlistarfólk“ appeared first on Albumm.

Tónlistarmaðurinn Birnir var að senda frá sér sína fyrstu plötu en hún ber heitið Matador. Birnir er einn vinsælasti rappari landsins og hefur nánast öll þjóðin raulað með lögum eins og „Út í geim” og „Ekki Switcha” svo fátt sé nefnt.   

Platan inniheldur níu lög en margir góðir gestir koma fram á plötunni og má þar t.d nefna Joey Christ, GDRN og Flóna svo sumt sé nefnt! Kollegar Birnirs lofa plötunni hástert enda mikið meistarastykki hér á ferð! Taktsmíðar og laga útsetningar er mestmegnis í höndum Young Nazareth en einnig á BNGRBOY góðan sprett á plötunni!

Það er ekkert annað í stöðunni en að skella á play, hækka í græjunum og njóta!

The post Birnir sendir frá sér sína fyrstu plötu – Skylduhlustun! appeared first on Albumm.

Eins og flest allir vita er Kanadíska hljómsveitin Arcade Fire að halda heljarinnar tónleika í Laugardalshöll í kvöld en sveitin er ein sú vinsælasta í heiminum í dag!

Win Butler og Josh Deu stofnuðu Arcade Fire í Montreal í Kanada árið 2001 en Win og Josh hittust í menntaskóla. Tónlistaráhuginn leyndi sér ekki og upp hófst sameiginleg tilraunastarfsemi á hin ýmsu hljóðfæri. Árið 2002 lá leiðin á sveitasetur á Mount Desert Island, gagngert til að taka upp fyrstu EP plötu sveitarinnar sem heitir einfaldlega Arcade Fire.

Á þessum tíma var mikil spenna innan sveitarinnar og talsvert var um árekstra! Butler og bassaleikarinn Myles Broscoe lenti saman og hætti sá síðarnefndi í sveitinni í miklu fússi. Seinna var það Reed sem sagði skilið við sveitina en uppsögnin átti sér stað uppi á sviði á miðjum tónlekum!

Arcade Fire landaði plötusamning við plötufyrirtækið Merge Records en fyrsta breiðskífa sveitarinnar Funeral kom út árið 2004. Funeral fékk frábærar viðtökur út um allan heim og túraði sveitin linnulaust út árið 2005. Seint árið 2005 hitaði sveitin upp á þrennum tónleikum fyrir Írsku rokkarana í U2 og gerði hún allt brjálað þegar hún steig á svið með Írunum og spilaði lagið „Love will tear us apart” með hljómsveitinni Joy Devision.

Fjölmargar plötur fylgdu í kjölfarið og má þar nefna Neon Bible (2007) The Suburbs (2010) og Everything Now (2017). Sviðsframkoma sveitarinnar þykir ein sú flottasta í heiminum í dag og ríkir svo sannarlega mikil spenna fyrir tónleikunum í kvöld! Sveitin lofar góðu geimi og má heyra alla smelli sveitarinnar í bland við vel valdna gullmola.

Húsið opnar kl 20:00 en íslenska hljómsveitin Kiriyama Family stígur á svið kl 21:00 og sér um að koma mannskapnum í gírinn. Arcade Fire stígur á svið stundvíslega kl 22:10.

Hægt er að nálgast miða á Tix.is

Everythingnow.com

Hr. Örlygur

The post Arcade Fire lofar góðu geimi í kvöld – Framúrskarandi tónleikavseit appeared first on Albumm.

Tónlistarmennirnir Cold (ísar Logi) og Futuregrapher (árni Grétar) sendu nýlega frá sér plötuna Zebra / Cube. Þetta byrjaði allt á einu lagi en Ísar Logi bað Árna um að henda í eitt stykki lag sem væri alfarið innblásið af teningi! Árni var sko til í tuskið en hann bað Ísar um að gera það sama, og úr varð þessi frábæra “split” plata!  

Um miðjan tíunda áratuginn vakti Ísar Logi  mikla athygli fyrir lagið sitt „Strobe Light Network” sem kom út á vegum Thule Records. Ísar vill ekki binda sig við eina tónlistarstefnu og með árunum hefur honum tekist að búa til sinn eigin hljóm.    

