Tónlista-og listamaðurinn Auður gefur út nýtt lag sem nefnist „I’d Love” ásamt dulúðlegu og mögnuðu myndbandi leikstýrt af listamanninum sjálfum. Myndbandið við „I’d Love” er myndband þar sem nánd og kynferðisleg tilraunastarfsemi mynda bakgrunn sem Auður byggir á við leikstjórn sýna. Hann notar innblástur úr töfrandi jafnt raunsæjum heimi mynda eins og Birdman og ásamt verkum Christopher Nolan sem byggja upp þetta dulúðlega myndband sem beygir og brýtur reglur þyngdaraflsins. Auður dansar og túlkar verkið ásamt því að gefa innsýn í bakgrunn hans sem einstaks gítarleikara. Auður skilur áhorfandan eftir skilningslausan á ystu nöf þegar hann blandar saman elementum og fjölbreyttum hljóðheimum sem hann skapaði með klassískum gítar, 808 trommum og dáleiðandi bakgrunns röddunum.

Í námi þeirra við Red Bull Music Academy í Montreal, Canada, Auður og hinn Suður Afríski lagahöfundur og producer Selfir, unnu með og héngu með artistum eins og Chilly Gonzalez, Thundercat, Blood Orange og Björk og á sama tíma voru þeir með aðgang að heimsklassa stúdíóum allan sólarhringinn. Út frá þeirri baneitruðu blöndu sömdu þeir saman og útsettu þeir hið óútreiknanlega nýja lag þar sem tónlistarstefnur blandast þvert á hvor aðra og úr varð „I’d Love.“

Auður fylgir í fótspor Of Monsters and Men, Sigur Rós og Kaleo en hann hlaut verðlaunin Bjartasta Vonin á Íslensku tónlistarverðlaununum árið 2017. Síðan þá hefur hann gefið út frumraun sína Alone, opnað fyrir Post Malone, spilað víða erlendis og samið með virtum lagahöfunum um allan heim og varð einnig hluti af merkum hópi sem vann og lærði við hinn virta RBMA skóla.

Auður mun spila á Iceland Airwaves 2017, Miðvikudaginn 1. Nóv kl 00:20-1:00 á Húrra og Föstudaginn 3. Nóv kl 19:20-19:50 í Listasafni Reykjavíkur.

Einnig má hlýða á lagið á Spotify

Audurmusic.com

Icelandairwaves.is

The post DULÚÐLEGT MYNDBAND SEM BEYGIR OG BRÝTUR REGLUR ÞYNGDARAFLSINS appeared first on Albumm.

Paunkholm eða Franz Gunnarsson eins og hann heitir réttu nafni fagnar plötunni Kaflaskil á morgun (sunnudag) í Norræna Húsinu! Franz á langan feril að baki með hljómsveitum á borð við Ensími og Dr. Spock ásamt því að vinna með t.d. Bang Gang, Quarashi og Bubba Morthens.

Kaflaskil er fyrsta sólóplata Paunkholm og þar kennir við nýjan og poppaðri tón hjá Franz sem er þekktur sem rokkari af guðs náð. Á Kaflaskil fær Franz til sín fullt af frábærum röddum og hljóðfæraleikurum og munu flestir þeirra listamanna og kvenna koma fram á útgáfutónleikunum sem fara fram í sal Norræna hússins.

Þetta verður líklegast í eina skiptið sem hópurinn kemur saman og því um einstakan viðburð að ræða. Með hverjum seldum miða fylgir vínyl & stafræn útgáfa af Kaflaskil. Takmarkað sætaframboð.

Söngvarar:

Bryndís Ásmunds, Erna Hrönn, Eyþór Ingi , Franz Gunnarsson, Finni Karlsson, Kristófer Jensson, Magni Ásgeirsson, Stefán Jakobsson, Tinna Marína Jónsdóttir.

Hljómsveit:

Gítar: Franz Gunnarsson, Gítar: Einar Vilberg, Sóló gítar: Andri Ívarsson, Bassi / Bakrödd: Birgir Kárason

Trommur: Ásmundur Jóhannsson, Píanó: Þorbjörn Sigurðsson, Hljómborð / Bakrödd:

Valdimar KristjónssonSlagverk: Thordis Claessen, Víola: Roland Hartwell Jr.

