Ljósmynd: Allan Sigurðsson

Hljómsveitin Agent Fresco er á ferð og flugi um þessar mundir en sveitin er á tónleikaferðalagi um Evrópu. Vefþættirnir Ghost Of The road sem vefsíðan Guitar.de sýnir fjallar um rokkhljómsveitir og lífið þeirra á tónleikaferðalögum en Arnór Dan söngvari Agent Fresco fer á kostum í nýjasta þættinum.

Myndbandið gefur góða innsýn inní hvernig það er að vera í hljómsveit og að ferðast útum allan heim! Allt frá því að vera í hljóðveri yfir í hljóðprufu og svo loks að standa fyrir fullum sal og flytja efnið sitt fyrir æstum aðdáendum.

The post HVERNIG ER AÐ VERA Á TÓNLEIKAFERÐALAGI MEÐ AGENT FRESCO? appeared first on Albumm.

Hljómsveitin Wesen sendi á dögunum frá sér glæmýtt lag og myndband sem nefnist Beach Boys. Júlía Hermannsdóttir og Loji Höskuldsson skipa sveitina Wesen en þeirra fyrsta plata kemur út um miðjan Október næstkomandi.

Sveitin hefur verið að vekja á sér talverða athygli að undanförnu enda ekki furða þar sem grípandi laglínur og heillandi hljóðheimur grípur hlustandann á augabragði.

Beach Boys er afar rólegt lag sem einkennst af fallegum hljóðum og grípandi söng! Myndbandið er einkar skemmtilegt en þar má sjá Júlíu fljúga um á síma og Loji þýtur sér um á sörfbretti svo fátt sé nefnt.

The post JÚLÍA FLÝGUR UM Á SÍMA Á MEÐAN LOJI SÖRFAR appeared first on Albumm.

Fyrir stuttu sendi tónlistarkonan Glowie frá sér smellinn No Lie en nú á dögunum kom út frábært remix af laginu. Það eru Haukur Sindri og Kristján Karl sem heiga heiðurinn af mixinu en þeir skipa dúóið Aquariion.

Drengirnir hafa verið að senda frá sér skemmtileg remix að undanförnu en þeir hafa meðal annars tekið fyrir lög með tónlistarmönnunum Friðrik Dór og poppgoðinu sjálfu Justin Bieber.

Hér er No Lie komið í einskonar hús tónlistarbúning en sú stefna er að tröllríða heiminum um þessar mundir. Það er ekkert annað í stöðinni en að ýta á play og njóta gott fólk!

The post GLOWIE ER KOMIN Í HÚSIÐ appeared first on Albumm.

Sextán árum eftir að Suede komu fyrst til islands og léku á eftirminnilegum tónleikum í Laugardalshöll hefur hljómsveitin boðað komu sína aftur til eyjunnar köldu.

Suede munu koma fram á ný í Laugardalshöll þann 22. október. Á tónleikunum munu þeir flytja efni af nýjustu plötu sinni, Night thoughts, og sýna um leið samnefnda kvikmynd sem hljómsveitin vann í samstarfi við Roger Sargent. Seinni hluta tónleikana munu Suede spila valið efni og alla helstu smellina af sínum ferli. Suede hefur þegar tekið þessa samsetningu a nokkrum tónleikum undanfarið ár og hlotið einróma lof fyrir.

Suede voru “headliner” á John Peel sviðinu á Glastonbury 2015 við fádæma undirtektir og það sama ár hlutu þeir “Godlike Genious” verðlaun NME og þar með almenna viðurkenningu á sinni snilligáfu.

Night thoughts hefur einsog vel flestar aðrar plötur Suede fengið afburðar dóma. All Music gaf plötunni 4.5 stjörnur og the Guardian 4 stjörnur svo dæmi séu tekin.

Söngkonan efnilega Soffía Björg sér um að hita upp tónleikagesti.