Árni Grétar er þekktur fyrir fallega Ambient tóna, Techno og svo mæti lengi telja! Árið 2011 stofnaði Árni Grétar ásamt Jóhanni Ómarssyni (Skurken) plötuútgáfuna Möller Records. Árni hefur komið víða við og gefið út fjölmargar plötur en margir þekkja hann fyrir plöturnar sínar Hrafnagil og Eitt sem hann gerði ásamt tónlistarmanninum Jóni Ólafssyni.  

Hægt er að versla plötuna á vef Möller Records

The post Cold og Futuregrapher sameina krafta sína á nýrri “split” plötu appeared first on Albumm.

Ljósmynd/Zakas Photography

Rachel Wish sendi síðastliðinn fimmtudag frá sér sitt fyrsta lag sem nefnist „CandyGlass.“ Rachel Wish er hugarfóstur Rakelar Óskar Þorgeirsdóttur og Svans Herbertssonar, sem er betur þekktur undir listamannsnafninu Swan Swan H. Í tónlistarsköpun sinni blanda þau saman ljóðlist og flautuleik Rakelar og hljóðheimum sem Svanur töfrar fram með sínu sérstaka „bítí“ og Ableton Live.

„Alheimurinn sendi okkur Rachel Wish til þess að tendra neistann í okkar innsta kjarna með sínum trylltu rauðu lokkum, töfraflautum og rafrænni pönkljóðlist,“ – Rakel Ósk

Rakel Ósk og Svanur byrjuðu að skapa tónlist saman fyrr á þessu ári og upp úr þeim þreifingum spratt Rachel Wish fullsköpuð með slíkum krafti að sex laga EP-plata er væntanleg í vetur.

Flestir þekkja Rachel Wish sem módelið Rakel Ósk sem vakti töluverða athygli fyrir nokkrum misserum á Side9 pige síðunni í Ekstra Bladet í Danmörku.

„Það tók smá tíma fyrir Rakel að ná mainstream 80’s poppinu úr mér því ég hoppaði yfir í þetta verkefni beint eftir að hafa verið að klára U.F.O-plötuna. Rakel vildi fara með þetta í mjög hráa pönkaða synthwave-stefnu og var mjög ákveðin í því að það mætti alls ekki vera neitt „mainstream shit“ í gangi.“ – Svanur

Dúóið stefnir á að gefa út tvo aðra „síngla“ á næstunni en byrjar ballið með CandyGlass. Einnig verða þau að spila á Boston á Plug&Play kvöldi þann 6. september og ætla þau að frumsýna nýtt lag þá.

Lagið er komið út á helstu tónlistarveitum heims, Spotify, Tidal, YouTube, Deezer, iTunes, Google Play, Shazam og fleiri.

Bandcamp

The post Módelið Rakel Ósk sendir frá sér sitt fyrsta lag appeared first on Albumm.

Hljómsveitin Arcade Fire hélt heljarinnar tónleika í Höllinni á þriðjudagskvöldið sem leið og óhætt er að segja að allt ætlaði um koll að keyra! Ég (Steinar Fjeldsted) hef lengi haft dálæti af sveitinni og heyrt margar góðar sögur af tónleikum þeirra en ekkert gat undirbúið mig sem var í vændum! Eftir að hafa hlýtt á nokkur lög með íslensku hljómsveitinni Kiriyami Family, sem stóð sig með einstakri prýði tók við ágætis bið en hey, það var sko vel þess virði!

Klukkan 22:15 slokknuðu öll ljósin í salnum og drunur frá sviðinu byrjuðu að yfirþirma salinn, spennan var gríðarlega mikil. Skyndilega kviknar ljós í miðjum salnum en þar stendur sveitin í faðmlögum, hrópandi og á þessum tímapunkti fattaði ég að það væri eitthvað afar sérstakt í vændum. Sveitin gengur svo yfir salinn og rakleitt upp á svið og keyrt er í fyrsta lagið, Everything Now.

Stemningin var vægast sagt tryllt og var sveitin í virkilega góðum gír, sem átti bara eftir að stigmagnast með hverju laginu! Eiginlega ekkert stopp var á milli laga og er alveg ótrúlegt hvernig sveitin náði að skipta á milli takta, grúva og auðvitað laga. Hljómurinn var virkilega góður og þéttur en ég fékk alveg helling út úr því að hlusta á þykku moog bassalínurnar, hreinn unaður!