Tónleikarnir hefjast kl 21:00 og er miðaverð 2.500 kr og hægt er að nálgast miða á Tix.is

Paunkolm.is

The post PAUNKHOLM FAGNAR PLÖTUNNI KAFLASKIL appeared first on Albumm.

Hljómsveitin Kajak sendi fyrir skömmu frá sér lagið „Kingdom Of Danse.” Sveitin segir um lagið að eftir þriðju EP plötuna vildu þeir færa sig aftur í átt að sólríkara sound!

„Þetta lag markar ákveðna breytingu yfir í hlýrra og sólríkara sound sem mun koma svo skýrara fram í framtíðinni.“

Lagið er einskonar óður til dansins og þeirra stemningu sem myndast þegar fólk kemur saman að skemmta sér. Það eiga margir sitt uppáhalds fyrirpartýs-lag sem kemur manni í fíling og „Kingdom Of Dance” er einmitt samið undir slíkum kringumstæðum.

The post „ÞETTA LAG MARKAR BREYTINGU YFIR Í HLÝRRA OG SÓLRÍKARA SOUND” appeared first on Albumm.

Íslenska afróbít hljómsveitin Bangoura Band, er loksins búin að gefa út sína aðra plötu Minister Of Injustice. Platan er melódísk, taktföst og pólitísk plata! Bangoura Band er átta manna hljómsveit, sett saman um vorið 2013 en Þau gáfu út sína fyrstu plötu (Bangoura Band) í desember 2015.

Hljómsveitin segir það Það vera sönn ánægja að segja frá samstarfi sínu við Lemi Ghariokwu, sem varð heimsfrægur á því að hanna 26 plötuumslög fyrir Fela Kuti, og hundruð annarra plötuumslaga fyrir tónlistarfólk eins og Bob Marley, Antibalas, Kris Okotie, Osita Osadebe, James Iroha, Gilles Peterson, Miram Makeba, Lucky Dube og nú Bangoura Band!

Hægt er að’ niðurhalað Minister of Injustice ókeypis hér

The post KOMIN Í HÓP FELA KUTI, BOB MARLEY, LUCKY DUBE OG FLEIRI! appeared first on Albumm.

Til stendur að hefja Evróputúrinn „Icelandic Metal Assault“ á Gauknum þann 27 október nsk. en stuttu síðar verður haldið til Mílanó, Ítalíu og stór hluti meginlandsins lagður undir fót í kjölfarið. Þetta verður í annað skiptið sem evrópa er rokkuð í grunninn af upprennandi, íslenskum þungarokkssveitum undir flaggi túrsins, en hér mætti telja fram Heljarrokksveitina Rán, þrassarana í Exile og dauðarokksslammarana í Devine Defilement.

Rán mun jafnframt nota tækifærið og gefa út seinni breiðdisk sinn Rock to Hell á Gauknum, en húsið opnar – samkvæmt venju – klukkan 21:00 og munu þungarokkspönkararnir í Óværu koma stemningunni í réttan farveg. Aðgangseyrir er einungis 1.000 kr.

The post HEFJA ICELAND METAL ASSAULT Á GAUKNUM OG RYÐJAST SVO UM AUSTUR EVRÓPU appeared first on Albumm.

Það er margt á döfinni næstu misseri hjá Hjólaskautafélaginu – Roller Derby Iceland. Á laugardaginn næstkomandi keppir heimaliðið okkar Ragnarök á móti finnsku stelpunum í Shitty Village frá Oulu. Leikurinn verður haldinn í Íþróttamiðstöð Álftaness og byrjar klukkan 16:00. Hægt er að sjá Facebook viðburðinn hér.

Landsliðið í roller derby er svo að æfa stíft fyrir heimsmeistaramótið 2018 sem að þessu sinni verður haldið í Manchester dagana 1.-4. febrúar. 40 lönd taka nú þátt og eru það fleiri en nokkru sinni fyrr. Haldin verða tvö “bootcamps” hérna heima með erlendum þjálfurum auk þess sem æfingar eru þrisvar í viku að vana. Einnig verða fleiri heimaleikir á næstu mánuðum en venjulega fá Ragnarök til sín erlend lið mánaðarlega til þess að keppa við þar sem það er aðeins eitt roller derby lið á Íslandi.