Miðasala hefst þriðjudaginn 20. september á midi.is https://midi.is/tonleikar/1/9767/Suede

http://www.suede.co.uk/

The post HLJÓMSVEITIN SUEDE SPILAR Á ÍSLANDI appeared first on Albumm.

Fimmtu tónleikarnir í tónleikaröðinni KEX+KÍTÓN verða haldnir í Gym & Tonic á KEX Hostel  21. september næstkomandi þar sem fram koma hljómsveitirnar Cyper og Trilogia. Arion Banki er styrktar- og samstarfsaðili þessarar vaxandi tónleikaraðar.

Hljómsveitin Cyber

Cyber var upprunalega stofnuð sem thrash metal- og diskó-sveit árið 2012 en er í dag rapp-dúó skipað þeima Bleach Pistol (Salka Valsdóttir) og JuniorCheese (Jóhanna Rakel). Cyber er nefnt eftir varalit sem þær stöllur notuðu báðar á unglingsárum.

Cyber gáfu nýverið út sjö laga þröngskífuna Crap sem þær vinna lög með tónlistarmönnum á borð við dj. flugvél og geimskip og russian.girls og hefur hún að geyma lög á borð við „BARNAEFNI“ og „VEGAS“. Cyber-stöllur eru báðar meðlimir Reykjavíkurdætur.

Hljómsveitin Trilogia

Hljómsveitin Trilogia var stofnuð á haustmánuðum 2014 og hefur síðan samið lög og texta, æft og úfært og komið fram á nokkrum tónleikum. Hljómsveitin spilar rafskotna popptónlist sem teygir anga sína aftur í breska trip-hop 9. áratugarins. Trilogiu skipa Finnbjörn Benónýsson (hljóðgervlar, bassi, gítar og söngur) og Fríða Dís Guðmundsdóttir (söngur og hljómborð). Saman semja þau öll lög og alla texta.

Hugmyndin að baki tónlistinni liggur í hljómsveitarnafninu sjálfu, Trilogia, eða þríleikur, þ.e. hljómsveitin semur þrjú lög sem fléttast saman á einn eða annan hátt. Þríleikirnir þjóna mismunandi tilgangi og myndun þeirra er margbreytileg. Á meðan sumir taka á tilfinningum og leitast við að skapa ákveðið andrúmsloft eru aðrir líkari smásögum í þremur hlutum sem rekja ákveðna atburðarás. Hver þríleikur hefur sinn einkennislit sem afmarkar efnið; blái þríleikurinn, sá rauði o.s.frv.

KEX Hostel hefur frá opnun 2011 lagt mikla áherslu á lifandi tónlist og hefur fjöldi íslenskra og erlendra tónlistamanna komið fram á KEX. Samstarfið með KÍTÓN – konur í tónlist undirstrikar og styrkir enn frekar tengsl KEX Hostel við fjölda listamanna og það er svo sannarlega mikið gleðiefni að tengjast KÍTÓN og munu KEX og KÍTÓN bjóða uppá mánaðarlega tónleika undir yfirskriftinni KEX+KÍTÓN.

KÍTÓN stendur fyrir konur í tónlist og er tilgangur félagsins er að skapa jákvæða umræðu, samstöðu og samstarfsvettvang meðal kvenna í tónlist. Þeim tilgangi er náð með auknum sýnileika, viðburðum og stöðugu samtali við tónlistarkonur á Íslandi. Samstarf KÍTÓN við KEX Hostel og Arion Banka rennur enn fremur stoðum undir það góða starf sem KÍTÓN er að vinna.

Með tilstuðlan KÍTÓN er umræðan um stöðu kvenkyns laga- og textahöfunda jafnt sem flytjenda orðin fyrirferðameiri en hún hefur verið undanfarna áratugi. Félagið fer þvert á allar tónlistarstefnur, strauma, bakgrunn, menntun og jafnvel má sjá konur í félaginu sem starfa við tónlist sem umboðsmenn eða hafa atbeini eða starfa af tónlistargeiranum. Félagið fer ört stækkandi og eru nú um 246 félagskonur skráðar.