Öll umgjörð tónleikanna var framúrskarandi en sviðið skartaði allskonar flottum hljóðfærum, trylltum ljósum, risa stórri diskó kúlu og nokkrum stórum skjám. Einnig var spilagleðin mjög mikil og lék sveitin á alls oddi sem skilaði sér beint út í sal. Á sirka miðjum tónleikunum slokknuðu öll ljósin í salnum og var eins og sviðið væri alelda og fylltist allur salurinn af svörtum reik. Sveitin birtist í ljósum logum og heltekur mannskapinn með dáleiðandi tónum og söng, hreint út sagt magnað!

Söngvari Arcade Fire, Win Butler var í hörku formi og söng hann eins og engill alla tónleikana. Betri front mann er örugglega erfitt að finna en hann stjórnaði salnum af einstakri snilld og töffaraskap! Régine Chassagne söng einnig nokkur lög og var hún ótrúlega svöl og leikræn á sviðinu. Í lok tónleikanna varð skyndilega allt dimmt og birtist Win Butler í miðjum salnum vopnaður gítarnum og sinni fallegu rödd. Win hreyf allan salinn með sér, gekk upp á svið þar sem sveitin tók á móti honum, sem að sjálfsögðu hélt áfram að hrífa hvert mannsbarn í salnum!

Arcade Fire lokaði tónleikunum á laginu, Wake Up og í alvöru talað gott fólk það var vægast sagt stórkostlegt! Gæsahúðin tók völdin og hárin risu á hnakkanum á meðan ég ásamt öllum salnum söng með. Ég get fullyrt það að þessir tónleikar eru þeir bestu sem ég hef séð í mjög mjög langan tíma og ég hef nú séð þá nokkra í gegnum tíðina!

Ljósmyndarinn Julie Rowland kíkti á tónleikana og tók hún þessar frábæru ljósmyndir fyrir hönd Albumm.is

Julietterowlnad.com

Hr. Örlygur.

The post Arcade Fire kveikti í höllinni – Sjáið ljósmyndirnar appeared first on Albumm.

Reykjavíkurdætur ásamt Svölu Björgvins voru að senda frá sér myndband við lagið „Ekkert Drama” en lagið kom út fyrir stuttu. Mjög skemmtilegt er að sjá Svölu með dætrunum en Svala er án efa ein flottasta og skemmtilegasta tónlistarkona landsins! Saman ná þær að mynda ótrúlega gott og svalt teimi og vonum við svo sannarlega að þær eigi eftir að vinna aftur saman!

Lagið er að sjálfsögðu algjör „banger“ sem hefur svo sannarlega fallið vel í kramið hjá þjóðinni en myndbandið er sko alls ekkert sýðra! Kolfinna Nikulásdóttir og Sigurður Möller Sívertsen sáu um leikstjórnina!

Ekki hika við að skella á play, þú sérð ekki eftir því!

The post Svala og RVKDTR eitursvalar í nýju myndbandi! appeared first on Albumm.

Tónlistarmaðurinn Helgi Kristjánsson var að senda frá sér lagið „Skýjabönd“ sem er af væntanlegri plötu kappans. Helgi hefur komið víða við á sínum tónlistarferli en þá aðallega sem trommari í nokkrum af helstu hljómsveitum landsins sem eru:  Ásgeir, One Week Wonder, Hugar o.fl.

Helgi hefur nýlokið við að hljóðrita sína fyrstu sólóplötu, Skýjabönd, sem lítur dagsins ljós þann 31. ágúst næstkomandi. Frá því í desember í fyrra hefur Helgi unnið plötuna í Hljóðrita ásamt Ásgeiri Trausta vini sínum. Helgi spilar á flest hljóðfærin og syngur en Ásgeir spilar á hljóðgervla, píanó og rafhljóðfæri.

„Þessi plata er hluti af uppgjöri mínu til fyrra lífs. Ferlið var þannig að hann tók mig upp spila inn hljóðfærin og sönginn og svo ræddum við saman hugmyndir og erum báðir pródúserar plötunnar.“ – Helgi

Helgi er kominn með öfluga hljómsveit með sér í lið en þeir eru: Hjörvar Hans Bragason (Bassi), Magnús Jóhann Ragnarsson (Píanó og hljóðgervla), Bergur Einar (Trommur) og Kristinn Þór Óskarsson (Gítar) og verða útgáfutónleikar haldnir 3. okt í Bæjarbíói.