Roller derby, eða hjólaskautaat á íslensku, er grasrótaríþrótt sem er hönnuð af og aðallega stunduð af konum. Stór hluti iðkenda er hinsegin fólk, innflytjendur og konur sem hafa ekki fundið sig í öðrum íþróttum, en roller derby býr til öruggt umhverfi þar sem jaðarhópar geta stundað hreyfingu og tilheyrt frábæru samfélagi.

Íþróttinni má lýsa sem ruðningi á hjólaskautum og er hún stunduð út um allan heim. Við spilum eftir reglum WFTDA (Women’s Flat Track Derby Association) og gengur leikurinn út á það að skora sem flest stig. Brautin er sporöskjulaga og inni á henni eru fimm leikmenn úr hvoru liði hverju sinni. Fjórir af leikmönnunum eru varnarmenn og einn leikmaður er hlaupari, en hann er með stjörnu á hjálminum sínum og þannig er hægt að greina hann frá varnarmönnunum. Hlauparinn skorar eitt stig fyrir hvern varnarmann sem hann nær að komast fram hjá. Leikurinn eru tveir þrjátíu mínútna hálfleikir sem skiptast svo upp í marga tveggja mínútna leikhluta.

Rollerderby.is

The post ROLLER DERBY ICELAND TEKUR Á MÓTI SHITTY VILLAGE FRÁ OULU appeared first on Albumm.

Akureyski hip-hop tónlistarmaðurinn Stefán Elí hefur sent frá sér nýtt lag sem ber heitið „Bara Með Þér“ Þetta er annað lagið sem Stefán Elí gerir á íslensku en fram að þessu hefur hann aðallega sungið á ensku.

Sem fyrr semur Stefán Elí bæði lag og texta, auk þess að sjá um allan hljóðfæraleik og upptökur. Haukur Pálmason hljóðblandaði og masteraði.   

Lagið er fáanlegt á helstu streymisveitum, svo sem Spotify og Apple Music.

The post AKUREYSKI HIP HOP TÓNLISTARMAÐURINN STEFÁN ELÍ MEÐ NÝTT LAG appeared first on Albumm.

Barði Jóhannson er einn hæfileikaríkasti tónlistarmaður þjóðarinnar en nýlega söng hann inn á tvær stiklur sem innihalda ábreiðu af laginu, „Zombie“ eftir hljómsveitina Cranberries. Annars vegar er um að ræða trailer fyrir nýja X-Files þáttaröð sem FOX mun sýna og hins vegar trailer sem er nú í mikilli keyrslu í amerísku sjónvarpi fyrir tölvuleik sem er framleiddur af Warner Bros og ber nafnið „Middle Earth: Shadow of War.“ Óætt er að segja að ábreiðan sé hlaðin spennu, frumleika og einstakri snilld. Albumm.is fékk Barða til að svara nokkrum spurningum um þetta skemmtilega verkefni.

Hvernig kom það til að þú varst fenginn til að syngja inn á þessar stiklur fyrir Fox og Warner?

Ég er að vinna með fyrirtæki í Bandaríkjunum sem sér um tónlist í stiklur fyrir alla stóru kvikmynda og tölvuleikjaframleiðendur. Þau eru dugleg að búa til samstarf þeirra sem eru innan fyrirtækisins. Ég var því kynntur fyrir Oumi sem vann músíkina.

Afhverju var lagið „Zombie“ með Cranberries fyrir valinu?

Þetta cover (ábreiða) átti upprunalega að fara í stóra bíómynd og var pantað af þeim. Þegar á hólminn var komið endaði lagið ekki í myndinni heldur þessum stiklum.

Þessi ábreiða er vægast sagt öðruvísi en upprunalega útgáfan, var erfitt að koma þessu til skila?

Ég hef mjög sérstakan söngstíl og það er ekkert erfitt að vera maður sjálfur. Þegar ég hef sungið eða spilað lög eftir aðra þá hef ég reynt að færa þau í persónulegan búning. Ég sé ekki tilgang í því að spila lag eftir aðra og reyna að hljóma eins og listamaðurinn sem flutti það upprunalega.