Hér fyrir neðan má sjá myndbönd frá fyrri tónleikum:

The post CYBER OG TRILOGIA SPILA Á FIMMTU TÓNLEIKUM KEX OG KÍTÓN appeared first on Albumm.

Fuck The Game Up EP er smáskífa eftir tvo stráka úr bæði Keflavík og Njarðvík. Þeir fara undir listamannanöfnunum Ingólfs og Tósi Ljósár. Fyrir skömmu hituðuð drengirnir upp fyrir hljómsveitina Vök á skemmtistaðnum Paddys í Keflavík og eftir það var loks ákveðið að henda í umrædda smáskífu.

Drengirnir hittust í hljóðveri og byrjuðu að semja á fullu en eitthvað vantaði uppá! Ákváðið var að fara í Fjölskylduhjálp til að kaupa vínyl plötur til að hljóðsmala upp úr.

Tósi fékk hugmyndina að hljóðsmala Pusher – Midi sans frontiéres. Sömdum trommur, söng, chops og ég samdi gítar sólóið. Vitum ekki enþá hvað konan er að segja i söng samplinu en hljómar eins og hún sé að segja Fuck The Game Up. Þannig fékk það lag og platan nafnið – Ingólfs

Hér er á ferðinni frábær plata og er því ekkert annað í stöðunni en að ýta á play og njóta!

The post FÓRU Í FJÖLSKYLDUHJÁLP TIL AÐ KAUPA VÍNYL PLÖTUR appeared first on Albumm.

Ljósmynd: Kolbrún Þóra Löve fyrir Neptún Magazine.

Goeffrey Skywalker er grafískur hönnuður, bókari og teiknari en hann rekur einnig kaffihúsið og skemmtistaðinn Prikið. Geoffrey er fremstur á meðal jafningja en teikningar hanns hafa vakið talsverða athygli að undanförnu og hver kannast ekki við Prikið?

Ljósmynd: Kolbrún Klara.

Prikið hefur lengi verið einn helsti viðkomustaður ungra listamanna og kvenna í Reykjavík en það er greinilegt að Geoffrey er með hjartað á réttum stað.

Þessum hæfileikaríka kappa er margt til lista lagt og nóg er um að vera hjá honum en hann gaf sér þó tíma til að segja Albumm.is hvaða lög hann er að hlusta á um þessar mundir.

Hægt er að fylgjast með Geoffrey Skywalker hér:

http://geoffreyskywalker.tumblr.com/

The post Á HVAÐ ER GEOFFREY SKYWALKER AÐ HLUSTA? appeared first on Albumm.

Síðastliðinn vetur stóðu Albumm.is og Brettafélag Hafnarfjarðar fyrir hjólabrettanámskeiði fyrir krakka en það slóg rækilega í gegn og færri komust að en vildu og hefur því verið ákveðið að halda námskeiðinu áfram í vetur.

Líkt og á fyrri námskeiðum er það hjólabretta og tónlistarmaðurinn Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðandi brettanámskeiðum í um fimmtán ár. Til honum halds og traust verða tveir af helstu hjólabrettaköppum landsins.

Farið verður yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður og Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip.

Á námskeiðinu er hjálmaskilda en einnig eru allir hvattir til að koma með þær hlífar sem viðkomandi á. Á staðnum eru nokkur lánsbretti og einnig lánshjálmar að kostnaðarlausu.

Námskeiðið hefst laugardaginn 1. Október og sunnudaginn 2. Október 2016 í aðstöðu Brettafélags Hafnarfjarðar, Flatarhrauni 14. (Gamla slökkviliðshúsinu í Hafnarfirði).