Instagram

The post „Hluti af uppgjöri mínu til fyrra lífs“ appeared first on Albumm.

Hljómsveitin Hórmónar sendir í dag frá sér sína fyrstu plötu en hún ber heitið Nanananabúbú. Hórmónar var stofnuð árið 2015 en tónlist sveitarinnar má lýsa sem flæðandi óreiðu með ögrandi skilaboðum. Sveitarmeðlimir drekka í sig innblástur úr ólíkum áttum og má þar t.d nefna Blondie, John Zorn, Mínus og margt margt fleira! Einnig var að koma út frábært myndband við lagið „Glussi“ en Alma Mjöll Ólafsdóttir fer þar á kostum!

Albumm.is náði tali af Hórmónum og svaraði sveitin nokkrum skemmtilegum spurningum um plötuna og útgáfutónleikana sem fram fara í kvöld!

Hvenær er Hórmónar stofnuð og hvernig kom það til?

Hljómsveitin var stofnuð í Desember 2015. Við krakkarnir í bandinu erum öll bestu vinir og vorum það fyrir stofnun þess. Fjögur okkar voru í mjög vondu skapi eitt kvöldið og einhver minntist á það að stofna hljómsveit. Örn Gauti trommuleikari átti fullan bílskúr af hljóðfærum þannig að við brunuðum þangað og sögðum Hjalta, saxófónleikara, að drífa sig til okkar og taka saxófóninn með. Fæst okkar höfðu neinn grunn á hljóðfærin okkar en Örn Gauti var og er mjög klár á trommur. Hann heldur okkur svolítið saman. Okkur var svo bara rétt hljóðfæri og við reyndum að spila bara eftir eyranu. Við höfum þar af leiðandi aldrei gert í því að læra ”rétt” á hljóðfærin okkar heldur gefið okkur fullkomið rými til sköpunar.

Hvernig munduð þið lýsa tónlistinni ykkar í einni setningu og hvaðan sækið þið innblástur fyrir ykkar tónlistarsköpun?

Tónlistinni okkar er kannski best lýst sem flæðandi óreiðu með ögrandi skilaboðum. Við sækjum innblástur okkar helst í daglegt ströggl og frústrasjónir. Við tökum öll sérstakan innblástur sjálf inn í tónlistina okkar úr mismumandi áttum. Fyrir Brynhildi er það hljómsveitin Blondie, Hjalti nefnir saxófónleikarann John Zorn, Katrín hefur tengt mikið við The Cranberries, Örn Gauti sækir sinn innblástur í Mínus og Urður finnur tengingu við Pixies.

Er platan búin að vera lengi í vinnslu og hvernig semjið þið lög?

Platan sjálf hefur verið í vinnslu um það bil ár en lagasmíðarnar hafa átt sér stað frá því í desember 2015. Það er í raun enginn sérstakur sem semur lögin og engin sérstök aðferð í lagasmíðum. Við höfum gert það þannig að við prófum að spila bara eitthvað saman og stundum kemur eitthvað og stundum ekki. Þegar einhvers konar grunnur er kominn þá bætist við texti og þá annað hvort kemur eitthvað glænýtt frá Brynhildi eða þá að hún sækir pælingar í litlar bækur sem hún hefur skrifað í svo árum skiptir.

Þið eruð að halda heljarinnar útgáfutónleika í kvöld. Við hverju má fólk búast á tónleikunum í kvöld og á að gera allt truflað?

Góðu kareoke, mikilli gleði, sprengikrafti, klikkuðum tónleikum og að dansa með okkur á eftir við diskótónlist. Svo að sjálfsögðu verðum við með varning til sölu á tónleikunum t.d. Flíkur merktar Hórmónum og plötuna sjálfa.

Hvað er framundan hjá ykkur og eitthvað að lokum?

Eftir útgáfutónleikana hefst forframleiðsla á vínylútgáfu. Svo ætlum við líka að spila á Iceland Airwaves núna í nóvember. Svo bara vonumst við til að sjá sem flesta á tónleikunum í kvöld og fagna með okkur!