Bjóstu við svona góðum viðtökum og hvernig tilfinning er að heyra rödd sína í svona flottum og stórum stiklum?

Það hefur verið regla hjá mér lengi að búast við engu. Að sjálfsögðu er skemmtilegast að gera sín eigin lög en það er gaman þegar maður fær pósta frá vinum sínum í Bandaríkjunum um að þau hafi heyrt röddina mína í sjónvarpinu. Það þýðir alla vega að maður hljómar ekki eins og allir aðrir.

Er eitthvað fleira líkt þessu á döfinni og eitthvað að lokum?

Það er alltaf eitthvað á döfinni tónlistarlega. Er búinn að vera að dúlla mér í tónlist við nornamynd sem kemur út á næsta ári. Það er samstarf milli mín og Danny í Ladytron en við vorum búnir að semja mikið af tónlistinni í myndina áður en hún var tekin. Við gerðum áður tónlist við myndina „Would You Rather,“ þannig að þetta er önnur myndin sem við erum að semja í.

Hér fyrir neðan má sjá stikluna úr tölvuleiknum, Middle Earth : Shadow of War:

Hér fyrir neðan má sjá X-Files stikluna:

Hér fyrir neðan má hlýða á lagið í heild sinni:

The post „ÉG HEF MJÖG SÉRSTAKAN SÖNGSTÍL OG ÞAÐ ER EKKERT ERFITT AÐ VERA MAÐUR SJÁLFUR“ appeared first on Albumm.

HRNNR & Smjörvi voru að senda frá sér brakandi ferskt lag og myndband sem ber heitið „Ok Bíddu.”  Lagið er einstaklega tryllt og það er geinilegt að sköpunargleðin er mikil!

Myndbandið er einkar skemmtilegt og smellpassar það laginu en drengirnir eiga heiðurinn af því en Daði Freyr Ragnarsson sá um upptökur!

The post HRNNR & SMJÖRVI TRYLLTIR Í NÝJU LAGI OG MYNDBANDI appeared first on Albumm.

Logi Marr og Frank Raven skipa Hljómaveitina Shakes en þeir sendu fyrir skömmu frá sér plötuna Red Motel. Drengirnir eru rokkarar af guðsnáð og það hreinlega lekur af þeim töffaraskapurinn! Að sögn piltanna var platan ansi lengi í vinnslu eða þangað til umboðsmaðurinn þeirra skipaði þeim í meðferð, lokaði þá inn á hótelherbergi og bannaði þeim að koma út fyrr en þeir væru komnir með einhver lög.

Hvenær var Shakes stofnuð og hvernig munduð þið skilgreina tónlistina ykkar?

Fyrir sirka tíu árum eða meira, man það ekki … fórum á fyllirí þá og tókum svo upp plötu núna um daginn. Tónlistin er pure f***kn “rock n´roll.”

Er platan búin að vera lengi í vinnslu og hvaðan sækið þið innblástur fyrir tónlistarsköpun ykkar?

Tíu ár eða meira í vinnslu … eða við stofnuðum hljómsveitina og lifðum rock n´ roll í 10 ár þangað til umbinn okkar, Friðrik Atli Sigfússon, sendi okkur í meðferð. Hann lokaði okkur síðan inn á hótelherbergi og bannaði okkur að koma út fyrr en við værum komnir með einhver lög. Eftir það tók þetta svona þrjár vikur. Innblásturinn er Rolling Stones, Stone Roses, Oasis, og allir sem eru með kjaft.

Um hvað eru textarnir á plötunni og er eitthvað eitt lag á plötunni í uppáhaldi hjá ykkur?

Textarnir eru um rock n´roll – konur, babes, misheppnuð ástarsambönd, forboðna ást, einnar nætur reglur, bíla, sígarettur, freyðivín, áfengi. Uppáhalds lagið okkar á plötunni er koverið okkar af „I wanna be adored” með Stone Roses. Það er reyndar ekki á plötunni en við tökum það eiginlega bara live af því við fílum það.

Hvað er á döfinni hjá ykkur og eitthvað að lokum?

Ég veit það ekki, kannski gera aðra plötu eða fara á fyllirí.