Námskeiðið er fjögur skipti, annaðhvort á laugardögum eða á sunnudögum (tekið skal fram í skráningu hvaða dag hentar) og kostar 10.000 kr fyrir öll fjögur skiptin.

Námskeiðið hefst stundvíslega kl 10:30 og stendur til kl 12:00. Námskeiðin eru ætluð strákum og stelpum á aldrinum 5 til 12 ára (ekki fastmótað)

Skráning er hafin á albumm@albumm.is

Nafn og kennitala barns þarf að fylgja skráningu, nafn og símanúmer forráðarmanns og hvort er viljað pláss á laugardögum eða sunnudögum.

Hér fyrir neðan má sjá nokkrar skemmtilegar ljósmyndir úr fyrri námskeiðum.

The post SKRÁNING ER HAFIN Á HJÓLABRETTANÁMSKEIÐ ALBUMM.IS OG BFH appeared first on Albumm.

Þann 16. September síðastliðinn opnaði Úlfur Karlsson sýningu í Galerie Ernst Hilger (Project Room). Sýningin samanstendur af fimm stórum verkum, og einu hljóðverki.

Úlfur hefur látið mikið á sér bera síðan hann lauk námi í listaháskólanum í Valand í Gautaborg árið 2012. Meðal stærri sýninga má nefna samsýninguna ,,Hard Day’s Night“ í Listasafni ASÍ, „NÝMÁLAГ í Listasafni Reykjavíkur og einkasýningu í D-sal Hafnarhúss (Listasafn Reykjavíkur).

Nýjasta sýningin er afar pólítísk,  aðal þemað er stríð og þeir leiðtogar heimsins sem skipuleggja þau. Úlfur skoðar tengsl herforingja í stríðum og box umboðsmanna eða „boxing promoters“ líkt og Don King. Þeir senda hermenn eða boxara í baráttu eða stríð en heyja ekki bardagann sjálfir, líkt og titill sýningarinnar ber með sér (By Proxy). Þá vaknar sú spurning fyrir hvern er í raun verið að berjast og fyrir hvaða málstað.

Don King kemur fram í mörgum verkum á sýningunni og eftir þó nokkur internet samskipti (m.a. við barnabarn hans)  hefur Mr. King sýnt áhuga á að koma á opnunina en einungis tíminn leiðir í ljós hvort það gerist eða ekki.

ulfurkarlsson.com

The post ÚLFUR KARLSSON OPNAR PÓLÍTÍSKA LISTASÝNINGU appeared first on Albumm.

Þann 12. nóvember opnar Rokksafn Íslands nýja sýningu sem ber heitið „Þó líði ár og öld“ og fjallar hún um stórsöngvarann Björgvin Halldórsson. Á sýningunni er farið um víðan völl og fjallað er ítarlega um hinar ýmsu hliðar Björgvins. Eins og flestum er kunnugt er Björgvin landsþekktur söngvari og hefur sungið með hljómsveitum eins og Bendix, Flowers, Ævintýri, Hljómum, Brimkló, Change, HLH flokknum, Ðe lónlí blú bojs og mörgum fleiri.

Björgvin hefur líka sinnt ýmsum störfum tengdum tónlist og fjölmiðlum í gegnum tíðina og má til dæmis nefna að hann starfaði sem markaðsfulltrúi á Íslensku auglýsingastofunni um tíma, var útvarpsstjóri Stjörnunnar og Bylgjunnar, framleiðandi og sjónvarpsstjóri Bíórásarinnar sem og verið rödd Stöðvar 2 um árabil. Einnig hefur Björgvin verið útgefandi, upptökustjóri, sinnt stjórnunarstörfum hjá hinum ýmsu fagfélögum tónlistarmanna og verið markaðsstjóri á veitingahúsinu Broadway.

Gestir geta sungið lög sem Björgvin hefur sungið og gert vinsæl í söngklefa Rokksafnsins og prufað að hljóðblanda vinsælt lag sem Björgvin hefur flutt. Einnig verður til sölu tónlist Björgvins sem og ýmis varningur.