Tónleikarnir fara fram á Gauknum og hefjast stundvíslega kl: 20:30. Það kostar litlar 1.000 kr inn og hægt er að nálgast miða á Tix.is

The post flæðandi óreiða með ögrandi skilaboðum appeared first on Albumm.

Tónlistarmaðurinn Blóðleysi var að senda frá sér lagið „666” og er það helvíti gott! Lagið fjallar um helvíti en þar eru beinagrindur að undirbúa brúðkaup og viðkomandi er að fara giftast einni slíkri. Hrafnar komu og tóku úr honum hjartað og fluttu til síns heima. Hundar gelta í kór og vatnið er skýtugt og rautt.

lagið er af nýrri plötu sem er væntanleg í september. Halldór Á Björnsson sá um upptökur og Hálfdán Árnason plokkaði bassan. Það er föstudagur og mun „666” klárlega rífa þig á lappir og setja stemninguna fyrir komandi átök helgarinnar!

The post Hundar gelta í kór og vatnið er skýtugt og rautt appeared first on Albumm.

Alþjóðlega tónlistarhátíðin Melodica Reykjavík verður haldin í 11. sinn á Íslandi, dagana 24. – 26. ágúst næstkomandi, en hún hefur stundum verið nefnd hátíðin hógværa og lítilláta. Hátíðin fer fram í Gym &Tonic sal KEX Hostels. Fram koma fjölmörg innlend sem erlend söngvaskáld sem munu flytja tónlist sína fyrir tónleikagesti í sinni nánustu mynd, oft eingöngu með röddina og gítarinn eða píanóið að vopni.

Hátíðin leggur sig fram að styðja við grasrót ungra og upprennandi listamanna og koma þeir fram samhliða þekktari listamönnum. Aðalmarkmið hátíðarinnar er að byggja brýr og styrkja bönd milli listafólks um allan heim. Þannig hefur hátíðin skapað fjölda frábærra vináttusambanda milli tónlistarfólks og fjöldi íslenskra listamanna hafa farið utan í tónleikaferðir á vegum erlendra vina.

Melodica á rætur sínar að rekja til Melbourne í Ástralíu þar sem fyrsta hátíðin var sett á stokk árið 2007. Eftir það hafa leiðir hennar legið víða og er hún í dag haldin meðal annars í Þýskalandi, Bandaríkjunum, Danmörku, Englandi, Noregi og Austurríki. Melodica er í raun ört vaxandi alþjóðlegt tengslanet smárra sjálfstæðra tónlistarhátíða sem allar eiga sér það sameiginlegt að byggja upp og efla samfélag og samstarf erlends og innlends tónlistarfólks á hverjum stað. Hundruðir listamanna hafa komið fram á Melodica Reykjavík á síðustu árum og eins og fyrri ár verður dagskráin fjölbreytt og spennandi.

Hundruðir listamanna hafa komið fram á Melodica Reykjavík á síðustu árum og eins og fyrri ár verður dagskráin fjölbreytt og spennandi.

Meðal listamanna í ár verða m.a. The Moody Orchestra (NL), Calming River (DK) Fesway (MEX), Shawn Clarke (CA), Svavar Knútur, MIMRA, One Bad Day, Hildur Vala, Soffía Björg, Símon Vestarr, Heidatrubador, Myrra Rós og margir fleiri.

Aðgangur er ókeypis en áhorfendur eru hvattir til að styðja hátíðina með frjálsum framlögum sem notuð eru til að greiða niður ferðakostnað erlenda tónlistarfólksins en hátíðin hefur frá upphafi verið fjármögnuð með þeim hætti.

Fylgið Melodica hér:

Instagram

Twitter

The post Byggja brýr og styrkja bönd milli listafólks um allan heim appeared first on Albumm.

Halldór Helgason er einn fremsti snjóbrettakappi heims!

Eins og flest allir vita er Akureyringurinn Halldór Helgason einn fremsti snjóbrettakappi heims en snjóbrettatímaritið Transworld Snowboarding var að senda frá sér klippuna (partinn) hans úr myndinni Arcadia sem kom út í fyrra. 2017 var heldur betur viðburðarríkt ár hjá Halldóri en að mati Transworld Snowboarding var þessi partur valin klippa ársins 2017 og Onboard magazine valdi Halldór besta evrópska snjóbrettamann ársins!