Shakesband.co.uk

Instagram

The post „HENTI OKKUR Í MEÐFERÐ OG LOKAÐI OKKUR INNI Á HÓTELHERBERGI“ appeared first on Albumm.

Young Karin eða Karin Sveinsdóttir eins og hún heitir fullu nafni var að droppa brakandi fersku lagi og myndbandi sem ber heitið „Peakin.”  Karin er ekki einsömul í laginu en Logi Pedro ljáir því einnig rödd sína! „Peakin” er hreint út sagt tryllt lag með þykkum og dáleiðandi hljóðheim!

Myndbandið smellpassar laginu en það er unnið af Þórsteini Sigurðssyni betur þekktur sem Xdeathrow! Þetta mun vera hans fyrsta myndband en hann er einn fremsti ljósmyndari landsins. Af myndbandinu að dæma eigum við klárlega eftir að sjá fleiri myndbönd frá kappanum!

„Peakin” er samið og útsett af Loga Pedro en Oculus sá um masteringu!

Youngkarin.com

Instagram

Xdeathrow.com

The post YOUNG KARIN DROPPAR TRYLLTU LAGI OG MYNDBANDI appeared first on Albumm.

Tónlistarmennirnir Ómar Guðjónsson og hinn þýski Tommy Baldu skipa hljómsveitina ROFOROFO sem gefur nú út sína fyrstu hljómplötu. Þeir hafa unnið saman síðustu 6 árin í Þýskalandi þar sem þeir spiluðu saman í þýskri sækadelískri popp/rokkhljómsveit en fyrir ári síðan byrjuðu þeir að vinna saman undir nafninu Roforofo. Síðasta sumar fóru þeir í tónleikaferð um Þýskaland og í nóvember gefst svo íslenskum áheyrendum tækifæri til að sjá Roforofo þegar þeir koma fram á tónlistarhátíðinni Iceland Airwaves, bæði „on venue” og “off venue.”

Platan þeirra eins og áður segir er komin út en hægt er að nálgast hana á rafrænu formi á tónlistarveitum eins og Spotify og iTunes en geislaplatan kemur í plötubúðir í sjálfri Airwaves vikunni. Hljóðfæraleikur er að mestu í höndum þeirra tveggja en í nokkrum lögum njóta þeir aðstoðar frábæra listamanna eins og  Bjarna Frímanns Bjarnasonar, Davíðs Þórs Jónssonar, Óskars Guðjónssonar, Sigríðar Thorlacius, Rósu Guðrúnar Sveinsdóttur o.fl.

Ómar Guðjónsson er löngu orðinn landsmönnum kunnur sem tónlistarmaður enda verið í fremstu röð sem slíkur í mörg ár þar sem hann hefur komið fram með hljómsveitum eins og ADHD, Jagúar, SJS bigband, Tómasi R. Einarssyni, Jónasi Sig og Ritvélum framtíðarinnar og undir sínu eigin nafni.

Fyrsta sólóplatan hans Varma Land kom út árið 2003 og var tilnefnd til Íslensku tónlistarverðlaunanna það árið. Síðan þá hafa komið út fjölmargar plötur bæði undir nafni Ómars og annara hljómsveita.  Tommy Baldu er trommuleikari frá Þýskalandi og hefur verið áberandi í þýskri tónlistarsenunni í árabil þar sem hann hefur unnið með ólíkum hljómsveitum, jazz, popp og rokk.

Hægt er að nálgast plötuna á Spotify

Roforofo.net

The post ROFOROFO SENDIR FRÁ SÉR SÍNA FYRSTU HLJÓMPLÖTU appeared first on Albumm.

Ásta Fanney Sigurðardóttir.

Á morgun Föstudaginn 27. október kl. 20:00 verður viðburðurinn Data Grawlix haldinn í Harbinger. Þar stígur Ásta Fanney Sigurðardóttir á stokk, gefur út verkið Kaos Lexicon og flytur gjörning í innsetningu. Allir eru hjartanlega velkomnir.

Ásta Sigurðardóttir er myndlistarkona og skáld sem vinnur einnig mikið með tónlist. Data Grawlix er samblanda af þessu þar sem bjögun tákna og samskiptaaðferða er tekin til umfjöllunar. Form orða, stafa, tákna, og hljóða eru tekin í sundur og sett saman til að mynda annan strúktur fyrir skilning og skilaboð. Yfirborðskennt merkingarleysi útlína er innihald fyrir stærra samhengi. Glundroði upplýsingaflæðisins getur myndað þæginlegan rugling sem er lykill út úr og að völundarhúsinu.