Fjallað er um margar hliðar Björgvins á sýningunni og þeim gerð skil með hjálp tækninnar. Á sýningunni segir Björgvin sögur af ferli sínum og aðrir segja sögur af honum. Björgvin er mikill safnari og á sýningunni má finna fjölmarga muni sem hann hefur haldið til haga frá ferli sínum og samstarfsmanna í gegnum tíðina. Þar á meðal er hluti gítarsafns hans á sýningunni, plaköt allt frá fyrstu tónleikum til dagsins í dag, gullplötur, textablöð, glymskratti, ógrynni ljósmynda og myndbanda og þannig mætti lengi telja.

Gestir geta sungið lög sem Björgvin hefur sungið og gert vinsæl í söngklefa Rokksafnsins og prufað að hljóðblanda vinsælt lag sem Björgvin hefur flutt. Einnig verður til sölu tónlist Björgvins sem og ýmis varningur.

Þetta er sýning sem enginn tónlistarunnandi ætti að láta framhjá sér fara! Sýningarstjóri og hönnuður er Björn Georg Björnsson.

Opnun sýningarinnar fer fram kl. 15:00 þann 12. nóvember á Rokksafni Íslands í Hljómahöll.

Allir velkomnir! Frítt inn á opnunardaginn!

The post ROKKSAFN ÍSLANDS OPNAR SÝNINGU UM BJÖRGVIN HALLDÓRSSON appeared first on Albumm.

Ljósmynd/ Ingibjörg Birgisdóttir

Spaceland er fjórða hljóðversplata Sin Fang í fullri lengd. Á plötunni eru góðir gestir en meðal þeirra sem syngja með kappanum má nefna Jónsa úr Sigur Rós og söngkonurnar JFDR og Sóley.  Platan var tekinn upp af Sin Fang og co-prodúsuð af Alex Somers og Jónsa! Upptökur fóru fram í Los Angeles, Japan og Reykjavík.

Ljósmynd/ Ingibjörg Birgisdóttir

Titill plötunar lýsir ákveðnu hugarástandi og eru textarnir eftir því. Hljómur plötunar er mun rafrænni en fyrri plötur, en Sin Fang nær algjörlega að toppa sjálfan sig! Spaceland er virkilega frábær plata en hún kemur bæði út á geisladisk og á vínyl. Vínyl útgáfan inniheldur bónus EP plötu! Það er þýska fyrirtækið Morr Music sem gefur út, líkt og fyrri plötur Sin Fang.

Fylgist nánar með Sin Fang hér:

http://www.heysinfang.com/

https://www.instagram.com/sinfanggg/

https://twitter.com/sinfanggg

http://sinfang.tumblr.com/

The post SIN FANG HEFUR TOPPAÐ SJÁLFAN SIG Á NÝRRI PLÖTU appeared first on Albumm.

Ljósmynd: Þorsteinn Sigurðson.

Hjólabrettakappinn Siggi Rósant eða Rósi eins og hann er oftast kallaður var að senda frá sér glæsilegt myndband! Myndbandið er samansafn af klippum frá árinu 2012 til dagsins í dag. Rósi er fremstur á meðal jafningja og það líður ekki sá dagur sem hann rennir sér ekki á bretti.

Á dögunum fór Rósi til danmerkur gagngert til að renna sér en hann fór á kostum eins og honum einum er lagið og slóg hann rækilega í gegn! Hann renndi sér mikið með strákunum hjá danska hjólabrettafyrirtækinu Alis og var hann hrókur alls fagnaðar. Wonderland er heimavöllur Alis en þar er iðulega margt um manninn og mikil stemming! Þar nelgdi Rósi hvert trikkið á fætur öðru og brutust út mikil fagnaðarlæti, Alls ekki slæmt.

Rósi er um þessar mundir að vinna að glænýju myndbandi og bíðum við spennt eftir því!