Arcadia er vægast sagt rosalegt meistarastykki og er parturinn hans Halldórs gjörsamlega eitthvað annað en við áhorfendur eigum að venjast! Við bíðum spennt eftir næstu mynd úr smiðju Transworld Snowboarding The Future Of Yesterday sem kemur úr 10. Október næstkomandi!  

Við mælum eindregið með að þið skellið á play, þetta mun klárlega koma ykkur af stað á þessum gráa mánudegi!

Hér fyrir neðan má sjá stiklu úr myndinni The Future of Yesterday:

The post Klippa ársins 2017 er komin á netið – Ný mynd væntanleg í Október! appeared first on Albumm.

Tónlistarmaðurinn Bomarz eða eða Bjarki Ómarson eins og hann heitir réttu nafni var að senda frá sér brakandi ferskt lag og myndband sem ber heitið „San Francisco.” Lagið er hans fyrsta undir nafninu Bomarz en þar skapar hann tónlist með hinum ýmsu listamönnum bæði hérlendis og erlendis.

Kappinn er ekki einsamall í laginu en franska söngkonan Kinnie Lane ljáir laginu rödd sína og er útkoman vægast sagt frábær! Að sögn Bjarka og Kinnie hefur farið mjög mikil vinna í herlegheitin og eru þau afar ánægð að geta loksins leyft umheiminum að njóta.   

 plötuumslagið gerði Kanadíski listamaðurinn Jason Hollens. Lagið var tekið upp á Íslandi og í Frakklandi en myndbandið var tekið upp í frakklandi og San Francisco. Margir skemmtilegir hlutir eru á döfinni hjá Bomarz en við segjum nánar frá því síðar!

„San Francisco” er einnig komið á Spotify.

Instagram

The post Ísland, Frakkland og San Francisco – Bomarz er kominn á kreik! appeared first on Albumm.

Tónlistarmaðurinn Ólafur Arnalds var að senda frá sér plötuna Re:Member en hún er búin að um tvö ár í vinnslu. Ólafur hefur svo sannarlega komið víða við og er orðinn ein skærasta stjarna Íslands um heim allan. Á Re:Member blandar Ólafur saman þeim straumum sem hann hefur verið að vinna í að undanförnu eins og Kiasmos og fleiri hliðarverkefnum.

Albumm.is náði tali af Ólafi og svaraði hann nokkrum lspurningum um plötuna.

Er Re:Member búin að vera lengi í vinnslu og hvernig mundir þú lýsa plötunni í þrem orðum?

Líklega tvö ár í heildina, en það fór slatti tími í undirbúningsvinnu áður en ég byrjaði að semja og vinna lögin sjálf. Þrjú orð: sköpunargleði, klassík og tækni.

Er platan frábrugðin fyrri verkum og hvaðan sóttir þú innblástur fyrir gerð plötunnar?

Hún er ansi frábrugðin því sem ég hef gert áður en auðvitað ennþá ég sjálfur. Hún er mjög innblásin af samstarfsfólki og hliðarverkefnum sem ég hef verið í síðustu ár eins og Kiasmos. Mig langaði að færa allar þessar tilfinningar í einn pakka.

Þú ert að halda heljarinnar tónleika í Hörpunni 18. Desember næstkomandi. Við hverju má fólk búast á tónleikunum?

Ég er á stóru tónleikaferðalagi allt árið til að kynna plötuna og við ætlum að enda 2018 í Eldborg. Við munum fljúga nokkrum tonnum af græjum til Íslands fyrir tónleikana, sjálfspilandi píanóum, generatívum ljósabúnaði og allskyns græjum. Ég get lofað miklu sjónarspili fyrir bæði augu og eyru.

Hvað er framundan hjá þér og eittthvað að lokum?

Næstu vikur fara bara í kynningu á plötunni en svo byrjum við aftur á tónleikaferðalaginu í september. Fyrst Evrópu, svo Ameríku, Ástralíu og Asíu.

Olafurarnalds.com

Instagram

The post „Mig langaði að færa allar þessar tilfinningar í einn pakka“ appeared first on Albumm.