Yfirskin(n)ið er einnig hjúpað öðru skin(n)i. Á milli andvarpa má greina byrjun á andvana orði hulið lötu roki. Þú ert eflaust endalaust leidd/ur í átt að enda. Ofhleðslan leiðir af sér oflosun eða niðurlæsingu. Innviðið er endurraðað af einhverju/m öðrum en þér sjálfri/sjálfum.

Til sölu og sýnis verður nýtt verk: Kaos Lexicon, útfærsla á upplýsingarstjarfa.

Harbinger.is

The post DATA GRAWLIX, ÁSTA FANNEY OG KAOS LEXICON Í HARBINGER appeared first on Albumm.

Í dag kemur út á vegum Möller Records breiðskífan Aeons  með raftónlistarmanninum Gunnari Jónssyni Collider. Gunnar Jónsson hefur verið virkur í íslensku tónlistarsenunni í mörg ár, og hefur starfað með ýmsum sveitum – t.a.m. DMG, 1860 og Coral.

Þetta er fyrsta breiðskífa Gunnars en áður hefur hann gefið út smáskífurna Apesheeder hjá  Möller Records og stuttskífurnar Binary Babies og Disillusion Demos árið 2013. Plötuna er hægt að nálgast á stafrænu formi á vef Möller Records, www.mollerrecords.is

Soundcloud

The post GUNNAR JÓNSSON COLLIDER GEFUR ÚT PLÖTUNA AEONS appeared first on Albumm.

Vakan er stærsta kosningarvaka landsins en hún fer fram í Valsheimilinu á laugardaginn 29. Október. Vakan eru óháð félagasamtök sem hefur það eitt að markmiði, að fá ungt fólk til að kjósa! Frítt er á tónleikana og hefjast þeir stundvíslega kl 20:00 og er aldurstakmark 18 ára! Svo er ekkert annað í stöðunni en að mæta á kjörstað og kjósa!

Albumm.is náði tali af Natalie Gunnarsdóttur eða Dj Yamaho en hún kemur fram á Vökunni á laugardaginn. Dagskráin er sko alls ekki af verri endanum en hana má sjá nánar hér.

Hvað er vakan og finnst þér mikilvægt að ungt fólk kjósi?  

Vakan eru óháð félagasamtök sem hefur það eitt að markmiði og það er að fá ungt fólk til að kjósa. Já okkur finnst mjög mikilvægt að ungt fólk taki þátt í að móta sína framtíð og komi því á kjörstað og kjósi.

Hvað heldur þú að ungt fólk kjósi og hvernig breytingar mundir þú vilja sjá á Íslandi?  

Ungt fólk kýs bara eftir sinni sannfæringu. Ungt fólk er að glíma við önnur vandamál heldur en eldra fólkið og því skiptir máli að það verði hlustað á þennan hóp samfélagsins. Ég myndi vilja sjá almennilegt lýðræði haft í hávegi á Íslandi þar sem allir hafa rödd.

Heldur þú að risaeðlurnar séu smeykar við að ungt fólk sé að kjósa í auknum mæli?

Ég virkilega vona ekki. Það á að vera jákvætt þegar allir koma til kjörborðs ekki bara einn hópur.

Þetta eru ekkert smá tónleikar, Þú (Dj Yamaho), Aron Can, Reykjavíkurdætur, Sturla Atlas og JóiPé og Króli eru meðal þeirra sem koma fram. Við hverju má fólk búast á tónleikunum?

Já, það er alveg rétt hjá þér, þetta line-up er algert dúndur og ég er mjög stolt að taka þátt í því. Fólk má búast við massa rassa mega sega stuði. Þetta ball verður legendery!

Nú var bannað að taka af sér sjálfsmynd á kjörstað, hvernig er fyrirkomulaginu háttað og hvernig kemst fólk á tónleikana!