The post RÓSI ER HRÓKUR ALLS FAGNAÐAR appeared first on Albumm.

Rollerderby blæs í kvöld til svokallaðan nýliðadag en þar gefst áhugasömu fólki að koma og kynna sér starfsemi þessarar nýju íþróttar. Team Iceland er nýkomið heim frá Belgíu en þar keppti Íslenska liðið í sinni fyrstu Evrópumóti í Rollerderby. Auk þess eru tveir heimaleikir framundan hjá Ragnarökum þar sem spilað verður á móti sænsku liði 22. okt og þýsku liði 26. nóv.

Margt er að gerast hjá RDÍ en Albumm.is mun fara nánar í saumana á því á næstunni!

Nýliðadagurinn byrjar í kvöld kl 19:30 og stendur til kl 22:00 en herlegheitin fara fram í Kórnum í Kópavogi.

http://www.rollerderby.is/

The post NÝLIÐADAGUR ROLLERDERBY ER Í KVÖLD appeared first on Albumm.

Björk  hélt tónleika í Royal Albert Hall miðvikudagskvöldið 21. September sem fengu vægast sagt frábærar viðtökur! Björk var í banastuði og gefur The Telegraph tónleikunum fimm stjörnur og segir meðal annars:

,,Ég hef aldrei séð Albert Hall taka svona við sér.”

Hér fyrir neðan má sjá nokkra dóma úr erlendum fjölmiðlum.

Fimm stjörnur í The Times:

http://www.thetimes.co.uk/article/pop-bjoerk-at-the-royal-albert-hall-lpjm9979r

Fimm stjörnur í The Telegraph:

http://www.telegraph.co.uk/music/what-to-listen-to/bjork-review-ive-never-seen-the-royal-albert-hall-react-quite-li/

Fimm stjörnur í The Art Desk:

http://www.theartsdesk.com/new-music/bj%C3%B6rk-royal-albert-hall

Fjórar stjörnur í The Guardian:

https://www.theguardian.com/music/2016/sep/22/bjork-review-as-ambitious-and-inventive-as-ever

Hér fyrir neðan má sjá lagið „The Anchor Song“ með Björk á tónleikunum í Royal Albert Hall á miðvikudagskvöldið.

http://www.bjork.com/

https://twitter.com/bjork/

The post BJÖRK FÆR FRÁBÆRA DÓMA FYRIR TÓNLEIKA SÍNA Í ROYAL ALBERT HALL appeared first on Albumm.

Anna Sóley er söngkona og lagasmiður. Lagasmíðunum má lýsa sem neo soul með áhrifum frá grúf jazzi og fönki.  Hún útskrifaðist frá Fíh vorið 2016 þar sem hún lærði jazzsöng. Lagið „Follow Me“ var samið síðsumars árið 2013. Lagið er seiðandi eins og söngur Sírenanna úr Ódysseifskviðu. Lagið fjallar um óuppfyllta drauma og bældar tilfinningar. Yfir laginu hvílir þó bjartsýnis þrá með svaldandi sumargolu.

Í bandinu með Önnu eru bróðir hennar, gítarleikarinn efnilegi, Mikael Máni Ásmundsson og reynsluboltarnir Pétur Sigurðsson bassaleikari og Magnús Tryggvason Elíassen trommuleikari. Á „Follow Me“ fá þau til liðs við sig Magnús Jóhann Ragnarsson á Rhodes og saxafónleikarann Sölva Kolbeinsson. Upptakan var gerð í Sundlauginni og upptaka, hljóðblöndun og tónjöfnun var í höndum Birgis Jóns Birgissonar.

The post ANNA SÓLEY ER Á SILKIMJÚKUM NÓTUM Í NÝJU LAGI appeared first on Albumm.