Tónlistarkonan Karitas sendi fyrir stuttu frá sér lagið „True” en hún sækir innblástur sinn í skandinavískt popp. True varð til á undarlega stuttum tíma og segir Karítas að fílingurinn sem hún leitaði eftir er alveg fangaður í þessu lagi. Myndband við lagið er í vinnslu en það mun innihalda royal búðing, snapple, lukkutröll, snjóvél og sápukúlur svo sumt sé nefnt!

Albumm.is náði tali af Karitas og svaraði hún nokkrum léttum spurningum um lagið og framhaldið.  

Er lagið búið að vera lengi í vinnslu og hver er innblástur lagsins?

Lagið er búið að vera klárt síðan í Apríl og varð til á undarlega stuttum tíma. Þetta var eitt af þessum skiptum sem lagið bara kom saman og einhvernvegin small strax. Þetta er annað lag af tveimur sem ég vann með Pálma Ragnari Ásgeirssyni og Sæþóri Kristjánssyni. Pálmi var með grunn að lagi og einhverjar hugmyndir svo lögðumst við í textagerð saman og út kom True. Ég ofboðslega ánægð með lagið en einnig er ég mjög spennt fyrir myndbandinu sem er verið að vinna í þessa dagana og fílingurinn sem ég leitaði eftir er alveg fangaður í þessu lagi.

Innblástur minn sæki ég mikið í skandinavískt popp og electro gleði popp. Þung dropp sem hægt er að dilla sér við. Sigrid, Dagny, Halsey og Robyn eru mínar fyrirmyndir í músíkinni þessa dagana.

Um hvað er lagið og hvernig mundir þú lýsa laginu í einni setningu?

Lagið er auðvitað svolítið um þetta ástand sem á sér stundum stað í samskiptum kynjanna. Ég veit að margir eiga það til að leita (oft ómeðvitað) í eitthvað sem viðkomandi ætti að vita að mun rugla í höfðinu á sér. Hvort sem það er einhver viss týpa af manneskju, lífstíll eða álíka sem hefur ekki reynst vel en maður leitar aftur og aftur í.  Þetta er alveg svona sækadelik gleðipopp um ástina og þetta hugarástand og innri baráttu sem verður stundum til í þessum aðstæðum. “Á ég að halda áfram? Er þetta ást? Er ég klikkuð/klikkaður? Ég er all inn…”

Hvað er framundan hjá þér og eitthvaðað lokum?

Framundan er ótrúlega mikið af skemmtilegum og spennandi verkefnum, ég er að halda áfram með mitt sóló efni og með nokkur lög á leiðinni sem Karitas en eins iða ég í skinninu að gefa út og tilkynna verkefni með góðum vinum sem er væntanlegt bara núna strax í september. Ég mæli með því að fylgjast vel með! Svo er ég að koma fram mikið, Iceland Airwaves í nóvember sem ég hlakka mikið til, vinna og bara happy living!

The post „Er þetta ást? Er ég klikkuð? Ég er all in” appeared first on Albumm.

Yous­sou N´Dour er einn vin­sæl­asti tón­list­armaður Afr­íku en hann blæs til heljarinnar tón­leika í Eld­borg­ar­sal Hörpu í kvöld 28. Ág­úst. Árið 1996 slóg Yous­sou N´Dour rækilega í gegn með laginu „7 Seconds” sem hann gerði ásamt söngkonunni Neneh Cherry.

N’Dour er frá Senegal og hef­ur um ára­bil verið einn vin­sæl­asti tón­list­armaður Afr­íku og þá bæði í heims­álf­unni sem utan henn­ar og fyll­ir enn tón­leik­astaði um all­an heim. 

N’Dour ferðast um með stóra hljóm­sveit sem fram­reiðir ótrú­lega bylgju af tónlist sem er blanda af sene­gölsk­um tón­list­ar­hefðum með áhrif­um frá lat­neskri dans­tónlist, kúbverskri rúm­bu, tangói og jafn­vel djassi og hipp ­hoppi. Á tónleikunum í kvöld má búast við Afr­ísk­um takti og trylltri stemningu!

Tónleikarnir hefjast stundvíslega kl 21:00 og hægt er að nálgast miða á Harpa.is

Hr. Örlygur

The post Einn vinsælasti tónlistarmaður Afríku kemur fram í Hörpu í kvöld appeared first on Albumm.