Jú mikið rétt það fór víst svo, en við hvetjum fólk engu að síður til að mæta á kjörstað og taka sjálfu engu að síður og deila með okkur á samfélagsmiðlum til að sýna stuðning og sýnileika. Annars er ókeypis inn og allir sem eru átján ára og eldir velkomnir.

Eitthvað að lokum?

Hlakka til að sjá sem flesta í stuði á laugardaginn!

Vakan.is

The post STÆRSTA OG FLOTTASTA KOSNINGAVAKA LANDSINS FER FRAM Í VALSHEIMILINU appeared first on Albumm.

Kristján Samúelsson er einn af fjórum meðlimum bandsins og eini íslendingurinn en hann hefur verið búsettur í svíþjóð frá árinu 2009. Fyrir utan að vera með harða rödd og í hörðu rokki og róli þá hefur Kristján einnig unnið marga titla í vaxtarækt.

„Ég var sem sagt aktívur keppandi í fitness og vaxtarrækt frá 2002-2012 og þar þekktur betur sem Kiddi Sam. Ég er Íslands, Danskur, sænskur og Norðurlanda meistari í bæði fitness og vaxtarrækt áður en ég byrja að fikta við músik.“

Að lyfta þungu járni yfir í hart rokk og ról, þá spyr maður sig hvort það sé einhver tenging þarna á milli og á nafninu á hljómsveitinni.

„Thungur varð til þegar við ákváðum að breyta frá nafninu „Bend and Break,“ og basically vildum við eitthvað grjóthart og hugsanlega eitthvað íslenskt. Þá kom Thungur (Þungur) inní umræðuna þar sem ALLIR svíar þekkja Hrafninn Flýgur og setninguna „hann er þungur þessi hnífur“ og út frá því var Thungur ákveðið.“

Hljómsveitin eru að vinna núna hörðum höndum að klára myndbandið við lagið „Animals“ og mun það koma út á næstunni!

The post ÚR FITNESS STJÖRNU YFIR Í HART ROKK OG RÓL appeared first on Albumm.

Tónlistarmaðurinn Mikael Lind var að senda frá sér sína fjórðu plötu en hún ber heitið Sounds that Escaped. Mikael segir plötuna vera rökrétt framhald af plötunni  Intentions and Variations sem kom út árið 2016. Þessi nýja plata inniheldur allt það sem hlustandinn óskar sér, rólegt píanó í bland við stigmagnandi syntha og allskonar hljóð sem fær hlustandann til að svífa úr tilveru sinni!

Einnig var að koma út einkar glæsilegt myndband eða í rauninni tvö myndbönd sameinað í eitt en það er við lögin „Metric Expansion of Space” og „Topology of Clouds.” Ian Waugh á heiðurinn af myndböndunum en tónlist Mikaels og hið myndræna smellpassar saman og úr verður heilsteypt verk!

Hægt er að hlýða á plötuna í heild sinni á Spotify og á Bandcamp

Mikaellind.com

The post HLUSTANDANDINN SVÍFUR ÚR TILVERU SINNI appeared first on Albumm.

Síðustu þrjú ár hefur ÚTÓN (útflutningsskrifstofa íslenskrar tónlistar) séð um ráðstefnuhluta á Iceland Airwaves hátíðinni. Ráðstefnan hefur það að markmiði að búa til umræðu og kynningargrundvöll sem vökvar hina íslensku grasrót tónlistarsamfélagsins og eykur skilning erlendra aðila á íslenskri tónlist og því umhverfi sem býr skapar hana.

Pink Street Boys.

Í ár verður ráðstefnuhlutinn í Bíó Paradís, undir nafninu Airwaves Lounge & Conference, en þar undir verður bæði kvikmyndadagskrá (Movie Program) þar sem frumsýndar verða 3 myndir um íslenska tónlist, Island songs um Ólaf Arnalds, og nýjar myndir um Iceland Airwaves og fyrsti og annar hluti tveggja tíma myndar uppúr þáttunum um rokksögu íslands sem Dr. Gunni gerði. Tónlistardagskrá (Music Program) þar sem verður off venue í Bíó Paradís öllum opið, og fyrirlestrar og tengslamyndunarfundir (Talks and Networking) þar sem verða umræður m.a. um geðheilbrigðismál í tónlistargeiranum, konur í tónlist, tónlistarborgina Reykjavik, og margt fleira.