Franska/Ítalska hljómsveitin We-Are-Z var að senda frá sér glænýtt og glæsilegt myndband við lagið Goldigaz. Sunneva Ása Weisshappel og Anni Ólafsdóttir eiga heiðurinn af myndbandinu en þær hafa verið að gera myndbönd saman í þónokkurn tíma. Sunneva og Anni fóru í Art recidency í vor sem heitir Wonder og er staðsett í París en Þar stofnuðu þær vídeósamstarfið Herpes.

Dömurnar kynntust Gabriel Gazes við uppsetningu á Mutter Courage í þjóðleikhúsinu í Wiesbaden í janúar þar sem hann sá um tónlist í verkinu og Sunneva um búningana. Í kjölfarið var ákveðið að vinna með hljómsveitinni hans We are Z að myndbandi. myndbandið Goldigaz var tekið upp í París og í kjölfarið var farið til Barcelona þar sem myndbandið var klippt.

Myndbandið er afar líflegt og skemmtilegt en þar sjást meðlimir We-Are-Z í allskonar búningum á götum Parísarborgar. Fjaðrir, Gular neglur og apagrímur koma við sögu og það er greinilegt að góða skapið var haft í fyrirrúmi!

Sumir segja meira að segja að myndbandið komi fólki í Halloween gírinn!

http://www.we-are-z.com/
https://twitter.com/WeAreZmusic
https://soundcloud.com/we-are-z

The post HERPES GERA MYNDBAND MEÐ FJÖÐRUM, GULUM NÖGLUM OG APAGRÍMUM appeared first on Albumm.

Það verður heljarinnar stuð á Nasa annaðkvöld þegar goðsögnin Moritz Von Oswald (Basic Channel og Maurizio) stígur á stokk! Moritz Von Oswald er lifandi goðsögn sem hefur skapað sér nafn sem einn allra stærsti áhrifavaldur Technosins. Undir nafninu Maurizio telst hann ábyrgur fyrir minimal stefnunni sem hefur verið áberandi í danstónlist undanfarin ár. Ásamt því hefur hann þróað og leitt áfram „Deep Techno“, síðan í byrjun 10. áratugarins undir nafninu Basic Channel ásamt Mark Ernestus. Hann er einning höfundur „Dubtechno“ geirans undir nafninu Rhythm & Sound.

Moritz Von Oswald er einn hugmyndaríkasti frumkvöðull Techno, minimal, dub og deeptechno. Hann hefur tengt saman menningarheima á undraverðan hátt. Þannig hefur samstarf hans við tónlistarmenn með rætur í Karabískri tónlist getið af sér sérstaka kvísl raftónlistar sem kallast Dubtechno.

Það er stórviðburður að fá Moritz Von Oswald til landsins og þeir sem þekkja til hans vita við hverju má búast. Það er goðsagnakennda plötuútgáfan Thule Records sem stendur að viðburðinum.

Alls ekki láta þetta framhjá þér fara en húsið opnar kl 23:30 en Moritz Von Oswald byrjar rétt eftir miðnætti.

Miðaverð er 1.990 kr en hægt er að nálgast miða á Enter.is og við hurð.

The post MINIMAL TECHNO GOÐIÐ MORITZ VON OSWALD KYNDIR KLAKANN appeared first on Albumm.

Nú eru liðin 25 ár frá því að Íslendingar viðurkenndu sjálfstæði landanna við Eystrasalt, þ.e. Eistland, Lettland og Litháen. Löndin þrjú hafa alla tíð síðan hugsað hlýtt til norðurs en annaðkvöld sunnudagskvöld verður þessum tímamótum fagnað með tónleikum með tveim tónlistarmönnum, einum frá Eistlandi og einum frá Íslandi. Tónlistarmennirnir eru Argo Vals frá Eistlandi og Pétur Ben frá Íslandi.

Argo Vals er tónskáld og gítarleikari sem kemur ýmist fram með fullskipaðri hljómsveit eða einn síns liðs með gítar í hönd og umkringdur gítarfetlum, trommuheila og allskyns græjum. Tónlist Argo má lýsa sem blöndu af jazz, síðrokki, Steve Reich og IDM (Intelligent Dance Music). Hann hefur gefið út tvær breiðskífur, Tsihcier árið 2012 og Nokturn árið 2015. Hann hefur hlotið nokkrar tilnefningar til eistnesku tónlistarverðlaunanna, þ.á.m. sem besti karlkyns flytjandinn og fyrir plötu ársins.

Umfjöllun:
The Moscow Times: http://www.themoscowtimes.com/arts_n_ideas/article/estonian-composer-begins-russian-tour/505082.html
Far From Moscow: http://www.farfrommoscow.com/articles/argo-vals-oxymoron-tartu-estonia-ffm5.html

Pétur Þór Benediktsson eða Pétur Ben hefur verið virkur í íslensku tónlistarlífi undanfarna tvo áratugi eða svo. Pétur hefur spilað í hljómsveitum frá unglingsárum og lét fyrst fyrir sér fara sem einyrki rétt fyrir miðjan síðasta áratug. Pétur hefur sent frá sér tvær sólóskífur, Wine For My Weakness og God‘s Lonely Man sem eru báðar framúrskarandi verk. Hann vinnur nú að tónlist í sjónvarpsþætti og sömuleiðis nýrri breiðskífu sem munu líta dagsins ljós áður en um langt líður. Pétur hefur hlotið verðlaun tónlist sem hann hefur samið fyrir leikhús og kvikmyndir. Á ferli sínum hefur hann starfað með tónlistarfólki á boð við Nick Cave, Eberg, Ellen Kristjáns, Mugison, Kippi Kanínus, Bubba Morthens, Oyama, Kórus o.fl.. https://www.youtube.com/watch?v=EX_tCzi8itk

The post 25 ÁRA SJÁLFSTÆÐISVIÐURKENNINGU EYSTRASALTSLANDANNA FAGNAÐ Á KEX appeared first on Albumm.

hjólabrettakappinn og tónlistarmaðurinn Rósi var að senda frá sér glænýtt lag sem nefnist Út fyrir kassann. Sigurður Rósant eins og hann heitir réttu nafni er einn færasti skeitari landsins en undanfarið hefur hann verið að vekja á sér athygli sem rappari og textasmiður.

Hér er á ferðinni mikill hæfileikabolti sem gaman verður að fylgjast með, bæði á brettinu og í tónlistinni!

Út fyrir kassann er er virkilega þétt lag sem fær mann til að hlusta, hugsa og meta. Krabba Mane útsetti lagið, Ice Green (Rúnar Ívars) sá um upptöku, mix og masteringu en Rósi samdi textann og rappaði.

The post RÓSI FÆR ÞIG TIL AÐ HLUSTA, HUGSA OG META appeared first on Albumm.

Ljósmynd/Nanna Dís

Tónlistarmaðurinn Stefán Ólafsson Stefánsson eða Steve Sampling eins og hann kallar sig var að senda frá sér brakandi ferskt lag og myndband sem nefnist „Eisenbahn (komm mit).“ Lagið er tekið af væntanlegri EP plötu sem er í vinnslu um þessar mundir en það er Íslenska raftónlistarútgáfan Möller Records sem gefur plötuna út.

Steve Sampling er einn ástsælasti hip hop pródúser íslands en í seinni tíð hefur hann verið að leika sér með allskyns stíla. Elektróníkin er aldrei langt undan, en umræddu lagi má lýsa sem glaðværu húsi með old school fíling!

Kappinn er afar lúnkinn við að láta tónlist sína hljóma einkar vel enda mikill fagmaður fram í fingurgóma! Við bíðum spennt eftir plötunni en þangað til látum við hanns nýjasta lag hljóma í eyrum okkar!

The post HÚS MEÐ OLD SCHOOL FÍLING appeared first on Albumm.