Kælan Mikla

Þar verður breski tónlistarmaðurinn William Doyle sem rak bresku hljómsveitina East India Youth um árabil með fyrirlestur um eigin vegferð um refilstigu geðraskana og leiðir fyrir tónlistargeirann til þess að veita tónlistarmönnum meiri stuðning. Þá verður talað um tónlistarborgina Reykjavík og nýja stöðu hjá borginni sem vinnur að tónlistartengdum verkefnum og Keychange sem er evrópskt samvinnuverkefni um konur í tónlist svo eitthvað sé nefnt. Þá eru ótaldir tengslamyndunarfundir tveir þar sem tónlistarfólk sem tekur þátt í Iceland Airwaves, getur bókað fundi við erlenda aðila sem koma á hátíðina til þess að heyra og sjá íslenska tónlist. Þetta fer fram á fimmtudegi og föstudegi en laugardagurinn er tileinkaður tækni og tónlist, frumkvöðlar í tækni og tónlist koma og segja frá ýmsu því sem er fremst í geiranum í dag. Bæði Genki instruments og Einar Örn með Promogogo og margir fleiri.

Björk Guðmundsdóttir

Tónlistarmenn og áhugafólk um tónlistarmálefni eru hvatt til að mæta, enda mikið í boði, en ráðstefnuhlutinn er opin öllum armbandshöfum á Iceland Airwaves, þó svo að Off Venue í Bío Paradís sé öllum opið.

Hægt er að sjá dagskránna í öllu sínu veldi hér.

Uton.is

Icelandairwaves.is

The post BÚA TIL UMRÆÐU SEM VÖKVAR HINA ÍSLENSKU GRASRÓT appeared first on Albumm.

Formaðurinn tekur til hendinni!

Eins og alltaf verður brjálað stuð á skemmtistaðnum Paloma um helgina en í kvöld föstudaginn 27. Október verður sésrtsök kosningavaka Formannsins! Í aðdraganda komandi kosninga er öllum ljóst að það er brýnna en áður að hver kosningabær þjóðfélagsþegn láti sjá sig á kjörstað.

Formaðurinn mun brjóta upp hið viðurkennda íhaldsmynstur og hefð þá er orðin er hversdagsleg, að fólk vaki eftir síðustu tölum frá kjörstöðum landsins og fagni velgengi síns flokks og skáli eða drekki sorgum vegna lítils fylgis.

Föstudagskvöldið 27. október hefst Vakan snemma!

Esther Silex kann sitt fag!

Á morgun laugardag 28. Október verður að sjálfsögðu eðal dagskrá á paloma en þar koma fram: Esther Silex og Gunni Ewok!

þýska tónlistarvölvan Esther Silex á  rætur sínar að rekja til Kölnarborgar en hefur gert út frá Berlín undanfarin misseri. Hennar aðalsmerki og ástríða er disco og hús, enda engin furða því lærði hún ung að árum að sníða og snúa skífum af foreldrum sínum sem voru viðloðandi diskótek og dansstaði lengi vel.

Henni til fulltingis er enginn annar Gunnar nokkur Ewok, en eins og flestir vita er hann haldhafi hins eftirsótta titils „Plötusnúður Íslands“ og er vel að þeim titli kominn.

Saman munu þau róa fólk úr kosningaóróa með seiðandi tónum og töktum langt fram á nótt.

The post KOSNINGAVAKA, DISKÓ OG HÚS Á PALOMA! appeared first on Albumm.

Rapparinn Fever Dream var að senda frá brakandi ferskt myndband við lagið „Og ég dey” en það er tekið af plötunni Nom de Guerre.  Lagið er einkar seiðandi með afar skemmtilegum texta og takturinn ætti að fá hvert mannsbarn til að kinka kolli!

Myndbandið er djarft og smellpassar laginu en það er Sunna Axels sem á heiðurinn af því! Marteinn Hjartason sá um Mix, taktur og upptaka og Finnur Hákonarson sá um masteringu. Textinn er eftir Vigdísi Ósk Howser Harðardóttur.

The post FEVER DREAM MEÐ DJARFT OG BRAKANDI FERSKT MYNDBAND appeared first on Albumm.